Zhan 19:11 - Ɛmɛẅi ankà ankrànkràn 2003

¹¹ Zhezü mrɛ́n nɛ̀n ɔmùan le: “È sɩ̀ ẅɛ̀n ɛkɔrɛ̀srɔn zriɛmɛ́n m'ɛwú, ke dú kɛ kè sì dù hɩ le Ɔwɔ tán mɛ́n nɔn. Hɩ le kruhú de ɔwrɔn léyi ẅɛn mɛ̀n tán mɛ́n nɔn dú ɛgbàn mɛ̀n vrán vɛ́n.”

Zhan 19:11 Iomraidhean Croise

Matie 26:65

Zɛtɛn Ɔwɔ-cice-wrɔn cüìcüì shá n'ɛceci hɔ̀n lɔ kɩ kɛ dɔ̀ le: “Nɛ̀n wora Ɔwɔ! Bɔ́ sɩ́ vru ji dalɛfuɛ-di-wrɔn zriɛmɛ́n! Nyɛ́n yá, Ɔwɔ wora-ankà léyi nɛ́n dɔ̀ nɛ́n?

Matie 27:2

Yɔ hán yɛ kora nɛ̀n, yɔ bɩ́ nɛ̀n yɔ hɔ́n sɩ́ Pilatɛ̀n léyi dú Rɔmɛ̀n govràn nɔn.

Matie 6:13

E bɩ́ teze bɔ̀ ɔwɔɛ̀nnyan mɛ̀n, tɛ́n ɛ̀ mrɛ́n bɔ̀ ɛgbàn mɛ̀n ɛ̀ sɔhɔ́. [Ɔmuhi ɛyri-ẅɛ̀n, ɛkɔrɛ̀srɔn mán eci-zrɔ, dú vɛ tɛn ɛnvra lɔ fɛn. Ke dú ɔmu lɔ.]’

Markɛ̀n 14:44

Zhüda léyi kɛ lɛ ẅɛn Zhezü kɛ̀ tán yɔ nɔn, dɔ́ yɔ ɔmu le nɛ lɛ hán nɔn, kɩ nɛ dɔ́ yɔ le: “Ɔwrɔn léyi mɛ lɛ wá angbàmɛ̀n nɔn, nɛ́n de nye ji nɛ̀n nɔn. Nyɛ́n ẅɛn nɛ̀n ô nyɛ́n wá nɛ̀n esùva anvrɛnvrɛn.”

Lükɛ̀n 22:53

Ɛnvra lɔ fɛn mɛ̀n mán nyɛ́n mɛhi bɔ́ dú ɛcice-wɔn lɔ mɛ̀n, kɩ nyɛ́n sɩ̀ ji mɛ̀n ɛẅɛn yri. Tɛ́n wacɛ̀n ndɔ lɔ dú nyɛ́n mán ɛyri-yɔwɔ korɛ̀-srɔn tɛ́n.”

Zhan 18:13

Yɔ gɔ́ sɩ́ nɛ̀n Hanɛ̀n nanvrɛn. Hanɛ̀n dú Kahifɛ̀n nɛ́n nɛ́ncrɛ̀ léyi dú Ɔwɔ-cice-wrɔn cüìcƐì ɛnnanwàn ndɔ lɔ mɛ̀n nɔn.

Zhan 18:3

Zhüda hɔ́n ɛkɛ̀tɛ̀ cɛ lɔ mɛ̀n, nɛ̀n sɩ́ gɔliɛ-bɔ̀ fɛcüè mán anwrɔn hɔ̀n léyi Ɔwɔ-cice-bɔ̀ cüìcüì mán Ɔwɔ-nyanmàn-sùva-wá-bɔ̀ tán nɛ̀n nɔn; anhà-kɔ́n ci, kɛniɛn mán ɛnhyà-lakà dú yɔ antamɛ̀n.

