Zhan 2:19 - Ɛmɛẅi ankà ankrànkràn 2003

¹⁹ Zhezü mrɛ́n yɔ ɔmùan le: “Nyɛ́n gbe Ɔwɔ-cice-wɔn ndɔ lɔ, kɩ ɛbi-anhɔ̀n granmɛ̀n, mɛ lɛ sàn ku nɛ̀n.”

Zhan 2:19 Iomraidhean Croise

Matie 12:40

Ɔmuhi, ɔmu zri léyi Zhonasɛ̀n di ɛbi anhɔ̀n, ɛnnyran mán ɛcɛ̀n, ɛcàn vri lɔ mɛ̀ntɛ̀ mɛ̀n nɔn, ɔmu zri lɔ de ɔwrɔnẅì Ẅì ke le di ɛbi anhɔ̀n, ɛnnyran mán ɛcɛ̀n ɛnhibɩ́ nɔn.

Matie 16:21

Bukru hi vra lɔ, Zhezü kɛ dɔ́ n'ɛsɛ̀nkɛn-bɔ̀ ankà kpetemɛ̀n kɩ nɛ dɔ̀ le: “Ke ji le mɛ̀n hɔ́n Zherüzalɛmɛ̀n kɩ mɛ lɛ kán ɛgbàn bobrebe, ɛcüìcüì-bɔ̀, Ɔwɔ-cice-bɔ̀ mán Ɔwɔ-nyànmàn-sùva-wá-bɔ̀ tamɛ̀n. Ye le di mɛ̀n owúemɛ̀n kɩ ɛbi-anhɔ̀n granmɛ̀n, me le dú owúemɛ̀n mɛ̀n frɔ́.”

Matie 27:40

yɔ dɔ́ nɛ̀n le: “Vɛ́n léyi e ji è gbe Ɔwɔ-cice-wɔn lɔ, ô è ku ɛnyàntɛn tɔ̀n ɛbi anhɔ̀n granmɛ̀n nɔn, è bɩ́ v'edomɛ̀n è die, ke dú kɛ è dú Ɔwɔ Ẅì, ô è dú ɛgbàn-hán-tɛ̀ wú ɛ̀ kàkɛ!”

Matie 27:63

kɩ kɛ dɔ́ nɛ̀n le: “Bràsu, ke bru bɔ̀ le, ɛyɔ̀n-wrɔn ndɔ lɔ, ɛnvra léyi nɛ̀n dú ɔkɔrɛ-bɔ̀ mɛ̀n nɔn, nɛ́n dɔ̀ le: ‘Ɛbi-anhɔ̀n, me le dú owú-bɔ̀ mɛ̀n, mɛ̀n vru mɛ̀n vá ɔkɔrɛ-bɔ̀ mɛ̀n.’

Markɛ̀n 14:58

“Bɔ̀ yá nɛ̀n ɔmùan nɛ dɔ̀ le: ‘Me le gbé ɔwɔ-cice-wɔn léyi anwrɔnẅì nkù nɔn, kɩ ɛbi-anhɔ̀n granmɛ̀n me le ku ɛnyàntɛn léyi ke sɩ̀ dú ɔwrɔnẅì kɔrɛ̀-ci nɔn.’ ”

Markɛ̀n 15:29

Anwrɔn hɔ̀n léyi ke ci nanvrɛn nɔn, kɛ cáka ɛnkru kɩ kɛ wɔra nɛ̀n; yɔ dɔ̀ nɛ̀n le: “Vɛ́n léyi e ji è gbe Ɔwɔ-cice-wɔn lɔ, ô è ku ɛnyàntɛn ɛbi-anhɔ̀n granmɛ̀n nɔn,

Markɛ̀n 8:31

Zhezü vru ke yé n'ɛsɛ̀nkɛn-bɔ̀ ankà, kɩ kɛ dɔ̀ le: “Ke ji le Ɔwrɔnẅì ẅì kɛ kán ɛgbàn bobrebe; ɛcüìcüì-bɔ̀, ecice-bɔ̀-wrɔn-cüìcüì mán ɛnyànmàn-gbànvri-ankà-yé-bɔ̀ tamɛ̀n; yɔ lɛ wrɔ́ nɛ̀n ze; yɔ le wri nɛ̀n, kɩ ɛbi anhɔ̀n mɛ̀n bì lɔ ne le dú owúemɛ̀n nɛ̀n frɔ́.”

Zhan 11:25

Zhezü kɛ dɔ́ nɛ̀n le: “Mɛ̀n dú owúemɛ̀n-dù-frɔ mán ɛwúvà-kɔrɛ̀. Ɔwrɔn léyi ke bú m'ankà kɛ tán ankaẅì nɔn, ne le dú ɔkɔrɛ-bɔ̀ mɛ̀n ke dú kɛ ne wù mán;

Zhan 5:19

Zhezü vru bɩ́ ankà-dɔ̀ kɩ kɛ dɔ́ yɔ le: “Hɛ̀ɛ̀ mɛ dɔ́ nyɛ̀n le: Ɛnẅì lɔ ke sɩ́ hán eci zriɛmɛ́n nɛ́n dùku n'ɛkɔrɛ̀levriemɛ̀n; nɛ hán eci léyi nɛ kán nɛ́n zi kɛ hán nɔn. Eci lɔ fɛn léyi Ɛnẅì-nɛ́n-zi kɛ hán nɔn, Ɛnẅì mán kɛ hán eci zri lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 2:24

