Zhan 19:4 - Ɛmɛẅi ankà ankrànkràn 2003

⁴ Pilatɛ̀n vru srɔ ɛntrɛ kɩ kɛ dɔ́ fɛcüè le: “Nyɛ́n die nukùɛ, me le sɩ́ nɛ̀n ɛnu ɛntrɛ, ô nyɛ́n nyrì le mɛ́n sɩ́ cɔ́ nwùbɔ́ ankà zriɛmɛ́n ɔwrɔn ndɔ lɔ wú.”

Zhan 19:4 Iomraidhean Croise

Matie 27:19

Ɛnvra léyi Pilatɛ̀n dú ɛmrɛ̀nci-wɔn mɛ̀n nɔn, nɛ́n hi wá yɔ ɔkɔ̀hɔ̀n yɛ và dɔ́ nɛ̀n ankà le: “E bɩ́ hán ɛnyrɔnnan-wrɔn ndɔ lɔ eci zriɛmɛ́n ɔmuhi, ɛnnyran ndɔ lɔ mɛ̀n, mɛ̀n kán ɛgbàn bobrebe ndà mɛ̀n n'ɛkruhú.”

Matie 27:24

Ɛnvra léyi Pilatɛ̀n kán ɔmu le nɛ́n sɩ̀ hán eci zriɛmɛ́n rɔ́ nɔn, tɛ́n bobo-dì lɔ kɛ sán kɛ́n ɛwú, nɛ̀n bɩ́ ɛnshi nɛ̀n juru ankɔ̀rɛ̀ fɛcüè zìwú kɩ nɛ dɔ̀ le: “Ɔwrɔn ndɔ lɔ mɛ̀n sɩ̀ dù n'owú-ankà lɔ mɛ̀n! Ny'ankà dú hɩ lɔ!”

Matie 27:4

Nɛ dɔ́ yɔ le: “Mɛ̀n hán ɛgbàn, mɛ̀n bɩ́ ɛnyrɔnnan-wrɔn mɛ̀n tán ye di owúemɛ̀n!” Tɛ́n yɔ mrɛ́n nɛ̀n ɔmùan le: “Ecitan kɛ lɛ hán bɔ̀a? V'ankà dú hɩ lɔ!”

Matie 27:54

Rɔmɛ̀n gɔliɛ-wrɔn cüìcüì lɔ mán gɔliɛ-bɔ̀ léyi kɛ nán Zhezü nɔn kán ɛnhi léyi jɔ́kɔ̀ mán ɛci hɔ̀n léyi wɔɛ̀n nɔn; ɛnjansù vri ẅɛn yɔ kɩ yɔ dɔ̀ le: “Annànwɔrɛ mɛ̀n lɔ nɛ̀n dú Ɔwɔ ẅì!”

Lükɛ̀n 23:4

Zɛtɛn Pilatɛ̀n kɛ dɔ́ Ɔwɔ-cice-bɔ̀ cüìcüì hɔ̀n mán fɛcüè le: “Mɛ́n sɩ́ cɔ́ ɛgbàn-hán-ankà zriɛmɛ́n ɔwrɔn ndɔ lɔ edomɛ̀n.”

Lükɛ̀n 23:41

Bɔ́ tɛ́n, ɛgbàn-hán ndɔ lɔ vɛ́n bɔ̀, ɔmuhi bɔ́ eci gbangbàn hɔ̀n léyi bɔ̀ hán nɔn, hɩ gbàn wɔɛ̀n de bɔ́ dì nɔn; nɛ tɛn, nɛ̀n sɩ̀ hàn eci gbangbàn zriɛmɛ́n.”

Lükɛ̀n 23:47

Gɔliɛ-wrɔn léyi nyɔn nɔn, kán eci léyi wɔɛ̀n nɔn, nɛ mrɛ́n Ɔwɔ kɩ nɛ dɔ̀ le: “Annànwɔrɛ mɛ̀n, ɔwrɔn ndɔ lɔ dú ɔwrɔn anvrɛnvrɛn.”

