Zhan 2:23 - Ɛmɛẅi ankà ankrànkràn 2003

²³ Ɛnvra léyi Zhezü dú Zherüzalɛmɛ̀n anmàn nɔn, abutùkumɛ́n-kɔ́ nyanmán-bì vra lɔ, anwrɔn bobrebe bú n'ankà tán ankaẅì, ɔmuhi yɔ kán anvɛmɛ̀n-frɛ́n-ci léyi nɛ hán nɔn.

Zhan 2:23 Iomraidhean Croise

Lükɛ̀n 8:13

Ndɔ hɔ̀n dù cá ɛbù-hiẅia: yɔ yá ankà-dɔ̀ lɔ kɩ yɔ bɩ́ nɛ̀n pɔpüɛ̀ mɛ̀n. Tɛ́n, yɔ sɩ́ teze nɛ̀n nɛ́n di annyràn, yɔ bú tán ankàẅì ɛnvra cá mɛ̀n, kɩ yɔ teze y'ankàẅì-bùtan lɔ ɛnvra léyi ejüezì kɛ srɔ́n yɔ ɛsù nɔn.

Zhan 11:45

Zhüifɛ̀n-bɔ̀ bobrebe, yɔ hɔ̀n léyi vá Mari nanvrɛn, hɩ kán eci léyi Zhezü hán nɔn, yɔ bú n'ankà yɔ tán ankaẅì.

Zhan 2:11

Nyàn ɔmu lɔ de Zhezü hán nɛ́n kpàkpà anvɛmɛ̀n-frɛ́n-ci, Kana anmàn, Galile kpɔsɔ wú; nɛ̀n yé n'ecizrɔ, kɩ n'ɛsɛnkɛn-bɔ̀ bú n'ankà lɔ tán ankaẅì.

Zhan 2:13

Zhüifɛ̀n-bɔ̀ abutùkumɛ́n-kɔ́ nyanmán-bì lɔ, kɛ́n eburi kɩ Zhezü hɔ́n ZherƐzalɛmɛ̀n anmàn.

Zhan 3:2

Nɛ́n và cɔ́ Zhezü ɛnnyran tɔ̀n mɛ̀n kɩ nɛ dɔ́ yi le: “Ankà-yé-wrɔn, bɔ́ nyrí ɔmu le, Ɔwɔ de wá mɛ́n ɔkɔhɔ̀n ɛ̀ và yé bɔ̀ ankà nɔn; ɔmuhi ɔwrɔn zriɛmɛ́n ke sɩ̀ hán anvɛmɛ̀n-frɛ́n-ci kɛ̀ hán ɔmu le ɛ hán nɔn, ke dú kɛ Ɔwɔ mɛhi yɔ sɩ̀ dùɛ.”

Zhan 4:45

Ɛnvra léyi nɛ̀n bru Galile kpɔsɔ wú nɔn, nanvrɛn anmàn bɔ̀ ẅɛn nɛ̀n anvrɛnvrɛn, ɔmuhi yɔ mán yɔ hɔ́n Zherüzalɛmɛ̀n abutùkumɛ́n-kɔ́ nyanmán-bì lɔ mɛ̀n, kɩ yɔ kán eci lɔ fɛn léyi nɛ̀n hán ɔkoran ndɔ lɔ mɛ̀n nɔn.

Zhan 5:36

Tɛ́n mɛ̀n ẅɛn dalɛfuɛ-dì tɔ̀n sevri vrán Zhan tɛn lɔ: Ɛci hɔ̀n léyi mɛ hán, ndɔ hɔ̀n léyi Dade tán mɛ̀n mɛ̀n hán nɔn, kɛ dɔ́ m'ankà anvrɛnvrɛn kɩ ke yé tán le Dade wá mɛ̀n ɔkɔhɔ̀n.

Zhan 6:14

Anwrɔn hɔ̀n léyi kán anvɛmɛ̀n-frɛ́n-ci léyi Zhezü hán nɔn, kɛ dɔ̀ le: “Ɔwrɔn ndɔ lɔ, nɛ̀n dú Ɔwɔ-mùanwú-ankà-dɔ́-wrɔn annanwɔrɛ léyi, ke ji le kɛ̀ vá ɛnhibù wú nɔn!”

Zhan 6:2

Fɛcüè vri tɔ̀n kɛ kɛ́n nɛ̀n ɛsɛ̀n, ɔmuhi anwrɔn kɛ kán anvɛmɛ̀n-frɛ́n-ci léyi nɛ hán kɩ ɛnlɔẅiɛ-bɔ̀ kɛ kɔrɛ̀ nɔn.

Zhan 7:31

Ɔmu tɛ̀kɩ, fɛcüè lɔ mɛ̀n, anwrɔn bobrebe bú n'ankà tán ankaẅì. Yɔ dɔ̀ le: “Ɛnvra léyi Ebɩ̀die-wrɔn lɔ kɛ lɛ và nɔn, nɛ lɛ hán anvɛmɛ̀n-frɛ́n-ci kɛ lɛ vrán ɔwrɔn ndɔ lɔa?”

Galasi anmàn-bɔ̀ 5:6

Ɔmuhi Ɔwrɔn léyi dú ɔbɔ̀sɔ mɛ̀n nɛ́n mán Krisì mɛhi, ke dú kɛ ye wi nɛ̀n wúcɔ̀-domɛ̀n mán, kɩ ye sɩ̀ wi nɛ̀n wúcɔ̀-domɛ̀n mán, ndɔ lɔ kè sɩ̀ ẅɛ̀n vɔ̀nshɛ́ zriɛmɛ́n: eci léyi dú ɛnkrugbɔ nɔn, dú ankaẅì-bùtan léyi dú ɛcüɛ̀n mɛ̀n nɔn.

1 Zhan 3:23

Nyàn eci léyi nɛ wá tán bɔ̀ nɔn: ke ji le bɔ̀ ẅɛn ankaẅìbùtan n'Ɛnẅì Zhezü Krisì bɩmɛ̀n, ô bɔ̀ cüɛn bɔ́ edomɛ̀n hán ɔmu le Krisì wá tán bɔ̀ nɔn.