Zhan 2:2 - Ɛmɛẅi ankà ankrànkràn 2003

² kɩ ye bi Zhezü mán n'ɛsɛnkɛn-bɔ̀ eyri-koran lɔ mɛ̀n.

Zhan 2:2 Iomraidhean Croise

Matie 12:19

Nɛ́n mán ɔwrɔn zriɛmɛ́n mɛhi yɔ sɩ̀ wrɔ́n ecüì kɩ nɛ́n sɩ̀ di bobo, ye sɩ̀ yá nɛ̀n ɔmùan nɛ̀n dɔ́ anwrɔn ankà *andrɛnmɔɛn mɛ̀n.

Matie 25:40

Ɛnnɛ̀ncüì lɔ kɛ lɛ mrɛ́n yɔ ɔmùan le: ‘Mɛ dɔ́ nyɛ̀n annànwɔrɛ mɛ̀n le: ɛnvra totɔtɔ̀n léyi nyɛ́n hán eci ndɔ lɔ nyɛ́n tán ɛẅì hɔ̀n léyi dú nmàn ẅì hɔ̀n, ke dú ɛnzri mán, mɛ̀n de nyɛ́n hán nyɛ́n tán mɛ̀n nɔn.’

Matie 25:45

Ɛnnɛ̀ncüì lɔ kɛ lɛ mrɛ́n yɔ ɔmùan le: ‘Mɛ dɔ́ nyɛ̀n annànwɔrɛ mɛ̀n le: ɛnvra totɔtɔ̀n léyi nyɛ́n sɩ̀ hàn eci ndɔ lɔ nyɛ́n tán ɛẅì hɔ̀n kpòkpò lɔ, ke dú ɛnzri mán, mɛ̀n de nyɛ́n sɩ̀ hàn nyɛ́n tán mɛ̀n nɔn.’

Zhan 2:12

Ndɔ lɔ mɛẅi, Zhezü mán nɛ́n muan, nɛ́n muan-ẅì hɔ̀n mán n'ɛsɛnkɛn-bɔ̀ mɛhi hɔ́n kapernahümɛ̀n anmàn. Yɔ yɛ́ nanvrɛn lɔ ɛnvra jan tɛ̀kɩ.

Zhan 2:17

Owrú Prɔnprɔn ankà-dɔ̀ ndɔ lɔ bru n'ɛsɛnkɛn-bɔ̀ lɔ: “Ɛcüɛ̀n léyi mɛ̀n ẅɛ́n v'ɔwɔn lɔ wú nɔn, ô Ɔwɔ, ke le wrú mɛ̀n edomɛ̀n kɛ lɛ hán ɛnhyà hɔ́.”

Zhan 2:22

Ɛnvra léyi Zhezü dú owúemɛ̀n frɔ́ nɔn, bru n'ɛsɛ̀nkɛn-bɔ̀ le Zhezü dɔ́ ankà ndɔ lɔ; kɩ yɔ bú Owrú Prɔnprɔn mán Zhezü ankà tán ankaẅì.

Zhan 2:3

Ɛnvra léyi ɛntàn trɔ yɔ nɔn, Zhezü nɛ́n muan kɛ dɔ́ n'ɛnẅì le: “Ɛntàn trɔ yɔ.”

Zhan 3:22

Ndɔ lɔ n'ɛmɛẅi lɔ, Zhezü mán n'ɛsɛ̀nkɛn-bɔ̀ mɛhi hɔ́n Zhüde kpɔsɔ wú. Yɔ dú nanvrɛn lɔ ɛnvra jan, kɩ Zhezü kɛ wá anwrɔn ɛnshi ɛnkru.

Zhan 4:33

N'ɛsɛnkɛn-bɔ̀ lɔ ke yrɛ y'edomɛ̀n le: “Ɔwrɔn tɔ̀n vá sɩ́ nɛ̀n ɛciɛ?”

Zhan 4:8

(N'ɛsɛnkɛn-bɔ̀ hɔ́n dú anmàn ɛci-wɔ́-yri.)

Zhan 6:12

Ɛnvra léyi yɔ lɔ fɛn yɔ zî ɛci fɔ́n yɔ nɔn, Zhezü kɛ dɔ́ n'ɛsɛnkɛn-bɔ̀ lɔ le: “Nyɛ́n jrɔ ɛci sùsù hɔ̀n léyi wɔrɔ nɔn, ô ɛci ẅì zriɛmɛ́n ke bɩ́ zrɛ́n hán.”

Zhan 6:16

Ɛnvra léyi ɔwɔɛmɛ̀n ncɔ̀ nɔn, Zhezü sɛnkɛn-bɔ̀ hɔ́n nɛnbà cɛ gbàtà mùan,

Zhan 6:60

Ɛnvra léyi yɔ yá Zhezü ankà-dɔ̀ lɔ trɔ nɔn, Zhezü sɛnkɛn-bɔ̀ bobrebe kɛ dɔ̀ le: “Ɛnu lɔ nɛ́n dɔ̀ fɛ́ ɛwú! Anhɔntan de ye le shri ankà-dɔ̀ ndɔ lɔ nɛ́n?”

Zhan 6:66

Ɛnvra lɔ mɛ̀n, n'ɛsɛnkɛn-bɔ̀ bobrebe mrɛ́n y'edomɛ̀n sɔhɔ́ kɩ ke sɩ́ vru kɛ́n nɛ̀n ɛsɛ̀n hàn.