Zhan 18:33

Pilatɛ̀n dú ɛntrɛ bru ɛbemɛ̀n; nɛ̀n bi Zhezü kɩ ne yrɛ yi le: “E dú Zhüifɛ̀n-bɔ̀ nɛncüìɛ?”

Zhan 18:38

Pilatɛ̀n ke yrɛ nɛ̀n le: “Cɛci dú ankà annanwɔrɛ hà?” Ɛnvra léyi Pilatɛ̀n dɔ́ ankà ndɔ hɔ̀n lɔ trɔ nɔn, nɛ̀n vru nɛ̀n srɔ ɛntrɛ nɛ̀n hɔ́n Zhüifɛ̀n-bɔ̀ zìwú. Nɛ dɔ́ yɔ le: “Mɛ́n sɩ́ cɔ́ nwùbɔ́ ankà zriɛmɛ́n ɔwrɔn ndɔ lɔ wú.

Zhan 19:6

Tɛ́n ɛnvra léyi Ɔwɔ-cice-bɔ̀ cüìcüì hɔ̀n mán ɛyri-nan-bɔ̀ kán nɛ̀n nɔn, yɔ di bobo yɔ dɔ̀ le: “Gɔ́n nɛ̀n brɛ́ ɛgbàn-hán-tɛ̀ tɔ̀n domɛ̀n! Gɔ́n nɛ̀n brɛ́ ɛgbàn-hán-tɛ̀ tɔ̀n domɛ̀n!” Pilatɛ̀n ke dɔ́ yɔ le: “Nyɛ́n bɩ́ nɛ̀n, ô nyɛ́n mumù nyɛ́n gɔ́n nɛ̀n brɛ́ ɛgbàn-hán-tɛ̀ tɔ̀n domɛ̀n, ɔmuhi, mɛ tɛn mɛ́n sɩ́ cɔ́ nwùbɔ́ ankà zriɛmɛ́n n'ɛwú nɔn.”

2 Korɛntɛ̀n anmàn-bɔ̀ 5:21

Krisì dú prɔnprɔn mɛ̀n, tɛ́n Ɔwɔ bɩ́ bɔ́ ɛgbàn hɔ̀n lɔ worɔ nɛ̀n, ô n'ɛmɛ̀n lɔ, bɔ̀ cɔ́ ɛwúvà-kɔrɛ̀ léyi Ɔwɔ tán n'ɔkɔ̀hɔ̀n lɔ mɛ̀n nɔn.

Ebre-bɔ̀ 7:26

Zhezü dú Ɔwɔ cice-wrɔn cüìcüì léyi ke ji le bɔ̀ ẅɛ̀n nɔn. Nɛ̀n dú prɔnprɔn, nɛ̀n sɩ̀ dù ɛnbramɛ̀n, ɛgbàn bàdá nɛ̀n edomɛ̀n; yɛ mrɛ́n nɛ̀n ɛgbàn-hán-bɔ̀ mɛ̀n yɛ sɔhɔ́ kɩ ye sɩ́ nɛ̀n anhobɩ́ ɛwúhɛ́n;

1 Piɛrɛ̀n 1:19

de ye bɩ ye srú nyɛ̀n ɛgbàn mɛ̀n nɔn; hɔ̂, Krisì krɛ̀ prɔnprɔn lɔ n'ɛmɛ̀n de ye ce eci dú cá kɔ̀kɔ̀sɛ-ẅì léyi eci-fɔn mán nbrá bàdà edomɛ̀n nɔn.

1 Piɛrɛ̀n 2:22

Nɛ̀n sɩ̀ hán ɛgbàn; ɛyɔ̀n ankà zriɛmɛ́n kè sɩ̀ dú n'ɔmùan lɔ mɛ̀n kɛ̀ srɔa mrìmrì.

1 Piɛrɛ̀n 3:18

Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.

1 Zhan 3:5

Nyɛ́n nyri ndɔ lɔ, ɔmuhi Zhezü Krisì srɔ, ô kè jru ɛgbàn, kɩ ɛgbàn zriɛmɛ́n bàda nɛ̀n edomɛ̀n.