Zhan 4:10 - Ɛmɛẅi ankà ankrànkràn 2003

¹⁰ Zhezü mrɛ́n nɛ̀n ɔmùan le: “Ke dú kɛ è nyri eci léyi Ɔwɔ kɛ tán nɔn, kɩ è nyri ɔwrɔn léyi kɛ sán mɛ́n ɛnshi kè mì nɔn, vɛ́n de ɛ lɛ gɔ̀ sán nɛ̀n ɛnshi kɩ nɛ lɛ tán mɛ́n ɔkɔrɛ shi.”

Zhan 4:10 Iomraidhean Croise

Lükɛ̀n 11:13

Anwrɔn gbangbàn hɔ̀n léyi dú nyɛ̀n nɔn, nye nyri tán ny'ɛẅì hɔ̀n ɛci ankrànkràn. Andɛ̀n ɛbɛ de bɔ́ Zi léyi dú anhobɩ́ nɔn, ke sɩ̀ tán n'Ɛnhɛ́n Prɔnprɔn lɔ, anwrɔn hɔ̀n léyi kɛ sán nɛ̀n nɔn!”

Zhan 16:3

Yɔ lɛ hán ɔmu lɔ ɔmuhi yɔ sɩ̀ nyrì Dade mán, kɩ yɔ sɩ̀ nyri mɛ̀n mán nɔn.

Zhan 17:3

Ɛwúvà léyi ke sɩ́ trɔa nɔn, dú hɩle, ke ji le ye nyri mɛ́n, vɛ́n zri léyi è dú Ɔwɔ annanwɔrɛ, ô yɔ nyri Zhezü Krisì léyi ɛ̀ wá ɔkɔhɔ̀n nɔn.

Zhan 3:16

Ɔmuhi Ɔwɔ zeze cüɛ́n ɛnhibù-wú-bɔ̀ kɩ nɛ̀n tán yɔ n'Ɛnẅì zri lɔ, ô ɔwrɔn totɔtɔ̀n léyi kɛ ẅɛn n'ankaẅì-bùtan nɔn ke bɩ́ wúɛ, tɛ́n nɛ̀n cɔ́ ɛwúvà léyi ke sɩ́ trɔa nɔn.

Zhan 4:14

tɛ́n ɔwrɔn léyi ke le mi ɛnshi léyi mɛ lɛ tán nɛ̀n nɔn, ɛnshi mùanwù ke sɩ̀ vru ẅɛn nɛ̀n mrìmrì. Ɔmuhi, ɛnshi léyi mɛ lɛ tán nɛ̀n nɔn, kɛ lɛ srɔ ɛnshi-bɛ léyi ɛwúvà léyi ke sɩ̀ trɔa nɔn ke le dú nɛ̀n ɛmɛ̀n kɛ̀ gbɛ́ nɔn.”

Zhan 6:35

Zhezü kɛ dɔ́ yɔ le: “Mɛ̀n dú ɛwúvà ci-zî. Ɔwrɔn léyi kɛ vá m'eyri nɔn, ɔmùanwù kè sɩ̀ vru ẅɛn nɛ̀n mrìmrì, kɩ ɔwrɔn léyi ke bú m'ankà kɛ tán ankaẅì nɔn ɛnshi mùanwù mán kè sɩ̀ vru ẅɛn nɛ̀n mrìmrì.

Zhan 6:51

Mɛ̀n dú ɛci-zî kɔrɛkɔrɛ léyi dú anhobɩ́ kakɛ nɔn. Ke dú kɛ, ɔwrɔn ke zî ɛci ndɔ lɔ, ne le dú ɔkɔrɛ mɛ̀n ɛnvra lɔ fɛn. Ɛci-zî léyi mɛ lɛ tán nɔn dú m'edùwrú; mɛ tán ɛci-zî ndɔ lɔ hô, ɛnhibù ke dú ɔkɔrɛ mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 9:11

Ɛẅɛnwrɔn kɛ dɔ́ nɛ̀n le: “Ɛ Hɔ́n zɛtɛ̀ lɔ ɛnlevri léyi nyrɔn nɔn wú, Zhüda wɔn lɔ mɛ̀n, è yrɛ Tarsɛ̀n wrɔn tɔ̀n léyi ye bi Sɔlɛ̀n nɔn. Ɛnvra ndɔ lɔ mɛ̀n nɛ̀n dú Ɔwɔ sɛ́n mɛ̀n

Rɔmɛ̀n-anmàn-bɔ̀ 8:32

Ɔwɔ kè sɩ̀ ẅɛ̀n n'ɛnẅì kɛ̀ sɔhɔ́, tɛ́n nɛ̀n bɩ́ yi nɛ̀n tán ye wrì, bɔ́ lɛ fɛn bɔ́ ɛkruhú: anhɔntan kɛ́ nɛ́n sɩ̀ tán bɔ̀ eci lɔ fɛn mán n'ɛnẅì mɛhiɛ?

