Zhan 19:6 - Ɛmɛẅi ankà ankrànkràn 2003

⁶ Tɛ́n ɛnvra léyi Ɔwɔ-cice-bɔ̀ cüìcüì hɔ̀n mán ɛyri-nan-bɔ̀ kán nɛ̀n nɔn, yɔ di bobo yɔ dɔ̀ le: “Gɔ́n nɛ̀n brɛ́ ɛgbàn-hán-tɛ̀ tɔ̀n domɛ̀n! Gɔ́n nɛ̀n brɛ́ ɛgbàn-hán-tɛ̀ tɔ̀n domɛ̀n!” Pilatɛ̀n ke dɔ́ yɔ le: “Nyɛ́n bɩ́ nɛ̀n, ô nyɛ́n mumù nyɛ́n gɔ́n nɛ̀n brɛ́ ɛgbàn-hán-tɛ̀ tɔ̀n domɛ̀n, ɔmuhi, mɛ tɛn mɛ́n sɩ́ cɔ́ nwùbɔ́ ankà zriɛmɛ́n n'ɛwú nɔn.”

Zhan 19:6 Iomraidhean Croise

Matie 26:58

Piɛrɛ̀n kɛ kɛ́n Zhezü ɛsɛ̀n esù-she, hàn kɩ cɔ́ Ɔwɔ-cice-wrɔn cüìcüì bɩ́ vri lɔ mɛ̀n. Nɛ̀n bru ebɩ́ vriemɛ̀n kɩ nɛ̀n yɛ́ gɔliɛ-bɔ̀ lɔ ɛtɛ̀sɛ̀n ô nɛ̀n kán ankà lɔ n'ɔtrɔmɛ̀n.

Matie 27:22

Pilatɛ̀n ke yrɛ yɔ le: “Ecitan de mɛ lɛ hán Zhezü léyi ye bi Krisì nɛ́n?” Yɔ lɔ fɛn yɔ mrɛ́n ɔmùan le: “Gɔ́n nɛ̀n brɛ́ ɛgbàn-hán-tɛ̀ tɔ̀n domɛ̀n!”

Matie 27:24

Ɛnvra léyi Pilatɛ̀n kán ɔmu le nɛ́n sɩ̀ hán eci zriɛmɛ́n rɔ́ nɔn, tɛ́n bobo-dì lɔ kɛ sán kɛ́n ɛwú, nɛ̀n bɩ́ ɛnshi nɛ̀n juru ankɔ̀rɛ̀ fɛcüè zìwú kɩ nɛ dɔ̀ le: “Ɔwrɔn ndɔ lɔ mɛ̀n sɩ̀ dù n'owú-ankà lɔ mɛ̀n! Ny'ankà dú hɩ lɔ!”

Lükɛ̀n 23:4

Zɛtɛn Pilatɛ̀n kɛ dɔ́ Ɔwɔ-cice-bɔ̀ cüìcüì hɔ̀n mán fɛcüè le: “Mɛ́n sɩ́ cɔ́ ɛgbàn-hán-ankà zriɛmɛ́n ɔwrɔn ndɔ lɔ edomɛ̀n.”

Zhan 18:3

Zhüda hɔ́n ɛkɛ̀tɛ̀ cɛ lɔ mɛ̀n, nɛ̀n sɩ́ gɔliɛ-bɔ̀ fɛcüè mán anwrɔn hɔ̀n léyi Ɔwɔ-cice-bɔ̀ cüìcüì mán Ɔwɔ-nyanmàn-sùva-wá-bɔ̀ tán nɛ̀n nɔn; anhà-kɔ́n ci, kɛniɛn mán ɛnhyà-lakà dú yɔ antamɛ̀n.

Zhan 18:31

Pilatɛ̀n kɛ dɔ́ yɔ le: “Nyɛ́n dùku nyɛ́n bɩ́ nɛ̀n, ô nyɛ́n ci nɛ̀n ɛmrɛ̀n ny'ɛnyanmàn lɔ wú.” Yɔ mrɛ́n ɔmùan le: “Bɔ̀ sì ẅɛ̀n ɛkɔrɛ̀-levri hɩ b'á dí ɔwrɔn owúemɛ̀n nɔn.”

Zhan 18:38

Pilatɛ̀n ke yrɛ nɛ̀n le: “Cɛci dú ankà annanwɔrɛ hà?” Ɛnvra léyi Pilatɛ̀n dɔ́ ankà ndɔ hɔ̀n lɔ trɔ nɔn, nɛ̀n vru nɛ̀n srɔ ɛntrɛ nɛ̀n hɔ́n Zhüifɛ̀n-bɔ̀ zìwú. Nɛ dɔ́ yɔ le: “Mɛ́n sɩ́ cɔ́ nwùbɔ́ ankà zriɛmɛ́n ɔwrɔn ndɔ lɔ wú.

Zhan 19:15

Tɛ́n yɔ bukru yɔ di bobo le: “Ye wri nɛ̀n, ye wri nɛ̀n! Gɔ́n nɛ̀n brɛ́ ɛgbàn-hán-tɛ̀ tɔ̀n dòmɛ̀n!” Pilatɛ̀n kɛ dɔ́ yɔ le: “Ke ji le mɛ̀n gɔ́n ny'ɛnnɛ̀ncüì lɔ mɛ̀n brɛ́ ɛgbàn-hán-tɛ̀ tɔ̀n dòmɛ̀n hàn?” Ɔwɔ-cice-bɔ̀ cüìcüì hɔ̀n mrɛ́n ɔmùan le: “Bɔ́ ɛnnɛ̀ncüì zri lɔ de dú Sezarɛ̀n nɔn.”

Zhan 19:4

Pilatɛ̀n vru srɔ ɛntrɛ kɩ kɛ dɔ́ fɛcüè le: “Nyɛ́n die nukùɛ, me le sɩ́ nɛ̀n ɛnu ɛntrɛ, ô nyɛ́n nyrì le mɛ́n sɩ́ cɔ́ nwùbɔ́ ankà zriɛmɛ́n ɔwrɔn ndɔ lɔ wú.”

Ɔkɔ̀hɔ̀n-wá-bɔ̀ kɔ̀hɔ̀n hán 2:23

Ɔwrɔn ndɔ lɔ ye bɩ́ nɛ̀n yɛ tán nyɛ̀n hán ɔmu le Ɔwɔ wá tán n'ankɔnda ci-hán lɔ mɛ̀n hɩ gɔ́ tro hɛ́n nɔn. Nyɛ́n hán anwrɔn hɔ̀n léyi ke sɩ́ di ɔmùan-zri nɔn, gɔ́n nɛ̀n brɛ́ ɛgbàn-han-tɛ̀ tɔ̀n domɛ̀n, nɛ́n wù.

Ɔkɔ̀hɔ̀n-wá-bɔ̀ kɔ̀hɔ̀n hán 7:52

Ɔwɔ-mùanwú-ankà-dɔ́-wrɔn tán de nyɛ́n nancüì hɔ̀n ke sɩ̀ hán ɛgbàn nɛ́n? Yɔ wri anwrɔn hɔ̀n léyi dɔ́ ɛnyrɔnnan-wrɔn zri lɔ n'ɛvá ankà nɔn; kɩ zɛtɛ̀ lɔ, nɛ́n de nyɛ́n hɛ́ nɛ̀n kɩ nyɛ́n wri nɛ̀n nɔn.