Zhan 4:23 - Ɛmɛẅi ankà ankrànkràn 2003

²³ Tɛ́n ɛnvra kɛ và, kɩ ɛnvra lɔ mán cɔ̀a, kɩ Ɔwɔ-sɛ́n-bɔ̀ annanwɔrɛ hɔ̀n lɔ, kɛ lɛ sɛ́n Ɔwɔ Zi ɛnhɛ́n mɛ̀n mán annanwɔrɛ mɛ̀n; ɔmuhi Ɔwɔ ke ji le Ɔwɔ-sɛ́n-bɔ̀ kè cüe nɛ̀n ankɔrɛ̀ ezìwú ɔmu lɔ nɔn.

Zhan 4:23 Iomraidhean Croise

Zhan 1:17

Ɔwɔ tán bɔ̀ ɛnyanmàn Mohizì tamɛ̀n; tɛ́n nboafɔ̀n mán annanwɔrɛ dú Zhezü yri vá.

Zhan 12:23

Zhezü mrɛ́n yɔ ɔmùan le: “Zɛtɛ̀ lɔ ɛnvra cɔ̀a; ɔwrɔnẅì Ẅì ke le bru n'eci-zrɔ lɔ mɛ̀n.

Zhan 16:2

Yɛ lɛ wrɔ́ nyɛ̀n Ɔwɔ-sɛ́n-wɔn hɔ̀n lɔ mɛ̀n. Kɩ ɔmu lɔ, ɛnvra kɛ lɛ và, zɛtɛn anwrɔn hɔ̀n léyi ke le wri nyɛ̀n nɔn, ke le tro le Ɔwɔ kɔhɔ̀n de yɔ hán ɔmu lɔ nɔn.

Zhan 16:32

Kɛ zrɔ, ɛnvra kɛ và, kɩ ɛnvra lɔ mán cɔ̀a, hɩ vra lɔ nyɛ́n lɔ fɛn nye le bonyì, ɔwrɔn wrɔn ke le dú n'anwɔn mɛ̀n, kɩ nye le teze mɛ́n zriɛ. Hɔ̂, annanwɔrɛ mɛ̀n, mɛ́n sɩ̀ dú mɛ́n zri, ɔmuhi Dade mɛhi bɔ́ dù nɔn.

Zhan 4:21

Zhezü mrɛ́n nɛ̀n ɔmùan le: “È Bú m'ankà ɛ̀ tán ankaẅì, ɛnvra kɛ lɛ và, nyɛ́n sɩ̀ vru sɛ́n Ɔwɔ ɛnkpò ndɔ lɔ wú mán Zherüzalɛmɛ̀n anmàn.

Zhan 5:25

Annanwɔrɛ mɛ̀n mɛ dɔ́ nyɛ̀n le: ɛnvra dù kɛ và, kɩ ɛnvra lɔ mán cɔa, owú-bɔ̀ kɛ lɛ yá Ɔwɔ Ẅì sùva, kɩ anwrɔn hɔ̀n léyi kɛ lɛ yá esùva lɔ nɔn, ke le dú ɔkɔrɛ mɛ̀n.

Zhan 5:28

Ke bɩ́ frɛ́n nyɛ̀n anvɛmɛ̀n, ɔmuhi ɛnvra kɛ và, kɩ owú-bɔ̀ lɔ fɛn kɛ lɛ yá n'esùva,

Rɔmɛ̀n-anmàn-bɔ̀ 1:9

Ɔwɔ nyri ɔmu le mɛ dɔ́ ankà annanwɔrɛ, nɛ́n léyi m'ɛnbɔrɛ lɔ fɛn mɛ̀n, mɛ̀n dú n'eci-bɩ̀tan-wrɔn, kɩ mɛ dɔ́ Ɛmɛẅi ankà Ankrankran léyi kɛ dɔ́ n'Ɛnẅì ankà nɔn. Nɛ̀n nyri ɔmu le me tro ny'ankà

Rɔmɛ̀n-anmàn-bɔ̀ 8:15

Ɔmuhi Ɛnhɛ́n léyi nyɛ́n cɔ̀ nɔn, kè sɩ̀ dù Ɛnhɛ́n léyi kɛ srɔ nyɛ̀n anwɔ̀n-bɔ̀ kɩ kɛ hán ɛnjansù ke vru ke yɩ́ ny'ɛnbɔrɛ lɔ; tɛ́n Ɛnhɛ́n Prɔnprɔn de kɛ srɔ nyɛ̀n Ɔwɔ-ẅì hɔ̀n kɩ kɛ hán bɔ̀ bɔ́ di bobo bɔ́ dɔ́ Ɔwɔ le: “Ô mɛ́n Dade!”

