Zhan 2:11 - Ɛmɛẅi ankà ankrànkràn 2003

¹¹ Nyàn ɔmu lɔ de Zhezü hán nɛ́n kpàkpà anvɛmɛ̀n-frɛ́n-ci, Kana anmàn, Galile kpɔsɔ wú; nɛ̀n yé n'ecizrɔ, kɩ n'ɛsɛnkɛn-bɔ̀ bú n'ankà lɔ tán ankaẅì.

Zhan 2:11 Iomraidhean Croise

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Zhan 1:17

Ɔwɔ tán bɔ̀ ɛnyanmàn Mohizì tamɛ̀n; tɛ́n nboafɔ̀n mán annanwɔrɛ dú Zhezü yri vá.

Zhan 1:43

Ɛcɛ̀n cüe, Zhezü wá kɛ̀ hɔ́n Galile kpɔsɔ wú. Nɛ̀n srɔ́n Filipɛ̀n ɛsù kɩ nɛ dɔ́ yi le: “Kɛ́n mɛ̀n ɛsɛ̀n!”

Zhan 1:50

Zhezü mrɛ́n nɛ̀n ɔmùan le: “E bútan ankaẅì, ɔmuhi mɛ̀n dɔ́ mɛ́n le, mɛ̀n kán mɛ́n ɛẅì-shi-tɛ̀ tɔ̀n krugbɛ̀n nɛ́n? Ɛ lɛ kán ɛci ɛvrivri hɔ̀n ankrànkràn kɛ lɛ vrán ndɔ léyi ɛ kàn nɔn!”

Zhan 10:41

Anwrɔn bobrebe ji nɛ̀n nvà. Yɔ dɔ̀ le: “Zhan ke sɩ́ hán anvɛmɛ̀n-frɛ́n-ci zriɛmɛ́n, tɛ́n ankà lɔ fɛn léyi nɛ dɔ́ ɔwrɔn ndɔ lɔ wú nɔn, dú annanwɔrɛ.”

Zhan 11:15

Pɔpüɛ̀ kɛ brá mɛ̀n nyɛ kruhú, ɔmuhi mɛ̀n sɩ̀ dù nanvrɛn, kɩ ɔmu lɔ de nyɛ́n le bí m'ankà nyɛ́n tán ankaẅì nɔn. Tɛ́n, bɔ̀ hɔ́n nɛ̀n ɛtɛsɛ̀n.”

Zhan 11:47

Ɔwɔ-nyanmàn-sùva-wá-bɔ̀ mán Ɔwɔ-cice-bɔ̀ cüìcüì bɔrɛ ankà-dɔ̀-trɔ-bɔ̀ ɛkru kɩ kɛ dɔ̀ le: “Ecitan de bɔ́ lɛ hán nɛ́n? Ɔmuhi ɔwrɔn ndɔ lɔ kɛ hán anvɛmɛ̀n-frɛ́n-ci bobrebe nɔn!

Zhan 12:18

Hɩ le kruhú de fɛcüè hɔ́n nɛ̀n ɛsù: anwrɔn yá le nɛ̀n hán anvɛmɛ̀n-frɛ́n-ci ndɔ lɔ.

Zhan 12:37

Anvɛmɛ̀n-frɛ́n-ci bobrebe hɔ̀n léyi Zhezü hán y'ezìwú nɔn, ɔmu tɛ̀kɩ yɔ sɩ́ bú n'ankà yɔ tán ankaẅì.

Zhan 12:41

Ezahi dɔ́ ankà ndɔ lɔ, ɔmuhi nɛ́n gɔ̀ kán Zhezü ci-zrɔ lɔ, kɩ nɛ̀n dɔ́ yi ànkà.

Zhan 14:13

Kɩ mɛ lɛ hán ɛci hɔ̀n lɔ fɛn léyi nyɛ lɛ sán m'ebɩmɛ̀n nɔn, ô Ɛnẅì kè yé nɛ́n Zi ci-zrɔ lɔ.

