Zhan 21:12 - Ɛmɛẅi ankà ankrànkràn 2003

¹² Zhezü kɛ dɔ́ yɔ le: “Nyɛ́n và nyɛ́n zi ɛci.” Ɛsɛ̀nkɛn-wrɔn zriɛmɛ́n ke sɩ́ ẅɛn ɔmùan ká yrɛ nɛ̀n le: “Antɔnwrɔn dú mɛ́n hán?” Ɔmuhi yɔ nyri ɔmu le Ɛẅɛnwrɔn nɔn.

Zhan 21:12 Iomraidhean Croise

Matie 22:46

Ɔwrɔn zriɛmɛ́n kè sɩ̀ cɔ̀ ankà-dɔ́-yri, kɩ bukru hɩ vra lɔ, yɔ sɩ́ vru yrɛ nɛ̀n ankà.

Markɛ̀n 9:32

Tɛ́n Zhezü sɛ̀nkɛn-bɔ̀ ke sɩ́ nyri ankà ndɔ lɔ n'ɛmɛ̀n; ɛnjansù kɛ ẅɛn yɔ; kɩ yɔ sɩ́ ji yɔ yrɛ nɛ̀n ankà.

Lükɛ̀n 9:45

Tɛ́n yɔ sɩ́ yá ankà-dɔ̀ ndɔ lɔ n'ɛmɛ̀n: ankà-dɔ̀ lɔ dú ɛbán mɛ̀n tán yɔ, ô ye bɩ́ cɔ́ n'ɛyá-yri, kɩ ɛnjansù kɛ ẅɛn yɔ, yɔ sɩ́ ji yɔ yrɛ Zhezü ankà-bán-ankà ndɔ lɔ n'ɛmɛ̀n.

Zhan 16:19

Zhezü nyri ɔmu le yɔ ji yɔ yrɛ nɛ̀n ankà kɩ zɛtɛn nɛ dɔ́ yɔ le: “Mɛ̀n dɔ́ nyɛ̀n le: ‘Ɛnvra cá mɛ̀n nyɛ́n sɩ̀ vru kán mɛ̀n, kɩ ɛnvra cá kɛ lɛ vàcì, kɩ nyɛ lɛ kán mɛ̀n’. Ndɔ lɔ kruhú de nye yrɛ ny'edomɛ̀n ankà nɛ́n?

Zhan 21:11

Simɔn Piɛrɛ̀n bru anhàka mɛ̀n kɩ wán ɛdàn léyi ɛcàn ɛvrivri dú ɛmɛ̀n nɔn cüe ɛnhiɛ: ɛcàn ɛkoẅi-ɔbɔ̀ɛn mán ɛẅì ɛvà-anhɔ̀n de dú ɛdàn lɔ mɛ̀n nɔn. Ɛcàn cüɛn, ɔmu tɛ̀kɩ ɛdàn lɔ kè sɩ̀ shà.

Zhan 21:15

Ɛnvra léyi yɔ zî ɛci trɔ nɔn, Zhezü ke yrɛ Simɔn Piɛrɛ̀n le: “Simɔn, Zhan ẅì, ɛ cüɛn mɛ̀n kɛ vrán ɛnyran hɔ̀n ndɔ lɔa?” Piɛrɛ̀n mrɛ́n nɛ̀n ɔmùan le: “Hɛ̀ɛ̀ Ɛẅɛnwrɔn, è nyri ɔmu le mɛ cüɛn mɛ́n.” Zhezü kɛ dɔ́ nɛ̀n le: “Ɛ̀ wá mɛ́n kɔ̀kɔ̀sɛ̀-ẅì hɔ̀n lɔ esùva.”

Zhan 4:27

Hɩ vra lɔ, Zhezü sɛ̀nkɛn-bɔ̀ lɔ vru ɛmɛẅi và; kɩ yɔ dú anvɛmɛ̀n-frɛ́n-mɛ̀n, ɛnvra léyi yɔ kán nɛ̀n, ɛnnyɔnwrɔn mɛhi yɔ dɔ́ ankà nɔn. Kɩ ɔwrɔn zriɛmɛ́n y'ɛmɛ̀n lɔ ke sɩ́ ẅɛn ɔmùan ke yrɛ nɛ̀n le: “Ecitan e ji n'eyriɛ?” kàle “Ecitan kruhú kɛ vɛ́n mán nɛ́n mɛhi nyɛ dɔ́ ankà?”

Ɔkɔ̀hɔ̀n-wá-bɔ̀ kɔ̀hɔ̀n hán 10:41

fɛcüè lɔ fɛn, tɛ́n bɔ́ léyi Ɔwɔ gɔ́ mrɛ́n bɔ̀ nbɩ, hɩ bɔ́ dú dalɛfùɛ-di-bɔ̀ nɔn. Bɔ́ mán nɛ́n mɛhi bɔ́ zî ɛci, bɔ́ mi ɛnshi ɛnvra léyi Ɔwɔ sɩ́ nɛ̀n ɔkɔrɛ-bɔ̀ mɛ̀n nɔn.