Zhan 3:3 - Ɛmɛẅi ankà ankrànkràn 2003

³ Zhezü mrɛ́n nɛ̀n ɔmùan le: “Hɛ̀ɛ̀, mɛ dɔ́ mɛ́n annanwɔrɛ mɛ̀n le: ɔwrɔnẅì zriɛmɛ́n ke sɩ̀ kán Anhobɩ́ Nɛ̀ncüì-dúyri lɔ ke dú kɛ ye sɩ̀ sàn bî nɛ̀n.”

Zhan 3:3 Iomraidhean Croise

Matie 16:17

Zɛtɛn Zhezü kɛ dɔ́ nɛ̀n le: “È dú ɛnbɔrɛbruemɛ̀n, Simɔn, Zhan ẅì, ɔmuhi kè sɩ̀ dù ɔwrɔnẅì de kɛ̀ wà mɛ́n ankà annànwɔrɛ ndɔ lɔ anmùan mɛ̀n nɔn, tɛ́n Dade léyi dú ɛwú nɔn.

Matie 19:24

Kɩ me vru mɛ dɔ́ nyɛ̀n le: sɔ́ tán frimú kè ci frɛnfrɛn levri, tɛ́n vru sɔ́ tán ɛnnɛ̀ncüì ke bru Anhobɩ́ nɛ̀ncüì-dúyri.”

Matie 21:31

Ɛẅì hɔ̀n anhyrɛ̀ lɔ, tɛtán de hán nɛ́n zi kɔrɛ̀zì-ci nɛ́n?” Yɔ mrɛ́n nɛ̀n ɔmùan le: “Kpàkpà ẅì lɔ.” Zɛtɛn Zhezü kɛ dɔ́ yɔ le: “Mɛ dɔ́ nyɛ̀n annànwɔrɛ mɛ̀n le: anmàn-wɔɛ̀n-yrɛ-bɔ̀, mán woẅie-wúyɔ̀ kɛ lɛ hɛ́ nyɛ̀n ezì Anhobɩ́ nɛ̀ncüì-dúyri.

Matie 5:18

Mɛ dɔ́ nyɛ̀n annànwɔrɛ mɛ̀n le: ɔmu zri léyi anhobɩ́ mán ɛnhibù kɛ lɛ mɔɛ̀n nɔn, ɛnyànmàn wú wrú-ẅì cɛ mán n'ankà cɛ zriɛmɛ́n ke sɩ̀ gbràn, hàn kɩ kɛ lɛ cɔ́ ɛci hɔ̀n lɔ fɛn y'ɛtrɔ vra.

Markɛ̀n 10:14

Ɛnvra léyi Zhezü kán ndɔ lɔ nɔn kɛ̀ sɩ̀ zrɔ nɛ̀n kɩ nɛ dɔ́ n'ɛsɛ̀nkɛn-bɔ̀ lɔ le: “Nyɛ́n teze ɛẅì hɔ̀n lɔ kɛ̀ vá cɔ́ mɛ̀n! Nyɛ́n bɩ́ kɛ́n yɔ nyɛ́n hɛ́n hán, ɔmuhi Anhobɩ́ nɛ̀ncüì-dúyri dú anwrɔn hɔ̀n léyi kɛ cá yɔ nɔn tɛn.

Markɛ̀n 9:47

Kɩ ke dú kɛ v'ɛvɛ̀ de kɛ hán mɛ́n e bru ɛgbàn mɛ̀n hô, è fú nɛ̀n; zrɔ tán le è bɩ́ ɛvɛ̀ zri è bru Anhobɩ́ Nɛ̀ncüì-dúyri, kɩ anvɛ̀ anhyrɛ̀ kè dú mɛ́n ô ɛ̀ hɔ́n ɛnhyà mɛ̀n.

Zhan 1:13

Yɔ sɩ̀ srɔ Ɔwɔ ẅì hɔ̀n kɛ̀ hán ɔmu le ye bî ɛnẅì kɛ ẅɛn nɛ́n zi mán nɛ́n muan kɩ ɛnẅì kɛ ẅɛn nɛ́n Zi ke dú ɛnhibù wú; Ɔwɔ de tán yɔ ɛwúvà wrù nɔn.