Zhan 16:27

ɔmuhi Dade dùku mán kɛ cüɛn nyɛ̀n nɔn. Nɛ cüɛn nyɛ̀n ɔmuhi nyɛ cüɛn mɛ̀n kɩ nye bútan le mɛ̀n dú Ɔwɔ yri mɛ́n và nɔn.

Zhan 16:30

Zɛtɛ̀ lɔ bɔ́ nyri ɔmu le, è nyri eci lɔ fɛn, kɩ e sɩ́ ji le, ye yrɛ mɛ́n ankà. Hɩ le kruhú de bɔ́ bútan le è dú Ɔwɔ yri ɛ̀ và nɔn.”

Zhan 2:1

Ɛbi anhyrɛ̀ vacì, kɩ Kana anmàn lɔ, Galile kpɔsɔ wú, eyri-bɔ̀ anhyrɛ̀ kɛ wá ɔmùan. Zhezü nɛ́n muan mán dú nanvrɛn,

Zhan 2:23

Ɛnvra léyi Zhezü dú Zherüzalɛmɛ̀n anmàn nɔn, abutùkumɛ́n-kɔ́ nyanmán-bì vra lɔ, anwrɔn bobrebe bú n'ankà tán ankaẅì, ɔmuhi yɔ kán anvɛmɛ̀n-frɛ́n-ci léyi nɛ hán nɔn.

Zhan 3:2

Nɛ́n và cɔ́ Zhezü ɛnnyran tɔ̀n mɛ̀n kɩ nɛ dɔ́ yi le: “Ankà-yé-wrɔn, bɔ́ nyrí ɔmu le, Ɔwɔ de wá mɛ́n ɔkɔhɔ̀n ɛ̀ và yé bɔ̀ ankà nɔn; ɔmuhi ɔwrɔn zriɛmɛ́n ke sɩ̀ hán anvɛmɛ̀n-frɛ́n-ci kɛ̀ hán ɔmu le ɛ hán nɔn, ke dú kɛ Ɔwɔ mɛhi yɔ sɩ̀ dùɛ.”

Zhan 4:46

Nɛ̀n vru ɛmɛẅi nɛ̀n vá Kana anmàn, Galile kpɔsɔ wú, ɛyri léyi nɛ̀n bɩ́ ɛnshi nɛ̀n crɔn ɛntàn nɔn. Nanvrɛn lɔ govran kɔhɔ̀n-hán-wrɔn cüìcüì tɔ̀n, ẅɛn n'ɛnẅì tɔ̀n ɛncɔnwrɔn-ẅì, ɛnlɔẅiɛ kɛ dà dú Kapɛrnahümɛ̀n.

Zhan 4:54

Ndɔ lɔ dú anvɛmɛ̀n-frɛ́n-ci léyi Zhezü hán anhyrɛmɛ̀n, ɛnvra léyi nɛ̀n dú Zhüde kpɔsɔ wú nɛ̀n vá Galile kpɔsɔ wú nɔn.

Zhan 5:23

ô anwrɔn lɔ fɛn kɛ ẅɛn Ɛnẅì wá kɛ hán ɔmu le yɛ wá Ɛnẅì-nɛ́n-zi nɔn hɔ́. Ɔwrɔn léyi ke sɩ́ wá Ɛnẅì lɔ nɔn, nɛ́n sɩ́ wá Ɛnẅì-nɛ́n-zi léyi wá Ɛnẅì ɔkɔ̀hɔ̀n nɔn.”

Zhan 6:14

Anwrɔn hɔ̀n léyi kán anvɛmɛ̀n-frɛ́n-ci léyi Zhezü hán nɔn, kɛ dɔ̀ le: “Ɔwrɔn ndɔ lɔ, nɛ̀n dú Ɔwɔ-mùanwú-ankà-dɔ́-wrɔn annanwɔrɛ léyi, ke ji le kɛ̀ vá ɛnhibù wú nɔn!”

Zhan 6:2

Fɛcüè vri tɔ̀n kɛ kɛ́n nɛ̀n ɛsɛ̀n, ɔmuhi anwrɔn kɛ kán anvɛmɛ̀n-frɛ́n-ci léyi nɛ hán kɩ ɛnlɔẅiɛ-bɔ̀ kɛ kɔrɛ̀ nɔn.

Zhan 6:26

Zhezü mrɛ́n yɔ ɔmùan le: “Mɛ dɔ́ nyɛ̀n annanwɔrɛmɛ̀n le: nye ji mɛ̀n ɔmuhi nyɛ́n cɔ́ abutùkumɛ́n nyɛ́n rá fɔ́n nyɛ̀n, kɩ kè sɩ̀ dù anvɛmɛ̀n-frɛ́n-ci hɔ̀n léyi mɛ hán nɔn, hɩ mɛ̀n de nyɛ́n cɔ̀ nyɛ́n nyrì nɔn kruhú.

Zhan 6:30

Yɔ dɔ́ nɛ̀n le: “Anvɛmɛ̀n-frɛ́n-ci tán de ɛ lɛ hán ɛ̀ tán bɔ̀, bɔ̀ kàn, ô bɔ̀ bú v'ankà bɔ̀ tán ankaẅì nɛ́n? Ɔkɔhɔ̀n tán de ɛ lɛ hán nɛ́n?

Zhan 7:31

Ɔmu tɛ̀kɩ, fɛcüè lɔ mɛ̀n, anwrɔn bobrebe bú n'ankà tán ankaẅì. Yɔ dɔ̀ le: “Ɛnvra léyi Ebɩ̀die-wrɔn lɔ kɛ lɛ và nɔn, nɛ lɛ hán anvɛmɛ̀n-frɛ́n-ci kɛ lɛ vrán ɔwrɔn ndɔ lɔa?”

Zhan 9:16

Ɔwɔ-nyanmàn-sùva-wá-bɔ̀ jan kɛ dɔ̀ le: “Ɔwrɔn léyi hán eci ndɔ lɔ nɔn, nɛ̀n sɩ̀ dù Ɔwɔ yri nɛ̀n và, ɔmuhi nɛ́n sɩ́ wá ɛnyanmán-bì nyanmàn lɔ nɔn.” Tɛ́n ndɔ hɔ̀n kɛ dɔ̀ le: “Anwɔntan de ɔwrɔn kɛ lɛ hán anvɛmɛ̀n-frɛ́n-ci ndɔ hɔ̀n lɔ, ke dú kɛ nɛ̀n dú ɛgbàn-hán-wrɔn nɛ́n?” Kɩ ɛsɔ̀n-vɔyan bru yɔ ɛmɛ̀n.

2 Korɛntɛ̀n anmàn-bɔ̀ 3:18

Bɔ́ lɛ fɛn ezì woro, bɔ́ yé Ɛẅɛnwrɔn ci-zrɔ lɔ; ɔmu lɔ, yɛ crɔn bɔ̀, ô bɔ̀ cá Ɛẅɛnwrɔn, kɩ bɔ́ dú eci-zrɔ tɔ̀n mɛ̀n, kɩ bó vru bó ci eci-zrɔ vri tɔ̀n mɛ̀n. Annanwɔrɛ mɛ̀n lɔ, nyàn eci léyi Ɛẅɛnwrɔn kɛ hán, nɛ́n léyi nɛ̀n dú Ɛnhɛ́n nɔn.

2 Korɛntɛ̀n anmàn-bɔ̀ 4:17

Obòtò léyi bɔ́ cɔ́ ɛnvra ndɔ lɔ mɛ̀n nɔn, wole vrán eci-zrɔ bobrebe léyi ke sɩ́ trɔa, ɔmuhi nɛ̀n ẅɛn vɔ̀nshɛ́ vri, kɩ nɛ sán hán bɔ̀ nɔn.

2 Korɛntɛ̀n anmàn-bɔ̀ 4:6

Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.

1 Zhan 5:13

Me merɛ́n nyɛ̀n owrú ndɔ lɔ, ô nyɛ́n nyri ɔmu le, nyɛ́n ẅɛn ɛwúvà léyi ke sɩ́ trɔa nɔn, nyɛ́n léyi nyɛ́n ẅɛn ankaẅìbùtan Ɔwɔ Ẅì bɩmɛ̀n nɔn.