Zhan 4:34 - Ɛmɛẅi ankà ankrànkràn 2003

³⁴ Zhezü kɛ dɔ́ yɔ le: “M'ɛci-zî dú hɩ le mɛ lɛ hán ɔwrɔn léyi wá mɛ̀n ɔkɔhɔ̀n nɔn n'ɛkɔrɛzì-ci, ô ɔkɔhɔ̀n léyi nɛ̀n tán mɛ̀n nɔn, mɛ̀n trɔ n'ɛhán.

Zhan 4:34 Iomraidhean Croise

Matie 26:39

Zhezü sɔnba ɔhɔnán jan kɩ bore, kɛ́n ezì ɛnhi kɛ sɛ́n Ɔwɔ kɛ dɔ̀ le: “Dade, ke dú kɛ kɛ lɛ krɔn tɛ̀ hô, è sɩ́ ɛgbànkàn grashɛ̀n ndɔ lɔ ɔhɔnán. Ɛnvra lɔ fɛn kè sɩ̀ dù hɩ le me ji nɔn, tɛ́n hɩ le ɛ cüɛ̀n nɔn de kɛ̀ hán nɔn.”

Matie 3:15

Tɛ́n Zhezü mrɛ́n nɛ̀n ɔmùan le: “È shrì kè dú ɔmu lɔ ɛnvra ndɔ lɔ mɛ̀n. Ɔmuhi, ɔmu lɔ de ke ji le bɔ̀ hán eci léyi Ɔwɔ ke ji nɔn.” Zɛtɛn Zhan shrì kɩ wá nɛ̀n ɛnshi ɛnkru.

Matie 9:19

Zhezü tɔhú kɩ kɛ́n nɛ̀n ɛsɛ̀n yɔ hɔ̀n, nɛ́n mán n'ɛsɛ̀nkɛn-bɔ̀ mɛhi.

Lükɛ̀n 15:10

Ɔmu zri lɔ, mɛ dɔ́ nyɛ̀n, pɔpüɛ̀-brà dú Ɔwɔ-kuyüre-bɔ̀ mɛ̀n, ɛgbàn-hán-wrɔn zri léyi bú ɛwúvà wrù ɛnkrú nɔn n'ɛkruhú.”

Lükɛ̀n 19:10

Ɔmuhi, ɔwrɔnẅì Ẅì, nvà ô kè ji, ô kè bɩ́, yɔ hɔ̀n léyi zrɛ́n nɔn kè die.”

Lükɛ̀n 2:49

Nɛ dɔ́ yɔ le: “Cɛci kruhú kɛ nye ji mɛ̀n hàn? Nyɛ́n sì nyrìɛn ɔmu le, ke ji le mɛ̀n dú Dade wɔn lɔ mɛ̀n hàn?”

Zhan 17:4

Mɛ̀n yé v'eci-zrɔ lɔ ɛnhibù wú; ɔkɔhɔ̀n léyi ɛ̀ tán mɛ̀n nɔn, mɛ̀n hán trɔ.

Zhan 19:28

Ndɔ lɔ mɛẅi lɔ, ɔmuhi Zhezü nyri ɔmu le zɛtɛ̀ lɔ, ɛci lɔ fɛn lɔ trɔa nɔn, nɛ dɔ́ ankà ndɔ lɔ ô Owrú Prɔnprɔn ankà-dɔ̀ lɔ kɛ sá nmù: Nɛ́n dɔ̀ le: “Ɛnshi mùanwù kɛ ẅɛn mɛ̀n.”

Zhan 19:30

Ɛnvra léyi Zhezü sɔ́n ɛntàn-drɔ lɔ ɔmùan nɔn, nɛ dɔ̀ le: “Eci lɔ fɛn lɔ trɔa!” Zɛtɛn nɛ̀n sɩ́ ɛnkru ɛnhi, kɩ nɛ́n wù.

Zhan 4:32

Tɛ́n Zhezü mrɛ́n yɔ ɔmùan le: “Ɛci-zî dú mɛ̀n, kɩ nyɛ́n sɩ̀ nyrì ɛci léyi me le zî nɔn.”

Zhan 5:30

“Mɛ́n sɩ̀ hán eci zriɛmɛ́n rɔ́ m'ɛkɔrɛ̀levriemɛ̀n. Me ci ɛmrɛ̀n ankà léyi Ɔwɔ kɛ dɔ́ mɛ̀n nɔn yi wú kɩ m'ɛmrɛ̀ncì lɔ nyrɔn, ɔmuhi mɛ́n sɩ́ hán eci léyi me ji nɔn, tɛ́n, mɛ hán eci léyi ɔwrɔn léyi wá mɛ̀n ɔkɔ̀hɔ̀n, ke ji nɔn.

Zhan 5:36

Tɛ́n mɛ̀n ẅɛn dalɛfuɛ-dì tɔ̀n sevri vrán Zhan tɛn lɔ: Ɛci hɔ̀n léyi mɛ hán, ndɔ hɔ̀n léyi Dade tán mɛ̀n mɛ̀n hán nɔn, kɛ dɔ́ m'ankà anvrɛnvrɛn kɩ ke yé tán le Dade wá mɛ̀n ɔkɔhɔ̀n.

Zhan 6:33

Ɔmuhi ɛci-zî léyi Ɔwɔ kɛ tán nɔn, dú ɛci léyi dú anhobɩ́ kakɛ hɩ kɛ tán ɛnhibù ɛwúvà kɔrɛ̀ nɔn.”

Zhan 6:38

ɔmuhi mɛ̀n dú anhobɩ́ mɛ́n kàkɛ, ô mɛ̀n hán ɔwrɔn léyi wá mɛ̀n ɔkɔhɔ̀n mɛ́n và nɔn, n'ɛkɔrɛzì-ci, tɛ́n kè sɩ̀ dù mɛ tɛn léyi me ji nɔn.

Zhan 8:29

Ɔwrɔn léyi wá mɛ̀n ɔkɔhɔ̀n nɔn mɛhi bɔ́ dù; nɛ̀n sɩ̀ teze mɛ́n zriɛ, ɔmuhi mɛ hán ɛnvra lɔ fɛn eci léyi nɛ cüɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 20:35

Mɛ̀n yé nyɛ̀n eci lɔ fɛn mɛ̀n le, ke ji le yɛ hán ɔkɔ̀hɔ̀n ô, yɛ wá ɛmian-bɔ̀ ɛkɔrɛ̀, kɩ ke ji le Ɛẅɛnwrɔn Zhezü dùku ankà léyi ndɔ nɔn ke bru nyɛ̀n le: ‘Eci tán ẅɛn ɛnborɛ-bru vrán eci cɔ̀!’ ”

Ebre-bɔ̀ 12:2

Bɔ̀ crɛ anvɛ̀ bɔ̀ kɛ́n Zhezü, nɛ́n léyi b'ankaẅìbùtan kɛ crɛ nyan nɛ̀n, ɛnkrubɔmɛ̀n hàn mán ɔtrɔmɛ̀n nɔn. Nɛ́n shrì nɛ̀n wú ɛgbàn-hán-tɛ̀ wú, kɩ anvɛvrà wù ndɔ lɔ, nɛ̀n sɩ̀ mrɛ̀n yi ankà zriɛmɛ́n, ɔmuhi nɛ̀n kán pɔpüɛ̀ léyi yɛ wá yɛ hɛ́n nɛ̀n hàn nɔn; kɩ zɛtɛ̀ lɔ nɛ̀n yɛ́ Ɔwɔ-gbútòbù lɔ n'ezìkɔrɛ̀ kɔrɛ̀a.