Zhan 3:11 - Ɛmɛẅi ankà ankrànkràn 2003

¹¹ Annanwɔrɛ mɛ̀n mɛ dɔ́ mɛ́n le: bɔ́ dɔ́ ɛci hɔ̀n léyi bɔ́ nyrì nɔn y'ankà, kɩ bɔ́ di dalɛfuɛ eci léyi bɔ́ kàn nɔn wú, tɛ́n nyɛ́n sɩ́ ji nyɛ́n bɩ́ bɔ́ dalɛfuɛ-di-ankà lɔ.

Zhan 3:11 Iomraidhean Croise

Matie 11:27

Dade wá mɛ̀n eci lɔ fɛn antamɛ̀n. Ɔwrɔn zriɛmɛ́n ke sɩ̀ nyri Ɛnẅì lɔ ke dú kɛ kè sɩ̀ dù Ɛnẅì-nɛ́n-zi, kɩ ɔwrɔn zriɛmɛ́n ke sɩ̀ nyri Ɛnẅì-nɛ́n-zi ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ tán kè nyrì nɔn.

Matie 23:37

“Zherüzalɛmɛ̀n, Zherüzalɛmɛ̀n, vɛ́n léyi e di Ɔwɔ-mùanwú-ankà-dɔ́-bɔ̀ owúemɛ̀n kɩ e wri ɛbùemɛ̀n anwrɔn hɔ̀n léyi Ɔwɔ ke yüre mɛ́n nɔn! Andɛ̀n ɛ̀bɛ de mɛ̀n ji v'ɛẅì hɔ̀n ɛkruborɛ m'ɛtɛ̀sɛ̀n hán ɔmu le ɔkɔ̀sɔ̀-sɛ̀n kɛ wá n'ɛẅì hɔ̀n ɛtùvà-kɔrɛ̀ krùgbɛ̀n, tɛ́n nyɛ́n sɩ́ ji ɔmu lɔ!

Lükɛ̀n 10:22

Dade tán mɛ̀n ɛci hɔ̀n lɔ fɛn. Ɔwrɔnẅì zriɛmɛ̀n kè sì nyrì ɔwrɔn léyi dú Ɛnẅì nɔn, ke dú kɛ ke sɩ̀ dù Dade, kɩ ɔwrɔnẅì zriɛmɛ̀n kè sɩ̀ nyrì ɔwrɔn léyi dú Dade nɔn, ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ hán tán kè nyrì nɔn.”

Zhan 1:11

Nɛ̀n vá nɛ́n dùku n'anmàn hi wú, tɛ́n nɛ́n muan-ẅì hɔ̀n kè sɩ̀ bɩ́ nɛ̀n.

Zhan 1:18

Ɔwrɔnẅì zriɛmɛ́n kɛ vá kán Ɔwɔ mrìmrì. Tɛ́n Ɛnẅì zri kpokpo léyi dú Ɔwɔ, kɩ dú nɛ́n Zi ɛtɛ̀sɛ̀n nɔn, nɛ́n hán ye nyri nɛ́n Zi.

Zhan 12:49

Ɔmuhi, mɛ́n sɩ́ dɔ́ ankà mɛ́n zri m'ɛkɔrɛ̀-levriemɛ̀n, tɛ́n Dade léyi wá mɛ̀n ɔkɔhɔ̀n nɔn, wá tán mɛ̀n nɛ́n dùkù, ankà léyi ke ji le mɛ̀n dɔ̀, ô mɛ̀n yé nɔn.

Zhan 14:24

Ɔwrɔn léyi ke sɩ̀ cüɛn mɛ̀n nɔn, nɛ́n sɩ̀ ẅɛn m'ankà-dɔ̀ nɛ̀n hɛ́n. Ankà léyi nyɛ yá mɛ dɔ̀ nɔn, kè sɩ̀ dù m'eyri kè dù kɛ vá, tɛ́n Dade léyi wá mɛ̀n ɔkɔhɔ̀n nɔn, n'eyri de ke dù kɛ và nɔn.

Zhan 3:12

Nyɛ́n sɩ́ bú m'ankà nyɛ́n tán ankaẅì ɛnvra léyi mɛ dɔ́ nyɛ̀n ɛnhibù ẅú ci hɔ̀n ankà; zɛtɛn anhɔntan de nye le bù m'ankà nyɛ́n tán ankaẅì, ke dú kɛ mɛ dɔ́ nyɛ̀n anhobɩ́ ci hɔ̀n ankà nɛ́n?

