Zhan 3:18 - Ɛmɛẅi ankà ankrànkràn 2003

¹⁸ Ɔwrɔn léyi ke bú Ɛnẅì lɔ ankà kɛ tán ankàẅì nɔn, ye sɩ̀ bɔ́ nɛ̀n nwù; tɛ́n, ɔwrɔn léyi ké sɩ́ bútan ankàẅì nɔn, yɛ gɔ́ bɔ́ nɛ̀n nwùɛ, ɔmuhi nɛ̀n sɩ̀ bù Ɔwɔ Ẅì zri lɔ ankà nɛ̀n tàn ankaẅì nɔn.

Zhan 3:18 Iomraidhean Croise

Markɛ̀n 16:16

Ɔwrɔn léyi ke bùtan ankàẅì, hɩ yɛ wá ɛnshi ɛnkru nɔn nɛ lɛ cɔ́ ebɩdie. Tɛ́n, ɔwrɔn léyi ke sɩ̀ ẅɛ̀n ankàẅì-bùtan nɔn nɛ́n sɩ̀ cɔ́ ebɩdie.

Zhan 1:12

Ɔmu tɛ̀kɩ, anwrɔn janbɔ̀ shri bɩ́ nɛ̀n kɩ yɔ bú n'ankà yɔ tán ankaẅì; nɛ̀n tán yɔ ɛkɔrɛ̀-levri yɔ srɔ Ɔwɔ ẅì hɔ̀n.

Zhan 1:18

Ɔwrɔnẅì zriɛmɛ́n kɛ vá kán Ɔwɔ mrìmrì. Tɛ́n Ɛnẅì zri kpokpo léyi dú Ɔwɔ, kɩ dú nɛ́n Zi ɛtɛ̀sɛ̀n nɔn, nɛ́n hán ye nyri nɛ́n Zi.

Zhan 20:31

Tɛ́n ankà léyi dú nɛ̀n ɛmɛ̀n nɔn, ye merɛ́n nɛ̀n, ô nyɛ́n bùtan ankaẅì le Zhezü dú Ebɩ̀die-wrɔn, Ɔwɔ Ẅì. Kɩ ke dú kɛ nye bú n'ankà nyɛ tán ankaẅì hô, nyɛ lɛ cɔ́ ɛkɔrɛ̀ n'ebɩ́mɛ̀n.

Zhan 3:16

Ɔmuhi Ɔwɔ zeze cüɛ́n ɛnhibù-wú-bɔ̀ kɩ nɛ̀n tán yɔ n'Ɛnẅì zri lɔ, ô ɔwrɔn totɔtɔ̀n léyi kɛ ẅɛn n'ankaẅì-bùtan nɔn ke bɩ́ wúɛ, tɛ́n nɛ̀n cɔ́ ɛwúvà léyi ke sɩ́ trɔa nɔn.

Zhan 3:36

Ɔwrɔn léyi ke bú Ɛnẅì lɔ ankà kɛ tán ankaẅì nɔn, nɛ cɔ́ ɛwúvà léyi ke sɩ́ trɔa nɔn. Ɔwrɔn léyi ke sɩ̀ die Ɛnẅì lɔ nukùɛ nɔn, ke sɩ̀ cɔ́ ɛwúvà ndɔ lɔ, tɛ́n ne le dú Ɔwɔ mɛ̀nhyì krugbɛ̀n.”

Zhan 5:24

“Annanwɔrɛ mɛ̀n mɛ dɔ́ nyɛ̀n le: Ɔwrɔn léyi ke die m'ankà-dɔ̀ nukùɛ, hɩ ke bú ɔwrɔn léyi wá mɛ̀n ɔkɔ̀hɔ̀n, n'ankà kɛ tán ankaẅì nɔn, ɛwúvà léyi ke sɩ́ trɔa nɔn dú nɛ tɛn. Ye sɩ̀ bɔ́ nɛ̀n nwù, tɛ́n ne le dú owú-bɔ̀ mɛ̀n, nɛ̀n wrɔ̀ vá ɔkɔrɛ-bɔ̀ mɛ̀n.

Zhan 6:40

Hɛ̀ɛ̀, nyàn eci léyi Dade ke ji nɔn: ke ji le anwrɔn hɔ̀n léyi kɛ kán ɔwrɔnẅì Ẅì, kɩ ke bú n'ankà kɛ tán ankaẅì nɔn, kɛ̀ cɔ́ ɛwúvà léyi ke sɩ́ trɔa, ô mɛ̀n bɩ́ yɔ lɔ fɛn owú-bɔ̀ mɛ̀n mɛ́n sɩ́ ɔkɔrɛ-bɔ̀ mɛ̀n ɛmɛẅi trɔ bì lɔ.”

Zhan 6:47

Mɛ dɔ́ nyɛ̀n annanwɔrɛ mɛ̀n le: Ɔwrɔn léyi kɛ ẅɛn ankaẅì-bùtan nɔn, ɛwúvà léyi ke sɩ́ trɔa nɔn dú nɛ tɛn.

