Zhan 4:41 - Ɛmɛẅi ankà ankrànkràn 2003

⁴¹ Yɔ dú anwrɔn bobrebe léyi bútan ankaẅì, nɛ́n dùku n'ankà léyi nɛ dɔ̀ nɔn hɩ kruhú;

Zhan 4:41 Iomraidhean Croise

Lükɛ̀n 4:32

Anwrɔn dú anvɛmɛ̀n-frɛ́n mɛ̀n, n'ankà-yé-mɛ̀n, ɔmuhi nɛ dɔ́ ankà ɛkɔrɛ̀-levri mɛ̀n nɔn.

Zhan 4:40

Hɩ le kruhú de, ɛnvra léyi Samari-bɔ̀ vá nɛ̀n ɛtɛsɛ̀n nɔn, yɔ sɛ́n nɛ̀n, ô nɛ̀n cɔ́ yɔ mɛhi yɔ yɛ́; kɩ Zhezü yɛ́ nanvrɛn lɔ di ɛbi-anhyrɛ̀.

Zhan 4:42

kɩ yɔ dɔ́ ɛnnyɔnwrɔn lɔ le: “Zɛtɛn, bɔ́ bútan ankaẅì, ankà léyi ɛ̀ dɔ́ bɔ̀, mán hɩ léyi bɔ́ dùku bɔ̀ yá nɔn, tɛ́n, ɔmuhi bɔ́ dùku bɔ̀ yá, kɩ bɔ̀ nyri ɔmu le, ɔwrɔn lɔ dú ɛnhibù wú Bɩdie-wrɔn annanwɔrɛ nɔn.”

Zhan 6:63

Ɛnhɛ́n Prɔnprɔn de kɛ tán ɔkɔrɛ̀; ɔwrɔnẅì zri ke sɩ̀ srɔ eci kru mù. Ankà-dɔ̀ hɔ̀n léyi mɛ̀n tán nyɛ̀n nɔn dú Ɛnhɛ̀n mán Ɔkɔrɛ̀.

Zhan 7:46

Gɔliɛ-bɔ̀ mrɛ́n ɔmùan le: “Ɔwrɔnẅì zriɛmɛ́n kɛ vá dɔ́ ankà kɛ krɔn ɔwrɔn ndɔ lɔ mrìmrì!”

Ɔkɔ̀hɔ̀n-wá-bɔ̀ kɔ̀hɔ̀n hán 1:8

Tɛ́n nyɛ lɛ cɔ́ ecüì tɔ̀n ɛnvra léyi Ɛnhɛ́n Prɔnprɔn kɛ lɛ vá ny'ɛwú nɔn. Zɛtɛn, nyɛ lɛ srɔ mɛ́n dalɛfuɛ-di-bɔ̀ Zherüzalɛmɛ̀n anmàn, Zhüde mán Samari kpɔsɔ wú hàn mán ɛnhibù kru trɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 15:3

Ɔwɔ-fɛcüè-bɔ̀ wá yɔ ɛkɔrɛ̀ yɔ nɛ̀nnyanmàn hɔ̀n lɔ mɛ̀n. Yɔ ci Fenisi mán Samari kpɔsɔ wú, yɔ dɔ́ ɔmu le anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, crɛ ezì kɛ́n Ɛẅɛnwrɔn nɔn: ɛmɛẅi ankà ndɔ lɔ tán anwrɔn-nɛ́n-muan-ẅì hɔ̀n lɔ, pɔ̀püɛ̀-brà vri.

Ɔkɔ̀hɔ̀n-wá-bɔ̀ kɔ̀hɔ̀n hán 8:12

Tɛ́n ɛnvra léyi yɔ bú Filipɛ̀n mɛẅi ankà ankrankran léyi kɛ dɔ́ anhobɩ́ nɛ̀ncüì-dúyri mán Zhézü Krisì domɛ̀n ankà tán ankaẅì nɔn, yɔ hán yɛ wá yɔ ɛnshi ɛnkru, wúcɔ̀ mán wúyɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 8:25

Ɛnvra léyi yɔ di Ɛẅɛnwrɔn ankà-dɔ̀ lɔ nɛ́n dalɛfuɛ trɔ nɔn, ɔkɔ̀hɔ̀n-wá-bɔ̀ anyhrɛ̀ lɔ vru ɛmɛẅi hɔ́n Zherüzalɛmɛ̀n anmàn. Ɛnlevri dù hɔ́n mɛ̀n lɔ, yɔ dɔ́ Ɛmɛẅi ankà Ankrankran lɔ, Samari kpɔsɔ wú anmàn bobrebe.

Ebre-bɔ̀ 4:13

Eci zriɛmɛ́n bàdà Ɔwɔ kɔrɛ̀-cì lɔ mɛ̀n, hɩ ká dú ɛbán mɛ̀n n'ezìwú nɔn. N'ezìwú lɔ, eci lɔ fɛn nyɔn ɛsɛ̀nkora, ɛyrikán mɛ̀n, kɩ n'eyri de bɔ́ lɛ fɛn bɔ́ lɛ krɛ́ ɛci nɔn.