Zhan 3:13

Ɔwrɔn zriɛmɛ́n kɛ vá hɔ́n anhobɩ́ mrìmrì, ke dú kɛ kè sì dù ɔwrɔnẅì Ẅì léyi dú anhobɩ kakɛ nɔn!

Zhan 3:3

Zhezü mrɛ́n nɛ̀n ɔmùan le: “Hɛ̀ɛ̀, mɛ dɔ́ mɛ́n annanwɔrɛ mɛ̀n le: ɔwrɔnẅì zriɛmɛ́n ke sɩ̀ kán Anhobɩ́ Nɛ̀ncüì-dúyri lɔ ke dú kɛ ye sɩ̀ sàn bî nɛ̀n.”

Zhan 3:5

Zhezü mrɛ́n ɔmùan le: “Hɛ̀ɛ̀, mɛ dɔ́ mɛ́n annanwɔrɛ mɛ̀n le: ɔwrɔn zriɛmɛ́n ke sɩ̀ bru Anhobɩ́ Nɛ̀ncüì-dúyri ke dú kɛ ye sɩ̀ sàn bî nɛ̀n ɛnshiemɛ̀n mán Ɛnhɛ́n Prɔnprɔn mɛ̀n.

Zhan 5:43

Mɛ̀n vá Dade bemɛ̀n kɩ nyɛ́n sɩ́ ji nyɛ́n bɩ́ mɛ̀n. Tɛ́n, ke dú kɛ ɔwrɔn nyantɛn tɔ̀n kɛ vá nɛ́n dùku n'ɛkɔrɛ̀-levriemɛ̀n, nye le bɩ́ nɛ̀n!

Zhan 7:16

Zhezü mrɛ́n yɔ ɔmùan le: “Ankà-yé léyi mɛ tán nɔn kè sɩ̀ dù m'eyri kɛ̀ và, tɛ́n dú Ɔwɔ léyi wá mɛ̀n ɔkɔ̀hɔ̀n nɔn n'eyri và.

Zhan 8:14

Zhezü mrɛ́n yɔ ɔmùan le: “Hɩ mán ke dú kɛ me dí m'edomɛ̀n dalɛfuɛ hô, ankà léyi mɛ dɔ̀ nɔn, dú annanwɔrɛ, ɔmuhi mɛ̀n nyri ɛyri léyi mɛ́n dù mɛ và, mán ɛyri léyi mɛ hɔ̀n nɔn. Tɛ́n, nyɛ́n, nyɛ́n sɩ̀ nyrì ɛyri léyi mɛ́n dù mɛ và mán ɛyri léyi mɛ hɔ̀n nɔn.

Zhan 8:26

Mɛ̀n ẅɛn ankà-dɔ̀ bobrebe mán ɛmrɛ̀n-cì ny'ɛwú. Tɛ́n ɔwrɔn léyi wá mɛ̀n ɔkɔhɔ̀n nɔn kɛ dɔ́ ankà annanwɔrɛ, kɩ me yé ɛnhibù ankà léyi nɛ̀n yé mɛ̀n nɔn.”

Zhan 8:38

Mɛ dɔ́ ankà léyi Dade yé mɛ̀n nɔn, tɛ́n nyɛ tɛn, nyɛ hán eci léyi nyɛ́n zi dɔ́ nyɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 22:18

Mɛ̀n kán Ɛẅɛnwrɔn kɩ nɛ̀n dɔ́ mɛ̀n le: ‘Ɛ̀ kpramàn ɛ̀ cɔhɔ́ Zherüzalɛmɛ̀n anmàn, ɔmuhi nanvrɛn anmàn-bɔ̀ ke sɩ̀ bɩ́ vɛ́n dalɛfuɛ-di ankà lɔ m'ɛkruhú nɔn.’

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

Ɔwɔ-mɛ̀n-yrikàn 1:5

kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,

Ɔwɔ-mɛ̀n-yrikàn 3:14

“È merɛ́n owrú è yüre Ɔwɔ-kùyüre-wrɔn léyi dú Laodise anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi Krisì kɛ dɔ̀, nɛ́n léyi nɛ̀n dú ɔmùan-zri dalɛfuɛ-di-wrɔn mán annanwɔrɛ, nɛ̀n dú eci lɔ fɛn léyi Ɔwɔ hán nɔn, n'ɛnkrubɔmɛ̀n, nɛ dɔ̀ le: