Zhan 21:1 - Ɛmɛẅi ankà ankrànkràn 2003

¹ Ɛnvra cá vácì, Zhezü vru bɩ́ n'edomɛ̀n yé n'ɛsɛnkɛn-bɔ̀ Tiberiadɛ̀n nɛnbà cɛ gbàtà mùan. Nyàn ɔmu le nɛ̀n bɩ́ n'edomɛ̀n nɛ̀n yé yɔ nɔn:

Zhan 21:1 Iomraidhean Croise

Matie 26:32

Tɛ́n Zhezü vru kɛ dɔ̀ le: Ɛnvra léyi me le vru mɛ̀n dú ɔkɔrɛ-bɔ̀ mɛ̀n nɔn, mɛ lɛ hɔ̀n mɛ̀n vrá nyɛ̀n Galile kpɔsɔ wú.”

Matie 28:16

Ɛsɛ̀nkɛn-bɔ̀ ɛvà-ɔtɔ̀n lɔ, hɔ́n Galile kpɔsɔ wú, ɛnkpò léyi Zhezü yé yɔ nɔn yi wú.

Matie 28:7

Nyɛ́n kprànmàn nyɛ́n hɔ̀n dɔ́ n'ɛsɛ̀nkɛn-bɔ̀ le: ‘Nɛ̀n dú owú-bɔ̀ mɛ̀n nɛ̀n vá ɔkɔrɛ-bɔ̀ mɛ̀n kɩ nɛ lɛ hɔ́n zɛtɛ̀ lɔ nɛ̀n vrá nyɛ̀n Galile kpɔsɔ wú; nanvrɛn lɔ, de nyɛ lɛ kán nɛ̀n nɔn.’ Nyàn ankà léyi mɛ́n ẅɛ̀n mɛ lɛ dɔ́ nyɛ̀n nɔn.”

Markɛ̀n 16:12

Zɛtɛn Zhezü srɔ n'edomɛ̀n ɔwrɔn nyàntɛn yé n'ɛsɛ̀nkɛn-bɔ̀, anwrɔn anhyrɛ̀ léyi bɩ́ ɛnlevri kɛ hɔ́n nanbuenu nɔn.

Markɛ̀n 16:14

Ɔtrɔmɛ̀n lɔ Zhezü vru bɩ́ n'edomɛ̀n yé n'ɛsɛ̀nkɛn-bɔ̀ ɛvà-ɔtɔ̀n lɔ ɛnvra léyi yɔ dú ɛci-zîemɛ̀n nɔn. Zhezü ke fé yɔ ɔmuhi yɔ sɩ̀ ẅɛ̀n ankàẅì-bùtan, hɩ yɔ ẅɛn ɛnbɔrɛ shishi kɩ yɔ sɩ̀ bù n'owúemɛ̀n-dù-frɔ́ ankà lɔ yɔ tàn ankàẅì nɔn.

Markɛ̀n 16:7

Zɛtɛ̀n lɔ nyɛ́n hɔ̀n ô nyɛ́n dɔ́ n'ɛsɛ̀nkɛn-bɔ̀ mán Piɛrɛ̀n le: ‘Nɛ lɛ hɔ̀n nɛ̀n vrá nyɛ̀n Galile kpɔsɔ wú; nanvrɛn de nyɛ lɛ kán nɛ̀n, hán ɔmu le nɛ̀n dɔ́ nyɛ̀n nɔn.’ ”

Zhan 21:14

Kɛ hán andɛ̀n anhɔnmɛ̀n de Zhezü bɩ́ n'edomɛ̀n yé n'ɛsɛnkɛn-bɔ̀ nɔn, bukru ɛnvra léyi nɛ̀n dú owúemɛ̀n nɛ̀n frɔ́ nɔn.

Zhan 6:1

Ndɔ lɔ mɛẅi lɔ, Zhezü hɔ́n Galile nɛnbà cɛ mɛẅi (Nɛnbà cɛ léyi ye bi Tiberiadɛ̀n nɛnbà nɔn).

Zhan 6:23

Tɛ́n anhàka ndɔ hɔ̀n léyi dú Tiberiadɛ̀n anmàn nvà nɔn, cɔ́ ɛyri léyi Ɛẅɛnwrɔn tán Ɔwɔ ɔkuɛ̀n n'ɛtɛ̀sɛ̀n, yakɛ yɔ rá abutùkumɛ́n lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 1:3

Annanwɔrɛ mɛ̀n lɔ, n'owù mɛẅi lɔ, nɛ̀n bɩ́ n'edomɛ̀n nɛ̀n yé eci-woroan-ci mɛ̀ntɛ mɛ̀ntɛ mɛ̀n, ô yɔ nyri ɔmu le nɛ̀n dú ɔkɔrɛ-bɔ̀ mɛ̀n: ɛbi ɛkoẅi-anhyrɛ̀ nɛ̀n bɩ́ n'edomɛ̀n nɛ̀n yé yɔ kɩ nɛ̀n dɔ́ yɔ Anhobɩ́ Nɛ̀ncüì-dúyri ankà.