Zhan 2:6 - Ɛmɛẅi ankà ankrànkràn 2003

⁶ Nanvrɛn lɔ, ɛnsî ɛwole de ndù nɔn, kɩ ɛnsî ndɔ hɔ̀n lɔ de ZhƐifɛ̀n-bɔ̀ ke ku ɛnshi ɛmɛ̀n ke juru edomɛ̀n hán ɔmu le Ɔwɔ-wɔn nyànmàn kɛ wá tán nɔn. Ɛnsî zri lɔ ke le bɩ́ ɛnshi-wɔɛ́n-ci ɛkoẅi-ɛnrì.

Zhan 2:6 Iomraidhean Croise

Lükɛ̀n 16:6

‘Ɛnzhì balo ɛkoẅi-ɛnrì wɔɛ̀n de mɛ́n ẅɛ̀n nɔn’. Ɛci-krɛ́-wrɔn lɔ kɛ dɔ́ nɛ̀n le: ‘Nyàn v'ɔwɔɛ̀n; kpràkprà, ɛ̀ yɛ́, ô è merɛ́n ɛkoẅì-anhyrɛ̀ mán ɛẅì ɛvà.’

Zhan 2:7

Zhezü kɛ dɔ́ ɛci-bɩtan-bɔ̀ lɔ le: “Nyɛ́n ku ɛnshi kè yɩ́ ɛnsî hɔ̀n lɔ.” Yɔ ku ɛnshi yɩ́ ɛnsî hɔ̀n lɔ.

Zhan 3:25

Zɛtɛn Zhan sɛ̀nkɛn-bɔ̀ mán Zhüifɛ̀n-wrɔn tɔ̀n mɛhi dú ecüìwrɔn mɛ̀n y'edomɛ̀n fì ankà kruhú.

Efɛzɛ̀n anmàn-bɔ̀ 5:26

Nɛ̀n ji ɔmu lɔ hán, ô Ɔwɔ-fɛcüè kè dú Ɔwɔ tɛn annanwɔrɛ, ɛnvra léyi nɛ̀n bɩ́ ɛnshi mán ankà-dɔ̀ nɛ̀n fí yi edomɛ̀n nɔn;

Ebre-bɔ̀ 10:22

Zɛtɛn bɔ̀ sɔ̀nba Ɔwɔ ɛtɛ̀sɛ̀n ɛnbɔrɛ zriemɛ̀n mán esɛ́ mɛ̀n; bɔ̀ bɩ́ ɛnbɔrɛ fifi léyi ankàtro gbangbàn cɔhɔ́ ɛmɛ̀n, mán edùwru léyi ye bɩ́ ɛnshi fifi ye jru nɔn.

Ebre-bɔ̀ 6:2

bɔ́ bɩ́ ankà-yé léyi dú ɛnshi-kruwá mán ankɔrɛ̀-ɛwú-dì ci-hán lɔ mɛ̀n, owúemɛ̀n-dùfrɔ́ mán ɛmrɛ̀ncì léyi ke sɩ́ trɔa nɔn n'ankà-dɔ̀.

Ebre-bɔ̀ 9:10

Ndɔ lɔ fɛn dú edùwrú-ẅiamɛ̀n nyànmàn léyi dú ɛcizî, ɛntàn-mì mán edomɛ̀n fì ci-hán mɛ̀ntɛ mɛ̀ntɛ. Ndɔ lɔ dú eci-hán nyànmàn hɔ̀n léyi ẅɛn vɔ̀nshɛ́ hàn mán cɔ́ ɛnvra léyi Ɔwɔ crɔn eci lɔ fɛn nɔn.

Ebre-bɔ̀ 9:19

Mohizì gɔ́ dɔ́ fɛcüè zìwú ɛnyanmàn hɔ̀n lɔ fɛn ankà, hán ɔmu le ɛnyanmàn wrú ke yé nɔn. Zɛtɛn Mohizì bɩ́ ɛnnànman mán ɛbùrì krɛ̀ mán ɛnshi mɛhi ku ɛnyanmàn wrú mán fɛcüè lɔ fɛn wú, nɛ̀n bɩ́ ɛtɛ̀ léyi ye bí Izɔpɛ̀n nɔn, n'anda mán kɔ̀kɔ̀sɛ̀-tù càsa ẅie wɔnsɛn de nɛ̀n ku yɔ ɛnkrɛ̀ mán ɛnshi edomɛ̀n nɔn.