Rɔmɛ̀n-anmàn-bɔ̀ 8:26

Ɔmu zri lɔ, Ɛnhɛ́n Prɔnprɔn mán kɛ wá bɔ̀ ɛkɔrɛ̀, ɔmuhi bɔ̀ dú ɛjɛ́-bɔ̀ nɔn. Annanwɔrɛ mɛ̀n lɔ, bɔ́ sɩ́ nyri sɛ́n Ɔwɔ kɛ hán ɔmu le ke ji nɔn; tɛ́n Ɛnhɛ́n Prɔnprɔn dùku kɛ sɛ́n Ɔwɔ kɛ tán bɔ̀ kɩ kɛ ẅɛn ɛnhyɔ̀bɔ̀-dì léyi ankà-dɔ̀ zriɛmɛ́n ke sɩ̀ cɔ́ ɛwú rɔ́ nɔn.

Galasi anmàn-bɔ̀ 4:6

Ɔwɔ hán n'Ɛnẅì Hɛ́n vá bɔ́ ɛnbɔrɛ hɔ̀n lɔ mɛ̀n, ô kè yé tán le nyɛ́n dú n'ɛẅì hɔ̀n annanwɔrɛ: Ɛnhɛ́n léyi ke di bobo le: “Abba, ô mɛ́n Dade!”

Efɛzɛ̀n anmàn-bɔ̀ 6:18

Ndɔ lɔ fɛn, nyɛ́n sán nɛ̀n Ɔwɔ-sɛ́n mɛ̀n. Hɛ̀ɛ̀, nyɛ́n sɛ́n ɛnvra lɔ fɛn, Ɛnhɛ́n Prɔnprɔn kɔrɛ̀-wá mɛ̀n. Hɩ mɛ̀n lɔ, anvɛmɛ̀n ke cüe nyɛ̀n, ô nyɛ́n dú ɛnvra lɔ fɛn ɔmùan-zri-diemɛ̀n. Nyɛ́n sɛ̀n nyɛ́n tán Ɔwɔ-fɛcüè lɔ fɛn;

Filipɛ̀n anmàn-bɔ̀ 3:3

Annanwɔrɛ mɛ̀n lɔ, bɔ́ de bɔ̀ ẅɛn annanwɔrɛ ankà wúcɔ̀-dòmɛ̀n-wì ankà wú nɔn, ɔmuhi bɔ̀ dú Ɔwɔ ci-bɩtan-bɔ̀ n'Ɛnhɛ́n Prɔnprɔn mɛ̀n, bɔ́ dú ɔmùan-gbuemɛ̀n kɩ bɔ̀ dú Zhezü Krisì tɛn, kɩ bɔ́ sɩ́ wá bɔ́ esɛ́ lɔ anwrɔnẅì nyànmàn wú nɔn.

1 Piɛrɛ̀n 2:9

Tɛ́n nyɛ́n, nyɛ́n dú ɛnbrɛ̀ léyi yɛ mrɛ́n ye bɩ, Ɛnnɛ̀ncüì cice-bɔ̀, ɛnhi wú anmàn prɔnprɔn, fɛcüè léyi dú Ɔwɔ tɛn nɔn. Nɛ̀n bi nyɛ̀n nyɛ́n dú ɛyri yɔwɔ mɛ̀n nyɛ́n srɔ n'ɛyrikàn anvrɛnvrɛn lɔ mɛ̀n, ô nyɛ́n dɔ́ ɔkɔ̀hɔ̀n fifi hɔ̀n léyi nɛ̀n hán nɔn hɩ ankà.