Zhan 1:5

Ɛyri-kàn kɛ gbrɛ́n ɛyri-yɔwɔ mɛ̀n, kɩ ɛyri-yɔwɔ kè sɩ̀ cɔ́ nɛ̀n.

Zhan 1:51

Kɩ nɛ̀n vru nɛ dɔ̀ le: “Annànwɔrɛ mɛ̀n mɛ dɔ́ nyɛ̀n le: nyɛ lɛ kán anhobɩ́ kɛ lɛ gbɛ́ ɔmùan kɩ Ɔwɔ-kùyüre-bɔ̀ kɛ lɛ kà, kɛ lɛ hɔ́n ɛwú, kɛ lɛ kàkɛ, kɛ lɛ nyɔn ɔwrɔnẅì Ẅì wúɛ!”

Zhan 12:40

“Ɔwɔ bɔyɛ y'anvɛ̀ lɔ, kɩ nɛ̀n sɛ́n y'ɛnkruemɛ̀n-ẅɛ̀n lɔ esù, ô y'anvɛ̀ lɔ ke bɩ́ kán ɛyri, ô y'ɛnkruemɛ̀n-ẅɛ̀n lɔ ke bɩ́ cɔ́ nyriɛn. Kɩ nyàn eci le kruhú Ɔwɔ dɔ̀ le, yɔ bɩ́ crɛ ezì yɔ kɛ́n mɛ̀n ô mɛ́n kɔrɛ yɔ.”

Zhan 3:4

Nikodɛmɛ̀n ke yrɛ nɛ̀n le: “Anhɔntan de ɔwrɔn léyi srɔ ecüìcüì nɔn, ye le vru yɛ sàn bî nɛ̀n nɛ́n? Nɛ́n sɩ̀ vru ɛmɛẅi nɛ̀n hɔ́n nɛ́n muan mɛntɛ̀ mɛ̀n, ô ye bî nɛ̀n andɛ̀n anhyrɛmɛ̀n?”

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

2 Korɛntɛ̀n anmàn-bɔ̀ 5:17

Ɛnvra léyi ɔwrɔn tɔ̀n ke dú Krisì bɔ̀sɔ̀ lɔ mɛ̀n, ne dú ɔwrɔn wrù: eci gbànvri lɔ kɛ zrɛ́n, eci wrù lɔ ke dù.

Galasi anmàn-bɔ̀ 6:15

Hɩ le kruhú de, ke dú kɛ ye wi mɛ́n wúcɔ̀-domɛ̀n hô, kɩ ye sɩ̀ wì mɛ́n wúcɔ̀-domɛ̀n hô, vɔ̀nshɛ́ zriɛmɛ́n bàda nɛ̀n ɛmɛ̀n: hɩ le ẅɛn vɔ̀nshɛ́ nɔn, dú hɩ le ɛ lɛ srɔ ɔwrɔn wrù.

Efɛzɛ̀n anmàn-bɔ̀ 2:1

Ɛnbiɛhɛ́n lɔ, nyɛ́n wú ɛnhɛ́n mɛ̀n, ny'ɛfɔ̀ndɔ̀n mán ny'ɛgbàn hɔ̀n lɔ kruhú.

Titɛ̀n 3:5

nɛ̀n bɩ́ bɔ̀ nɛ̀n die, kɩ kè sɩ̀ dù bɔ́ ɛnyrɔnnan mán bɔ́ eci-ankrankran-hán mɛ̀n, tɛ́n ɔmuhi nɛ̀n ẅɛn bɔ́ ɛnhyɔ̀bɔ̀-nyrì nɔn. Nɛ̀n bɩ́ bɔ̀ nɛ̀n die ɛnshikru-wá léyi Ɛnhɛ́n Prɔnprɔn cüemɛ̀n tán bɔ̀ ebîemɛ̀n mán ɛwúvà wrù mɛ̀n nɔn.

