Zhan 21:16 - Ɛmɛẅi ankà ankrànkràn 2003

¹⁶ Zɛtɛn Zhezü ke yrɛ nɛ̀n andɛ̀n anhyrɛmɛ̀n le: “Simɔn, Zhan ẅì, ɛ cüɛn mɛ̀n hàn?” Piɛrɛn mrɛ́n nɛ̀n ɔmùan le: “Hɛ̀ɛ̀ Ɛẅɛnwrɔn, è nyri ɔmu le mɛ cüɛn mɛ́n.” Zhezü kɛ dɔ́ nɛ̀n le: “Ɛ̀ wá mɛ́n kɔ̀kɔ̀sɛ̀ hɔ̀n lɔ esùva.”

Zhan 21:16 Iomraidhean Croise

Matie 2:6

‘Vɛ́n Bɛtlehɛmɛ̀n, Zhüde ɛnhi wú anmàn, è sɩ̀ dù Zhüde kpɔsɔ wú lɔ, anmàn léyi kè sɩ̀ ẅɛ̀n vɔ̀nshɛ́ nɔn; ɔmuhi v'ebɩ́ lɔ mɛ̀n de ke le dù kɛ̀ srɔ ɛnhi-nɛ́n-zi léyi kɛ lɛ nyrɔn Izraɛlɛ̀n fɛcüè lɔ nɔn.’ ”

Matie 25:32

Ɛnhibù fɛcüè hɔ̀n lɔ fɛn kɛ lɛ borɛkru n'ezìwú kɩ nɛ lɛ kua anwrɔn, hán ɔmu le annɔ̀n-kua-bɔ̀ kɛ kua kɔ̀kɔ̀sɛ̀ mán ɛbùrì;

Matie 26:72

Kɩ Piɛrɛ̀n vru wrɔ́n-anmánta kɛ dɔ̀ le: “Mɛ wá ɔmùan le, mɛ̀n sɩ̀ nyrì ɔwrɔn ndɔ lɔ.”

Lükɛ̀n 19:10

Ɔmuhi, ɔwrɔnẅì Ẅì, nvà ô kè ji, ô kè bɩ́, yɔ hɔ̀n léyi zrɛ́n nɔn kè die.”

Zhan 18:17

Eci-bɩ̀tan-hi léyi kɛ nán angbàtà nɔn, kɛ dɔ́ Piɛrɛ̀n le: “Vɛ́n mán è sì dù Ɔwrɔn ndɔ lɔ n'ɛsɛnkɛn-wrɔn tɔ̀n hàn?” Piɛrɛ̀n mrɛ́n ɔmùan kɛ dɔ̀ le: “Hɔ̂, mɛ̀n sɩ̀ dù n'ɔwrɔn zriɛmɛ́n.”

Zhan 18:25

Ɛnvra lɔ mɛ̀n, Simɔn Piɛrɛ̀n tɛn yɛ́ kɛ yɩ́ ɛnhyà. Ye yrɛ nɛ̀n le: “Vɛ́n mán è sɩ̀ dù ɔwrɔn ndɔ lɔ n'ɛsɛ̀nkɛn-wrɔn tɔ̀n hàn?” Tɛ́n Piɛrɛ̀n kɛ wrɔ́n anmanta kɛ dɔ̀ le: “Hɔ̂, mɛ̀n sì dù n'ɔwrɔn.”

Zhan 21:17

Zɛtɛn nɛ dɔ́ yi andɛ̀n anhɔnmɛ̀n le: “Simɔn, Zhan ẅì, ɛ cüɛn mɛ̀n hàn?” Kɛ hán Piɛrɛ̀n ejüedì, ɔmuhi Zhezü ke yrɛ nɛ̀n andɛ̀n anhɔnmɛ̀n le: “Ɛ cüɛn mɛ̀n hàn?” Kɩ nɛ̀n mrɛ́n yi ɔmùan le: “Ɛẅɛnwrɔn, è nyri eci lɔ fɛn; è nyri ɔmu le mɛ cüɛn mɛ́n.” Zhezü kɛ dɔ́ nɛ̀n le: “Ɛ wá mɛ́n kɔ̀kɔ̀sɛ̀ hɔ̀n lɔ esùva.

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

Ebre-bɔ̀ 13:20

Ɔwɔ leyi dú anwɔwɔ shi-bɛ, bɩ́ bɔ́ Ɛẅɛnwrɔn Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n, Zhezü srɔ kɔ̀kɔ̀sɛ̀ kua-wrɔn, n'ɛnkrɛ̀ cice nboafɔn mɛ̀n, ɛnkrɛ̀ cice léyi kɛ tán Ɔwɔ mìrɛ̀n léyi ke sɩ́ trɔa nɔn ecüi ɛnvra lɔ fɛn nɔn.

1 Piɛrɛ̀n 2:25

Ɔmuhi nyɛ́n dù nyɛ́n cá kɔ̀kɔ̀sɛ̀ hɔ̀n léyi zrɛ́n, tɛ́n zɛtɛ̀ lɔ ye bɩ́ nyɛ̀n yɛ vá sɩ́ nɛ̀n, nɛ́n léyi nɛ̀n dú ny'ɔkuawrɔn kɩ nɛ nán nyɛ̀n nɔn.

1 Piɛrɛ̀n 5:2

nyɛ́n wá esùva kɛ̀ hán annɔn-kua-bɔ̀ léyi Ɔwɔ bɩ́ nɛ́n kɔ̀kɔ̀sɛ̀-kà wá antamɛ̀n nɔn, nyɛ́n wá nɛ̀n esùvá kɩ kè sɩ̀ dù kèkrèmɛ̀n, tɛ́n ɛnbɔrɛ ankrankran mɛ̀n, hán ɔmu le Ɔwɔ ke ji nɔn. Nyɛ́n hán eci ke bɩ́ dú ɔkùa jiemɛ̀n, tɛ́n ɛnbɔrɛ ankrankran mɛ̀n.

Ɔwɔ-mɛ̀n-yrikàn 7:17

Ɔmuhi Ɔwɔ Kɔ̀kɔ̀sɛ̀-ẅì léyi nyɔn ɛgbú-tòbù wanzi nɔn, kɛ lɛ srɔ y'ɔkua-wrɔn, kɩ ke le sɩ́ yɔ ɔkɔrɛ shi-bɛ́ mùan mɛ̀n. Kɩ Ɔwɔ ke le wurɛn yɔ anvɛ-shi lɔ fɛn anvɛmɛ̀n.”