Zhan 3:12 - Ɛmɛẅi ankà ankrànkràn 2003

¹² Nyɛ́n sɩ́ bú m'ankà nyɛ́n tán ankaẅì ɛnvra léyi mɛ dɔ́ nyɛ̀n ɛnhibù ẅú ci hɔ̀n ankà; zɛtɛn anhɔntan de nye le bù m'ankà nyɛ́n tán ankaẅì, ke dú kɛ mɛ dɔ́ nyɛ̀n anhobɩ́ ci hɔ̀n ankà nɛ́n?

Zhan 3:12 Iomraidhean Croise

Zhan 3:11

Annanwɔrɛ mɛ̀n mɛ dɔ́ mɛ́n le: bɔ́ dɔ́ ɛci hɔ̀n léyi bɔ́ nyrì nɔn y'ankà, kɩ bɔ́ di dalɛfuɛ eci léyi bɔ́ kàn nɔn wú, tɛ́n nyɛ́n sɩ́ ji nyɛ́n bɩ́ bɔ́ dalɛfuɛ-di-ankà lɔ.

Zhan 3:3

Zhezü mrɛ́n nɛ̀n ɔmùan le: “Hɛ̀ɛ̀, mɛ dɔ́ mɛ́n annanwɔrɛ mɛ̀n le: ɔwrɔnẅì zriɛmɛ́n ke sɩ̀ kán Anhobɩ́ Nɛ̀ncüì-dúyri lɔ ke dú kɛ ye sɩ̀ sàn bî nɛ̀n.”

Zhan 3:5

Zhezü mrɛ́n ɔmùan le: “Hɛ̀ɛ̀, mɛ dɔ́ mɛ́n annanwɔrɛ mɛ̀n le: ɔwrɔn zriɛmɛ́n ke sɩ̀ bru Anhobɩ́ Nɛ̀ncüì-dúyri ke dú kɛ ye sɩ̀ sàn bî nɛ̀n ɛnshiemɛ̀n mán Ɛnhɛ́n Prɔnprɔn mɛ̀n.

Zhan 3:8

Ɛndɔnwrɔ̀n kɛ cüɛ́n ɛyri léyi ne ji nɔn; ɛ yá n'ɛcüɛ́n mùan, tɛ́n e sɩ́ nyri ɛyri léyi nɛ́n dù nɛ và, mán ɛyri léyi nɛ hɔ̀n nɔn. Nyàn eci léyi kɛ wɔɛ́n tán ɔwrɔn totɔtɔ̀n léyi ye bî Ɔwɔ Hɛ́n mɛ̀n nɔn.”

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Ebre-bɔ̀ 5:11

Bɔ̀ ẅɛn ankà bobrebe bɔ́ lɛ dɔ́ ankà ndɔ lɔ wú, tɛ́n n'ɛmɛ̀n ankà-dɔ̀ sɔ́, ɔmuhi ny'ankà-yá kɛ mɔ́ɛn nɔn.

1 Zhan 4:10

Kɩ ɛcüɛ̀n dú eci ndɔ lɔ: ke sɩ̀ dù hɩ le bɔ̀ cüɛn Ɔwɔ nɔn, tɛ́n hɩ le nɛ̀n cüɛn bɔ̀ kɩ nɛ̀n wá n'Ɛnẅì ɔkɔ̀hɔ̀n, ô n'ecice lɔ mɛ̀n, bɔ̀ cɔ́ ɛgbàn-bɩ̀ce.