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

1 Korɛntɛ̀n anmàn-bɔ̀ 10:4

kɩ yɔ lɛ fɛn yɔ mi ɛnhɛ́n mɛ̀n shi zri lɔ: annanwɔrɛ mɛ̀n lɔ, yɔ mi ɛnshi ɛnhɛ́n-bù-rokò léyi kɛ hɔ́n sɩ́ yɔ nɔn mɛ̀n, kɩ obù-rokò ndɔ lɔ de dú Krisì nɔn.

2 Korɛntɛ̀n anmàn-bɔ̀ 9:15

Ɛmrɛ́n kè dú Ɔwɔ tɛn n'ecice léyi ye sɩ̀ wɔ̀ɛn nɔn hɩ kruhú!

Efɛzɛ̀n anmàn-bɔ̀ 2:8

Ɔmuhi Ɔwɔ boafɔ̀n mɛ̀n de nyɛ́n cɔ́ ebɩ̀die ankaẅì-bùtan-ẅɛn mɛ̀n nɔn. Ɛnkrukɔrɛ̀ ndɔ lɔ, kè sɩ̀ dù ny'eyri kɛ̀ và, nɛ̀n dú Ɔwɔ cice tɔ̀n;

Ebre-bɔ̀ 6:4

Annanwɔrɛ mɛ̀n lɔ, anhontan kɛ lɛ hán kè dù tán anwrɔn hɔ̀n léyi ke vru kɛ vá y'ɛwúvà gbànvri lɔ mɛ̀n nɛ́n? Yɔ cɔ́ ɛdɛ̀n zri Ɔwɔ yrikàn. Yɔ cɔ́ anhobɩ́ kɔrɛwá mán Ɛnhɛ́n Prɔnprɔn. Yɔ nyri ɔmu le Ɔwɔ mùan ankà-dɔ̀ zrɔ kɩ yɔ kán eci léyi dú ɛwúvà wrù léyi dú ezì kɛ và nɔn, n'ɛkɔrɛ̀srɔn hɔ̀n. Kɩ ɔmu tɛ̀ki yɔ vru yɔ vá y'ɛwúvà gbànvri lɔ mɛ̀n. Sɔtan yɔ vru yɔ hán yɔ crɔn ɛnkru, ɔmuhi, yɔ tɛn yɔ vru yɔ bɩ́ Ɔwɔ Ẅì yɔ hɛ́n ɛgbàn-hán-tɛ̀ wú kɩ anwrɔn lɔ fɛn zìwú yɔ wɔra nɛ̀n.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 21:6

Kɩ nɛ dɔ̀ le: “Ɔmu lɔ de ndù nɔn! Mɛ̀n dú ɛnkrubɔmɛ̀n mán ɔtrɔmɛ̀n. Ɔwrɔn léyi ɛnshi-mùanwù kɛ ẅɛ̀n nɔn, mɛ lɛ tán nɛ̀n ɛnshi ne le mi ankora ɛwúvà-shi-bɛ́ mɛ̀n.

Ɔwɔ-mɛ̀n-yrikàn 22:17

Ɛnhɛ́n mán eyiri-hi kɛ dɔ̀ le: “Và!” Ɔwrɔn léyi kɛ yá ankà ndɔ lɔ nɔn, nɛ́n mán nɛ̀n dɔ̀ le: “Và!” Ɔwrɔn léyi ɛnshi mùan-wù kɛ ẅɛ̀n nɔn, nɛ̀n và; Ɔwrɔn léyi ke ji ɔkɔrɛ shi nɔn, kɛ̀ cɔ́ ɔkɔrɛ shi lɔ ankora.

Ɔwɔ-mɛ̀n-yrikàn 7:17

Ɔmuhi Ɔwɔ Kɔ̀kɔ̀sɛ̀-ẅì léyi nyɔn ɛgbú-tòbù wanzi nɔn, kɛ lɛ srɔ y'ɔkua-wrɔn, kɩ ke le sɩ́ yɔ ɔkɔrɛ shi-bɛ́ mùan mɛ̀n. Kɩ Ɔwɔ ke le wurɛn yɔ anvɛ-shi lɔ fɛn anvɛmɛ̀n.”