Zhan 4:42 - Ɛmɛẅi ankà ankrànkràn 2003

⁴² kɩ yɔ dɔ́ ɛnnyɔnwrɔn lɔ le: “Zɛtɛn, bɔ́ bútan ankaẅì, ankà léyi ɛ̀ dɔ́ bɔ̀, mán hɩ léyi bɔ́ dùku bɔ̀ yá nɔn, tɛ́n, ɔmuhi bɔ́ dùku bɔ̀ yá, kɩ bɔ̀ nyri ɔmu le, ɔwrɔn lɔ dú ɛnhibù wú Bɩdie-wrɔn annanwɔrɛ nɔn.”

Zhan 4:42 Iomraidhean Croise

Matie 1:21

Ne le bî ɛncɔnwrɔn-ẅì tɔ̀n, ɛ̀ wá nɛ̀n ebi Zhezü, ɔmuhi nɛ lɛ mrɛ́n nɛ́n fɛcüè lɔ ɛgbàn mɛ̀n nɛ̀n sɔhɔ́ nɔn.”

Lükɛ̀n 2:32

hɩ de dú, ɛyri-kàn léyi, kɛ lɛ hán tán ɛnhi wú anmàn lɔ fɛn ke nyri mɛ́n, ô kè dú eci-zrɔ kɛ̀ tán Izraɛlɛ̀n vɛ́n fɛcüè.”

Zhan 1:29

Ɛnvra léyi ɛcɛ̀n cüe nɔn, Zhan kán Zhezü, jí nɛ̀n nvà kɩ nɛ dɔ̀ le: “Nyàn Ɔwɔ Kɔ̀kɔ̀sɛ̀-ẅì léyi kɛ gbú ɛnhibù gbàn lɔ sɔhɔ́ nɔn.

Zhan 11:17

Ɛnvra léyi Zhezü bru nɔn, nɛ́n cɔ̀ nɛ́n nyrì le yɛ wá Lazarɛ̀n ezhe-nànmàn mɛ̀n ɛbi anzɔ̀ vacì.

Zhan 17:8

ɔmuhi mɛ̀n tán yɔ ankà-dɔ̀ hɔ̀n léyi ɛ̀ tán mɛ̀n nɔn, kɩ yɔ cɔ́ ankà-dɔ̀ hɔ̀n lɔ. Yɔ nyri annanwɔrɛ mɛ̀n le v'eyri de mɛ́n dù mɛ và nɔn, kɩ yɔ bútan ankaẅì le vɛ́n de ɛ̀ wá mɛ̀n ɔkɔhɔ̀n nɔn.”

Zhan 4:29

“Nyɛ́n và nyɛ́n nyan ɔwrɔn tɔ̀n léyi dɔ́ mɛ̀n m'eci lɔ fɛn léyi mɛ̀n hán nɔn. Nɛ́n de ne le dú Ebɩdie-wrɔn lɔ nɛ́n?”

Zhan 4:41

Yɔ dú anwrɔn bobrebe léyi bútan ankaẅì, nɛ́n dùku n'ankà léyi nɛ dɔ̀ nɔn hɩ kruhú;

Ɔkɔ̀hɔ̀n-wá-bɔ̀ kɔ̀hɔ̀n hán 13:23

Davidɛ̀n mɛẅi-bɔ̀ lɔ ɔtɔ̀n de dú Zhezü léyi Ɔwɔ wá Izraɛlɛ̀n fɛcüè Bɩ̀die-wrɔn, hán ɔmu léyi nɛ̀n wá ɔmùan nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:12

Ɛnkru-kɔrɛ̀ dú ne yri, ɔmuhi ɛyri zriɛmɛ́n ɛnhibù mumù lɔ fɛn wú, Ɔwɔ kè sɩ̀ tàn anwrɔnẅì ɔwrɔn nyantɛn zriɛmɛ́n léyi ke le bɩ́ bɔ̀ ke die nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 5:31

Ɔwɔ bɩ́ nɛ̀n hɛ́n n'ezì-kɔrɛ̀ kɔrɛ̀a kɩ wá nɛ̀n ecüìcüì mán Ebɩ̀die-wrɔn, ô kɛ̀ tán Izraɛlɛ̀n fɛcüè kɛ̀ crɔn y'eci-hán-ci, ô kɛ̀ cɔ́ ɛgbàn-bɩce.

2 Korɛntɛ̀n anmàn-bɔ̀ 5:19

Ɔmuhi, Krisì mɛ̀n de, Ɔwɔ kɛ hán angranmɛ̀n-wɔ-ci kɛ tán nɛ́n mán anwrɔnẅì lɔ fɛn mɛhi, kɩ nɛ́n sɩ́ crɛ-nyan y'ɛgbàn hɔ̀n lɔ. Kɩ nɛ̀n tán bɔ̀, bɔ̀ dɔ́ angranmɛ̀n-wɔ̀ ndɔ lɔ n'ankà.

Kpàkpà timote 4:10

Annànwɔrɛ mɛ̀n lɔ, ke dú kɛ bɔ́ kán ɛgbàn kɩ bɔ́ dú ɛcüìwrɔn mɛ̀n hô, bɔ̀ nyri ɔmu le, bɔ̀ bɩ́ bɔ́ esɛ́ lɔ bɔ̀ wá Ɔwɔ kɔrɛkɔrɛ lɔ mɛ̀n, nɛ́n léyi nɛ̀n dú anwrɔnẅì lɔ fɛn bɩdie-wrɔn, anannan le yɔ hɔ̀n léyi ẅɛn ankaẅìbùtan nɔn.

1 Zhan 2:2

Ɔmuhi Zhezü Krisì bɩ́ n'edomɛ̀n ce eci, kè dú bɔ́ ɛgbàn wɔ̀ɛndì, kɩ kè sɩ̀ dù bɔ́ ɛgbàn zri kɩ, tɛ́n anwrɔn hɔ̀n léyi dú ɛnhibù mumù lɔ fɛn wú nɔn yɔ mán y'ɛgbàn kruhú.

1 Zhan 4:14

Kɩ bɔ́ kàn, kɩ bɔ́ dɔ̀ le Ɔwɔ wá n'Ɛnẅì ɔkɔhɔ̀n kè dú ɛnhibù Bɩdie-wrɔn.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.