Zhan 2:16 - Ɛmɛẅi ankà ankrànkràn 2003

¹⁶ kɩ nɛ dɔ́ brɛndre-hɛ́-bɔ̀ le: “Nyɛ́n bɩ́ ndɔ lɔ fɛn nyɛ́n sɔhɔ́ ɛnu lɔ! Nyɛ́n bɩ́ bɩ́ Dade wɔn lɔ, nyɛ́n srɔ anhàn-zhrɛ-wɔn!”

Zhan 2:16 Iomraidhean Croise

Matie 21:12

Zhezü bru Ɔwɔ-cice-wɔn lɔ mɛ̀n kɩ kɛ wrɔ́ anwrɔn hɔ̀n léyi kɛ hɛ́ ɛci mán ndɔ hɔ̀n léyi kɛ wɔ́ ɛci nanvrɛn lɔ nɔn; nɛ taka ɔkùa-crɔn-bɔ̀ tɛbrɛ̀ mán brɛndre-hɛ́-bɔ̀ kpata cüe.

Matie 21:13

Zɛtɛn nɛ dɔ́ yɔ le: “Ɛwrú Prɔnprɔn hɔ̀n kɛ dɔ̀ le: ‘Ye le bi m'ɔwɔn lɔ, Ɔwɔ-sɛ́n-wɔn.’ Tɛ́n nyɛ́n bɩ́ nɛ̀n nyɛ́n srɔ ɛci-yerɛ-bɔ̀ kpò nànmàn!”

Matie 22:5

Tɛ́n anwrɔn hɔ̀n léyi ye bi ɛci nɔn, kè sɩ̀ bɔ̀ ɛshi, kɩ hɔ́n y'ɛci-hán-yri: ɔtɔ̀n hɔ́n n'ankɛ̀tɛmɛ̀n, ndɔ lɔ hɔ́n n'anhàn-zhrɛ́-yri;

Markɛ̀n 11:17

Zɛtɛn nɛ̀n yé yɔ ankà kɩ nɛ̀n dɔ́ yɔ le: “Ɛwrú Prɔnprɔn hɔ̀n kɛ dɔ̀ le: ‘M'ɔwɔn lɔ ye le bi nɛ̀n fɛcüè hɔ̀n lɔ fɛn wɔ-sɛ́n-wɔn.’ Tɛ́n nyɛ tɛ́n, nyɛ́n bɩ́ nɛ̀n, nyɛ́n srɔ ɛci-yerɛ-bɔ̀ kpò nànmàn!”

Lükɛ̀n 2:49

Nɛ dɔ́ yɔ le: “Cɛci kruhú kɛ nye ji mɛ̀n hàn? Nyɛ́n sì nyrìɛn ɔmu le, ke ji le mɛ̀n dú Dade wɔn lɔ mɛ̀n hàn?”

Zhan 10:29

Eci léyi Dade tán mɛ̀n nɔn, sevri vrán eci lɔ fɛn kɩ ɔwrɔn zriɛmɛ́n ke sɩ̀ bɩ́ eci zriɛmɛ́n Dade tamɛ̀n kɛ sɔhɔ́ rɔ́.

Zhan 2:15

Zɛtɛn Zhezü bɩ́ anhɛ́ hán ngbele wrɔ́ yɔ lɔ fɛn Ɔwɔ-cice-wɔn lɔ mɛ̀n cüe ɛntrɛa, yɔ mán yɔ kɔ̀kɔ̀sɛ̀ hɔ̀n, mán yɔ ɛnnanmán hɔ̀n; nɛ̀n taká ɔkùa-crɔn-bɔ̀ tɛbrɛ̀ mán y'ɔkùa nɛ̀n cüe;

Zhan 20:17

Zhezü kɛ dɔ́ nɛ̀n le: “E bɩ ẅɛn mɛ̀n ɛ hɛ́n hàn, ɔmuhi mɛ vá hɔ́n Dade yri nɔn. Tɛ́n ɛ̀ hɔ̀n dɔ́ nmàn ẅì hɔ̀n le mɛ hɔ́n Dade yri, nɛ́n léyi nɛ̀n dú nyɛ́n zi mán nɔn, mɛ hɔ́n Ɔwɔ yri nɛ́n léyi nɛ̀n dú ny'Ɔwɔ mán nɔn.”

Zhan 5:17

Tɛ́n Zhezü mrɛ́n yɔ ɔmùan le: “Dade Ɔwɔ kɛ hán ɔkɔhɔ̀n ɛnvra lɔ fɛn kɩ mɛ̀n mán mɛ̀n dú ɔkɔhɔ̀n hán mɛ̀n.”

Zhan 8:49

Zhezü mrɛ́n ɔmùan le: “Ɛnhɛ́n gbàngbàn bada mɛ̀n edomɛ̀n, tɛ́n mɛ wá Dade kɩ nyɛ tɛn, nyɛ́n sɩ́ ji nyɛ́n wá mɛ̀n.

Kpàkpà timote 6:5

mán ecüìwrɔn léyi kè sɩ̀ ẅɛ̀n ɛnkrutrɔ hɩ dú anwrɔn hɔ̀n léyi ẅɛn ɛyɔ̀n hɛ́n dú angranmɛ̀n, kɩ ankaẅì annànwɔrɛ ankà zrɛ́n yɔ ɛnkruemɛ̀n nɔn. Yɔ tro le, Ɔwɔ mɛ̀n ankaẅì-bùtan ẅɛ̀n lɔ, dú eci léyi kɛ tán ɛnnɛncüì-dì nɔn.

2 Piɛrɛ̀n 2:3

Ɔkua cüɛ̀n kruhú ɛyɔ̀n ankà-yé-bɔ̀ ndɔ hɔ̀n lɔ kɛ lɛ frɛ́n nyɛ̀n y'ɛyɔ̀n ankà dɔ́ mɛ̀n. Tɛ́n ɛnvra sheshe mɛ̀n de yɔ nwù-bɔ̀ krɔn kpehɛ́n hɛ́n, kɩ y'ɛjrɛ́ mán ke sɩ̀ mɔ̀ɛn!