Zhan 6:67

Zhezü kɛ dɔ́ n'ɛsɛnkɛn-bɔ̀ ɛvà-anhyrɛ̀ lɔ le: “Nyɛ́n mán nye ji nyɛ́n hɔ̀n hàn?”

Zhan 6:70

Zhezü mrɛ́n yɔ ɔmùan le: “Mɛ̀n sɩ̀ mrɛ́n nyɛ́n, anwrɔn ɛvà-anhyrɛ̀ lɔ mɛ̀n bɩɛ? Ɔmu tɛ̀kɩ ny'ɛmɛ̀n lɔ ɔwrɔn tɔ̀n dú anwa-wrɔn!”

Zhan 6:71

Zhezü kɛ dɔ́ Zhüda ankà, Simɔn Iskariɔtɛ̀n ẅì. Ɔmuhi Zhüda léyi dú n'ɛsɛnkɛn-bɔ̀ lɔ ɔtɔ̀n nɔn de kɛ lɛ hɛ́ nɛ̀n nɔn.

Zhan 6:8

Zhezü sɛnkɛn-bɔ̀ lɔ, ɔtɔ̀n, ye bi Andre, Simɔn-Piɛrɛ̀n nɛ́n muan-ẅì, kɛ dɔ́ nɛ̀n le:

Zhan 7:3

kɩ Zhezü nɛ́n muan-ẅì hɔ̀n kɛ dɔ́ nɛ̀n le: “Cɔhɔ̀ ɛnu lɔ, hɔ̀n Zhüde kpɔsɔ wú, ô v'ɛsɛnkɛn-bɔ̀ lɔ kɛ̀ kán ɛci hɔ̀n léyi ɛ hán nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 11:26

Ɛnvra léyi nɛ̀n cɔ́ yi nɔn, nɛ̀n sɩ́ yi Antiɔshɛ̀n anmàn. Yɔ, anwrɔn anhyrɛ̀ lɔ, yɔ di ɛnnànwàn kru zri Antiɔshɛ̀n Wɔ-fɛcüè-wɔn lɔ mɛ̀n, kɩ yɔ yé anwrɔn bobrebe ankà, ankaẅì-bùtan mɛ̀n. Antiɔshɛ̀n anmàn de, ɛnvrakpà yɛ wá ɛsɛ̀nkɛn-bɔ̀ ebɩ́, Krisì-sɛ̀nkɛn-bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 11:29

Ɛsɛ̀nkɛn-bɔ̀ zɛtɛn wá le, ɔwrɔn wrɔn kɛ̀ tán eci léyi nɛ́n ẅɛ̀n nɔn, ô ye bɩ yɛ wá anwrɔn-nɛ́n-muan-ẅì hɔ̀n léyi dú Zhude kpɔsɔ wú nɔn ɛkɔrɛ̀.

1 Korɛntɛ̀n anmàn-bɔ̀ 10:31

Ɔmu lɔ, ɛci nye zî hô, ɛnshi nye mi hô, eci totɔtɔ̀n léyi nyɛ hán nɔn, nyɛ́n hán fɛn kè dú Ɔwɔ ci-zrɔ tɛn.

1 Korɛntɛ̀n anmàn-bɔ̀ 7:39

Ɛnnyɔnwrɔn kè dú ɛnvra lɔ fɛn léyi nɛ́n cüì dú ɔkɔrɛ mɛ̀n nɔn, hɩ mɛhi eyirì bɔ̀sɔ mɛ̀n; tɛ́n ke dú kɛ nɛ́n cüì ke wù hô, ɛkɔrɛ̀-levri dù ne le yiri ɛncɔnwrɔn léyi ne ji nɔn, tɛ́n ke ji le kè dú Krisì-sɛ̀nkɛn-bɔ̀ yirì.

Kɔlɔsèn anmàn-bɔ̀ 3:17

Eci lɔ fɛn léyi nyɛ hán, ankà-dɔ́ mɛ̀n, eci-hán mɛ̀n, nyɛ́n hán nɛ̀n Ɛẅɛnwrɔn Zhezü bɩmɛ̀n, ô ny'Ɔwɔ kùɛn-tán kè ci n'eyri.

Ebre-bɔ̀ 13:4

Eyirì mùan-wá lɔ, eyiri-bɔ̀ lɔ fɛn kɛ̀ ẅɛn nɛ̀n kɛ̀ hɛ́n, ke ji le eyiri-bɔ̀ kè di ɔmùan zri tán y'edomɛ̀n. Ɔwɔ ke le ci anwrɔn hɔ̀n léyi kɛ ẅɛn ankàtro-gbàngbàn ci-hán mán yɔ hɔ̀n léyi kɛ hán ɛncɔnwrɔn-hi-bi-gbàn nɔn.

Ɔwɔ-mɛ̀n-yrikàn 3:20

È die nukùɛ, mɛ̀n nyɔn angbàtà mùan kɩ mɛ gɔ́n esù ɛkɔrɛ̀; ke dú kɛ ɔwrɔn tɔ̀n kɛ yá m'esùva kɩ ke srú esù, me le bru nɛ̀n ɛbemɛ̀n kɩ nɛ́n mán mɛ̀n mɛhi bo le zî ɛci zri.