Zhan 4:6 - Ɛmɛẅi ankà ankrànkràn 2003

⁶ Nanvrɛn de Zhakɔbɛ̀n mrɛ́n ovrú nɔn. Zhezü nán esù, edù kà, kɩ yɛ́ ovrú mùan. Ncɔ́ ɛnbri shɛ́n mùan mɛ̀n.

Zhan 4:6 Iomraidhean Croise

Matie 27:45

Ɛnvra léyi ɛnbri shɛ́n nɔn, ɛyri wá sɛ́n anmàn ɛnhi wú lɔ fɛn hàn kɩ cɔ́ ɔwɔɛmɛ̀n wacɛ̀n anhɔ̀n.

Matie 4:2

Ɛnvra léyi Zhezü bɩ́ kìshe trɔ ɛbi ɛkoẅi-anhyrɛ̀, ɛnnyran mán ɛcɛ̀n nɛ̀n sɩ̀ zî ɛci, ɔmùanwù kɛ ẅɛn nɛ̀n.

Matie 8:24

Kpatakpata lɔ ɔwràn vri tɔ̀n tɔhú ke bɩ́ nɛnbà-cɛ wú, kɛ hán nɛnbà-fù ke ku anhàka lɔ mɛ̀n. Tɛ́n Zhezü kɛ di ndà.

Lükɛ̀n 2:7

Mari bî ɛncɔnwrɔn-ẅì dú n'ɛnvrakpà ẅì. Nɛ̀n murɛn yi ɛci wosu, kɩ nɛ̀n drɛ́ yi annɔ̀n ci-zî bɔ̀hɔ́ mɛ̀n, ɔmuhi yɔ sɩ̀ cɔ̀ ɛyri nɛ̀nnyàn-bɔ̀ wɔn lɔ mɛ̀n nɔn.

Lükɛ̀n 9:58

Zhezü kɛ dɔ́ nɛ̀n le: “Kpekpe hɔ̀n kɛ dɛ́ ɛnnanmàn mɛ̀n, kɩ annrɛ́n hɔ̀n ẅɛn anwɔn kɛ dɛ́ ɛmɛ̀n; ɔwrɔn-ẅì Ẅì tɛn, kè sɩ̀ ẅɛ̀n ɛyri hɩ ká dɛ́ kɛ̀ wrɔncüe nɔn.”

Zhan 11:9

Zhezü kɛ dɔ́ yɔ le: “Ɛnbì zri mɛ̀n lɔ, wacɛ̀n granmɛ̀n ɛvà anhyrɛ̀ de ndù nɔn, ke sɩ̀ dù hiɛ? Ke dú kɛ ɔwrɔn kɛ nán esù ɛcɛ̀n, eci ke sɩ̀ sɔ́n nɛ̀n ɛnan, ɔmuhi nɛ kán ɛnhibù ndɔ lɔ n'ɛyri-kàn nɔn.

Zhan 4:12

Bɔ́ nancüì Zhakɔbɛ̀n tán bɔ̀ ovrú ndɔ lɔ; nɛ́n dùku mán nɛ̀n mi ovrú lɔ n'ɛmɛ̀n shi, n'ɛẅì hɔ̀n mán, n'annɔ̀n mán mi ɛnshi lɔ. E tro le vɛ́n de è sevri ɛ̀ vrán Zhakɔbɛ̀n nɛ́n?”

Zhan 4:5

Nɛ̀n cɔ́ anmàn tɔ̀n dú Samari tɛsɛ̀n, ye bi Sisharɛ̀n, kɩ Sisharɛ̀n dú Zhakɔbɛ̀n kɛ̀tɛ̀ léyi tán n'ɛnẅì Zhozɛfɛ̀n nɔn ɛtɛsɛ̀n.

Zhan 4:7

Samari anmàn nyɔnwrɔn tɔ̀n vá ɛnshi woɛ-yri kɩ Zhezü kɛ dɔ́ nɛ̀n le: “Tán mɛ̀n ɛnshi mɛ̀n mì.”

2 Korɛntɛ̀n anmàn-bɔ̀ 8:9

Ɔmuhi nyɛ́n nyri bɔ́ Ɛẅɛnwrɔn Zhezü Krisì boafɔ̀n lɔ nɔn: nɛ́n léyi nɛ̀n di ɛnnɛ̀ncüì, nɛ̀n srɔ n'edomɛ̀n ɛmian-wrɔn ny'edùzhrɛ kruhú, ô nɛ̀n wá nyɛ̀n ɛnnɛ̀ncüì n'ɛmìan lɔ mɛ̀n nɔn.

Ebre-bɔ̀ 2:17

Hɩ le kruhú de ke ji le nɛ̀n dù nɛ̀n cá nɛ́n muan-ẅì hɔ̀n eci lɔ fɛn mɛ̀n, ô nɛ̀n dú y'ecice-wrɔn cüìcüì léyi ɛcüɛ̀n yɩ́ ɛmɛ̀n, ke di ɔmùan zri Ɔwɔ ci-bɩ̀tan kɔ̀hɔ́n mɛ̀n, ô fɛcüè kɛ̀ cɔ́ ɛgbàn-bɩce.

Ebre-bɔ̀ 4:15

Bɔ̀ sɩ̀ ẅɛ̀n Ɔwɔ-cice-wrɔn cüìcüì léyi ke sɩ̀ ẅɛn ecüì kè cɔ́ bɔ̀ mɛhi, bɔ̀ kán ɛgbàn, bɔ́ ɛjɛ̀ hɔ̀n lɔ mɛ̀n nɔn. Tɛ́n b'Ɔwɔ-cice-wrɔn cüìcüì lɔ srɔ́n ɛwɔ̀ɛn-nyan ɛsù eci lɔ fɛn mɛ̀n hán bɔ́ hɔ́, tɛ́n nɛ̀n sɩ̀ hán ɛgbàn zriɛmɛ́n.