Rɔmɛ̀n-anmàn-bɔ̀ 5:1

Ɔmu lɔ de bɔ̀ srɔ ɛnyrɔnnan-bɔ̀ Ɔwɔ zìwú, b'ankaẅì-bùtan-ẅɛ̀n kruhú, kɩ zɛtɛ̀ lɔ bɔ́ dú anwɔwɔmɛ̀n bɔ́ mán Ɔwɔ mɛhi, bɔ́ Ɛẅɛnwrɔn Zhezü Krisì bɩmɛ̀n.

Rɔmɛ̀n-anmàn-bɔ̀ 8:1

Zɛtɛn zɛtɛ̀ lɔ, nwùbɔ̀ ke sɩ̀ vru dù kɛ̀ tán anwrɔn hɔ̀n léyi dú Zhezü Krisì bɔ̀sɔ̀ lɔ mɛ̀n nɔn.

Rɔmɛ̀n-anmàn-bɔ̀ 8:34

Zɛtɛn antɔnwrɔn de kɛ lɛ bɔ́ yɔ nwù tɛ̀ nɛ́n? Ɔwrɔnẅì zriɛmɛ́n, ɔmuhi Zhezü Krisì dú ɔwrɔn léyi wù nɔn, n'ɛshishi lɔ, nɛ̀n dú owúemɛ̀n nɛ̀n frɔ́, nɛ̀n yɛ́ Ɔwɔ zì-kɔrɛ̀ kɔrɛ̀ kɩ nɛ sɛ́n tán bɔ̀.

Ebre-bɔ̀ 12:25

Zɛtɛn nyɛ́n wá esùva! Nyɛ́n díe ɔwrɔn léyi kɛ dɔ́ nyɛ̀n ankà nɔn nukùɛ. Anwrɔn hɔ̀n léyi krɔ kɩ kè sɩ̀ dìe ankà-bi-dɔ́-wrɔn nukù ɛnu ɛnhibù wú nɔn, ɛgbàn-wɔ̀ɛndì lɔ, kè sɩ̀ vɔ́n yɔ ɛwú. Annànnàn le, ɛgbàn-wɔ̀ɛndì n'd'o lɔ, ke sɩ̀ vɔ́n bɔ̀ ɛwú ke dú kɛ bɔ́ crɛ ejüí bɔ́ sɔ́n ɔwrɔn léyi dú anhobɩ́ kɛ dɔ́ bɔ̀ ankà nɔn.

Ebre-bɔ̀ 2:3

Zɛtɛn, anhɔntan de bɔ́ lɛ hán, ô bɔ́ bɩ́ cɔ́ ɛgbàn wɔ̀ɛn-dì, ke dú kɛ bɔ́ sɩ́ wá ɛnkrukɔrɛ̀ ndɔ lɔ n'ankà ɛnkruemɛ̀n nɛ́n? Ɛẅɛnwrɔn dùku dú ɛnvrakpà wrɔn dɔ́ n'ankà, zɛtɛn anwrɔn hɔ̀n léyi yá Ɛẅɛnwrɔn ɔmùan nɔn, dɔ́ nɛ́n vɔ̀nshɛ́-ẅɛn-ankà.

Ebre-bɔ̀ 3:19

Annanwɔrɛ mɛ̀n lɔ, bɔ́ kàn le yɔ sɩ̀ cɔ̀ brù ɛwrɔncüe yri ndɔ lɔ, ɔmuhi yɔ krɔ, yɔ sɩ̀ bù tàn ankaẅì nɔn.

1 Zhan 3:23

Nyàn eci léyi nɛ wá tán bɔ̀ nɔn: ke ji le bɔ̀ ẅɛn ankaẅìbùtan n'Ɛnẅì Zhezü Krisì bɩmɛ̀n, ô bɔ̀ cüɛn bɔ́ edomɛ̀n hán ɔmu le Krisì wá tán bɔ̀ nɔn.

1 Zhan 4:9

Nyàn ɔmu le Ɔwɔ yé bɔ̀ n'ɛcüɛ̀n lɔ nɔn: nɛ̀n wá n'Ɛnẅì zri lɔ ɔkɔ̀hɔ̀n ɛnhibù wú, ô bɔ̀ cɔ́ ɛwúvà n'ɛmɛ̀n.

1 Zhan 5:10

Ɔmu lɔ de ɔwrɔn léyi ke bú Ɔwɔ ẅì ankà kɛ tán ankaẅì nɔn, ẅɛn dalɛfuɛ-dì ndɔ lɔ dú nɛ̀n ɛmɛ̀n; tɛ́n ɔwrɔn léyi ke sɩ́ bú Ɔwɔ ankà kɛ tán ankaẅì nɔn, nɛ srɔ Ɔwɔ ɛyɔ̀n-wrɔn tɔ̀n, ɔmuhi dalɛfuɛ léyi Ɔwɔ di n'Ɛnẅì wú nɔn, nɛ̀n sɩ̀ bù tán ankaẅì.

1 Zhan 5:12

Ɔwrɔn léyi nyri Ɛnẅì lɔ nɔn, nɛ̀n ẅɛn ɛwúvà ndɔ lɔ; ɔwrɔn léyi kè sɩ̀ nyrì Ɔwɔ Ẅì lɔ nɔn, nɛ̀n sɩ̀ ẅɛ̀n ɛwúvà lɔ.