Zhakɛ̀n 3:17

Tɛ́n ankà-nyrì léyi dú ɛwú và nɔn, nfì, kɩ zɛtɛn dú anwɔwɔ, sɔhɔ̀ mán ɔwrɔn ɛnhyɔ̀bɔ̀-nyriemɛ̀n; ɛcüɛ̀n yɩ́ nɛ̀n ɛmɛ̀n kɩ nɛ hán eci ankrankran mán ankà-nyrì; nɛ̀n di ɛnnɛ̀ncüì ɛzrɔ mɛ̀n mán eci-hán ankrànkràn mɛ̀n: nɛ̀n sɩ̀ ẅɛ̀n ɛmɛ̀n-grɔ mán anbrá-dì.

1 Piɛrɛ̀n 1:3

Bɔ̀ mrɛ́n Ɔwɔ Zi léyi dú bɔ́ Ɛẅɛnwrɔn Zhezü Krisì nɛ́n Zi nɔn! N'ɛcüɛ̀n vri lɔ mɛ̀n, nɛ̀n tán bɔ̀ ɛwúvà wrù tɔ̀n Zhezü Krisì wúemɛ̀n-dùfrɔ́ lɔ mɛ̀n. Ɔmu lɔ de bɔ̀ ẅɛn ɔkɔrɛ-sɛ́ tɔ̀n,

1 Zhan 2:29

Nyɛ́n nyri ɔmu le Krisì dú ɛnyrɔnnan-wrɔn; zɛtɛn ke ji le nyɛ́n vru nyɛ́n nyrì le, ɔwrɔn totɔtɔ̀n léyi kɛ hán ɛnnyrɔnnan-ci nɔn, nɛ̀n dú Ɔwɔ Ẅì.

1 Zhan 3:9

Ɔwrɔn totɔtɔ̀n léyi kɛ kɛ́n ɛgbàn-hán hɛ́n nɔn nɛ̀n dú Ɔwɔ ẅì, ɔmuhi ɛwúvà kɔrɛ̀srɔn léyi dú Ɔwɔ yri và nɔn, dú nɛ̀n ɛmɛ̀n; ɔmuhi Ɔwɔ dú nɛ́n Zi, nɛ́n sɩ̀ vru dú ɛgbàn-hán mɛ̀n hàn.

1 Zhan 5:1

Ɔwrɔn totɔtɔ̀n léyi ke bú tán le Zhezü dú Krisì nɔn, nɛ̀n dú Ɔwɔ ẅì; kɩ ɔwrɔn totɔtɔ̀n léyi kɛ cüɛn ɛẅì nɛ́n zi tɔ̀n nɔn, ɔwrɔn ndɔ lɔ nɛ cüɛn ɛẅì nɛ́n zi lɔ n'ɛẅì hɔ̀n.

1 Zhan 5:18

Bɔ́ nyri ɔmu le Ɔwɔ ẅì zriɛmɛ́n ke sɩ́ vru dú ɛgbàn hán mɛ̀n, ɔmuhi Ɔwɔ Ẅì kɛ nan nɛ̀n kɩ Eci gbangbàn-hán-wrɔn ke sɩ̀ ẅɛ̀n ɛkɔrɛ̀levri zriɛmɛ́n n'ɛwú nɔn.

1 Zhan 5:4

ɔmuhi Ɔwɔ ẅì totɔtɔ̀n kɛ lɛ kɔ̀nká ɛnhibù tɛ̀. Nyàn ɔmu le bɔ́ kɔ́nká ɛnhibù nɔn: b'ankaẅìbùtan ẅɛn mɛ̀n.

Ɔwɔ-mɛ̀n-yrikàn 3:14

“È merɛ́n owrú è yüre Ɔwɔ-kùyüre-wrɔn léyi dú Laodise anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi Krisì kɛ dɔ̀, nɛ́n léyi nɛ̀n dú ɔmùan-zri dalɛfuɛ-di-wrɔn mán annanwɔrɛ, nɛ̀n dú eci lɔ fɛn léyi Ɔwɔ hán nɔn, n'ɛnkrubɔmɛ̀n, nɛ dɔ̀ le: