Zhan 2:10 - Ɛmɛẅi ankà ankrànkràn 2003

¹⁰ kɩ kɛ dɔ́ nɛ̀n le: “Anwrɔn lɔ fɛn, eyri-koran lɔ fɛn mɛ̀n, yɛ gɔ́ tán yɔ ɛntàn ankrànkràn ye mì, zɛtɛn, ɛnvra léyi anwrɔn ke mi ɛntàn kɛ fɔ́n yɔ nɔn, ye sɩ́ ɛntàn léyi ecüì bàda ɛmɛ̀n nɔn ɛntrɛ. Vɛ tɛn, è bɩ́ ɛntàn anvrɛnvrɛn lɔ ɛ̀ hɛ́n, hàn mán cɔ́ zɛtɛ̀ lɔ!”

Zhan 2:10 Iomraidhean Croise

Matie 24:49

kɩ ne le bukru nɛ̀n kɔ́n ɛci-bɩtan-bɔ̀ nyàntɛn hɔ̀n léyi yɛ wá nɛ̀n antamɛ̀n nɔn ejì, ne le zî ɛci kɩ ne le mi ɛntàn, nɛ́n mán ɛntàn-kɔ́n-bɔ̀ mɛhi.

Lükɛ̀n 12:45

Tɛ́n, ke dú kɛ eci-bɩ̀tan-wrɔn ndɔ lɔ kɛ dɔ́ n'edomɛ̀n le: ‘M'Ankà-yé-wrɔn kɛ mɔ̀ɛn ke sɩ́ vá’, kɩ ke gorɛ ɛci-bɩ̀tan-bɔ̀ wúcɔ̀ mán wúyɔ̀, ne zî ɛci, ne mi shi, kɩ nɛ kɔ́n ɛntàn,

Lükɛ̀n 16:25

Tɛ́n Abrahamɛ̀n kɛ dɔ̀ le: ‘M'ɛnẅì kè bru mɛ́n le, ɛ̀ cɔ́ ɛci bobrebe ɛnvra léyi è dú ɛnu ɛnhi, tɛ́n Lazarɛ̀n dú ɛgbàn-kàn brobebe mɛ̀n. Zɛtɛ̀ lɔ, ɛnu lɔ nɛ cɔ́ n'ɛnbɔrɛ-bi-wá, vɛ tɛn è dú ɛgbàn-kán mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 2:15

Anwrɔn ndɔ hɔ̀n lɔ, ɛntàn ke sɩ́ kɔ́n yɔ, hán ɔmu le nye tro nɔn hɔ́, ɔmuhi yakɛ cɔ́ ɛsɔ̀wrɔ̀ wacɛ̀n ɔmɔrɔ̀ nɔn.

1 Korɛntɛ̀n anmàn-bɔ̀ 11:21

annanwɔrɛ mɛ̀n lɔ, ɛnvra léyi nyɛ yɛ́ tɛbrɛ̀ wú nɔn, ɔwrɔnwrɔn ke cüi-edù ke zî nɛ́n dùku n'ɛci, kɛ hán tán kɩ anwrɔn ndɔ hɔ̀n ɔmùanwù kɛ ẅɛ̀n, tɛ́n ndɔ hɔ̀n kɛ kɔ́n ɛntàn.

Efɛzɛ̀n anmàn-bɔ̀ 5:18

Nyɛ́n bɩ́ kɔ́n ɛntàn: ɛntàn-kɔ̀n kɛ lɛ jrɛ́ ny'ɛwúvà lɔ; tɛ́n Ɛnhɛ́n Prɔnprɔn kè yɩ́ nyɛ̀n ɛmɛ̀n.

1 Tesalonikɛ̀n anmàn-bɔ̀ 5:7

Ndà-dá-bɔ̀ lɔ, ɛnnyran de yɔ di ndà, kɩ ɛntàn-mi-bɔ̀ lɔ, ɛnnyran de yɔ kɔ́n ɛntàn nɔn.

Ɔwɔ-mɛ̀n-yrikàn 17:2

Ɛnhi wú nɛ̀ncüì hɔ̀n dú ɛwúvà gbàngbàn ẅɛn mɛ̀n, nɛ́n mán yɔ mɛhi kɩ ɛnhi-wú-anmàn-bɔ̀ dú n'ɛwúvà gbàngbàn ẅɛ̀n tàn kɔ́n mɛ̀n.”

Ɔwɔ-mɛ̀n-yrikàn 17:6

Mɛ̀n nyri ɔmu le ɛnnyɔnwrɔn ndɔ lɔ Ɔwɔ-fɛcüè mán anwrɔn hɔ̀n léyi ye wri y'ɔmùan-zri-dì Zhezü kruhú nɔn, yɔ krɛ̀ tàn kɛ kɔ́n nɛ̀n. Ɛnvra léyi mɛ̀n kán nɛ̀n nɔn, mɛ̀n dú anvɛmɛ̀n-frɛ́n vriemɛ̀n.