Tɛ́n Ɔwɔ frɔ́ nɛ̀n, mrɛ́n nɛ̀n sɔhɔ́ owù gbànkan mɛ̀n, ɔmuhi ke sɩ̀ wá tán le owù kɛ̀ ẅɛn nɛ̀n kɛ̀ hɛ́n n'ɛkɔrɛ̀srɔn lɔ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:32

Zhezü ndɔ léyi mɛ dɔ́ n'ankà nɔn, Ɔwɔ frɔ́ nɛ̀n kɩ bɔ́ lɔ fɛn bɔ́ dú nɛ́n dalɛfuɛ-di-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 3:15

Ɔmu lɔ de nyɛ́n hán ɛwúvà nɛ́n zi nwù nɔn. Tɛ́n Ɔwɔ bɩ́ nɛ̀n sɩ́ ɔkɔrɛ-bɔ̀ mɛ̀n, kɩ bɔ́ dú nɛ́n dalɛfuɛ-di-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 3:26

Zɛtɛn, ɔmu lɔ de, Ɔwɔ hán n'eci-bɩ̀tan-wrɔn gɔ́ srɔ nyɛ̀n ɛmɛ̀n, nɛ̀n hán yi và, ô kè fú nyɛ̀n ɛnshi, kɛ̀ mrɛ́n Ɔwrɔn wrɔn n'eci-gbàngbàn-hán tɛ̀sɛ̀n kɛ̀ sɔhɔ́.”

Ɔkɔ̀hɔ̀n-wá-bɔ̀ kɔ̀hɔ̀n hán 6:14

Bɔ̀ yá nɛ̀n ɔmùan nɛ́n dɔ̀ le, Nazàrɛtɛ̀n-wrɔn Zhezü ndɔ lɔ, ke le gbe Ɔwɔ-cice-wɔn lɔ kɩ nɛ lɛ crɔn anwrɔnẅiemɛ̀n nyanmàn léyi Mohizì tán bɔ̀ nɔn.”

Rɔmɛ̀n-anmàn-bɔ̀ 4:24

Ye merɛ́n, dú bɔ́ mán bɔ́ tɛn, bɔ́ léyi yɛ lɛ srɔ bɔ̀ ɛnyrɔnnan-bɔ̀, kɩ bɔ́ bú Ɔwɔ léyi bɩ́ Zhezü bɔ́ Ɛẅɛnwrɔn sɩ́ ɔkɔrɛ-bɔ̀ mɛ̀n nɔn, n'ankà bɔ̀ tán ankaẅì.

Rɔmɛ̀n-anmàn-bɔ̀ 6:4

Zɛtɛn ɛnshikru-wá mɛ̀n de yɛ wá bɔ̀ ezhe nànmàn mɛ̀n, nɛ́n mán bɔ́ mɛhi, ô bɔ́ bru n'owù lɔ mɛ̀n, ô ɔmu zri léyi Ɔwɔ zi ci-zrɔ kɔrɛ̀-srɔ̀n lɔ mɛ̀n, Krisì dú owú-bɔ̀ mɛ̀n vá ɔkɔrɛ-bɔ̀ mɛ̀n nɔn, bɔ́ mán bɔ́ dú ɛwúvà wrù mɛ̀n.

Rɔmɛ̀n-anmàn-bɔ̀ 8:11

Ke dú kɛ Ɔwrɔn léyi bɩ́ Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, n'Ɛnhɛ́n lɔ dú nyɛ̀n ɛmɛ̀n hô, zɛtɛn Ɔwɔ léyi bɩ́ Krisì owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, kɛ lɛ tán ny'owú-dùwrú hɔ̀n lɔ ɛwúvà-kɔrɛ̀ n'Ɛnhɛ́n léyi dú nyɛ̀n ɛmɛ̀n nɔn n'ebɩmɛ̀n.

1 Korɛntɛ̀n anmàn-bɔ̀ 15:12

Bɔ́ dɔ̀ le Krisì dú owú-bɔ̀ mɛ̀n vru và: anwɔntan de zɛtɛn ny'ɛmɛ̀n lɔ anwrɔn janbɔ̀ kɛ lɛ dɔ̀ le owú-bɔ̀ ke sɩ̀ vru vá ɔkɔrɛ-bɔ̀ mɛ̀n nɛ́n?

Kɔlɔsèn anmàn-bɔ̀ 2:12

Annanwɔrɛ mɛ̀n lɔ, ɛnvra léyi yɛ wá nyɛ̀n ɛnshi ɛnkru, nyɛ́n mán Krisì mɛhi yɛ wá nyɛ̀n ezhe-nànmàn mɛ̀n, kɩ nyɛ́n mán nɛ́n mɛhi nyɛ́n dú owúemɛ̀n nyɛ́n frɔ́, ɔmuhi nyɛ́n bú Ɔwɔ kɔrɛ̀-srɔn léyi bɩ́ nɛ̀n sɩ́ ɔkɔrɛ-bɔ̀ mɛ̀n nɔn ankà nyɛ́n tán ankaẅì nɔn.

1 Piɛrɛ̀n 3:18

Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.