Zhan 19:10

Zɛtɛn, Pilatɛ̀n kɛ dɔ́ nɛ̀n le: “E sɩ́ ji ɛ dɔ́ mɛ̀n ankà hà? È sɩ̀ nyrì ɔmu le mɛ̀n ẅɛn ɛkɔrɛ̀srɔn mɛ lɛ teze mɛ́n, kɩ mɛ̀n vru mɛ̀n ẅɛn ɛkɔrɛ̀srɔn mɛ lɛ hán yɔ, yɛ gɔ́n mɛ́n brɛ́ ɛgbàn-hán-tɛ̀ tɔ̀n domɛ̀n hàn?”

Zhan 3:27

Zhan mrɛ́n yɔ ɔmùan le: “Ɔwrɔn zriɛmɛ́n ke sɩ̀ ẅɛn ɛci zriɛmɛ́n rɔ́, ke dú kɛ Ɔwɔ kè sì tán nɛ̀n.

Zhan 7:30

Zɛtɛn Zhüifɛ̀n-bɔ̀ ke ji ɛyri ô kɛ̀ ẅɛ̀n nɛ̀n, kɩ ɔwrɔn zriɛmɛ́n ke sɩ̀ cɔ́ nɛ̀n ɛẅɛn yri, ɔmuhi n'ɛnvra kɛ vá cɔ̀ nɔn.

Zhan 9:41

Zhezü mrɛ́n yɔ ɔmùan le: “Ke dú kɛ nyɛ́n dú anvɛ̀-bɔyɛ-bɔ̀ hô, nyɛ́n sɩ́ dú ɛgbàn mɛ̀n; tɛ́n ɔmuhi nyɛ dɔ̀ le: ‘Bɔ́ kán ɛyri’, nyɛ́n dú ɛgbàn mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 2:23

Ɔwrɔn ndɔ lɔ ye bɩ́ nɛ̀n yɛ tán nyɛ̀n hán ɔmu le Ɔwɔ wá tán n'ankɔnda ci-hán lɔ mɛ̀n hɩ gɔ́ tro hɛ́n nɔn. Nyɛ́n hán anwrɔn hɔ̀n léyi ke sɩ́ di ɔmùan-zri nɔn, gɔ́n nɛ̀n brɛ́ ɛgbàn-han-tɛ̀ tɔ̀n domɛ̀n, nɛ́n wù.

Ɔkɔ̀hɔ̀n-wá-bɔ̀ kɔ̀hɔ̀n hán 3:13

Abrahamɛ̀n, Izaakɛ̀n, Zhakɔbɛ̀n mán bɔ́ nancüì hɔ̀n Wɔ, yé n'eci-bɩtan-wrɔn Zhezü ci-zrɔ lɔ. Nyɛ́n dùku, nyɛ́n bɩ́ nɛ̀n nyɛ́n tán ɛyri-ẅɛn-bɔ̀, kɩ nyɛ́n kɔ́n nɛ̀n nyɛ́n ze Pilatɛ̀n zìwú, tɛ́n Pilatɛ̀n wá kè teze nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 4:28

Ɔmu lɔ de yɔ hán eci lɔ fɛn léyi, v'ɛkɔrɛ̀-srɔn mɛ̀n, è ji, kɩ ɛ gɔ̀ wá ɔmùan ɛ̀ hɛ́n nɔn.

Rɔmɛ̀n-anmàn-bɔ̀ 11:36

Ɔmuhi eci lɔ fɛn dú n'eyri và, eci lɔ fɛn dú nɛ̀n ɛmɛ̀n kɩ dú nɛ tɛn. Eci-zrɔ kè dú Ɔwɔ tɛn ɛnvra lɔ fɛn! Kè dú ɔmu lɔ.

Rɔmɛ̀n-anmàn-bɔ̀ 13:1

Ɔwrɔnwrɔn kè die govràn-kɔ̀hɔ̀n-hán-bɔ̀-cüìcüì hɔ̀n léyi ẅɛn ɛkɔrɛ̀-levri nɔn nukùɛ. Ɔmuhi ɛkɔrɛ̀-levri lɔ fɛn dú Ɔwɔ yri và nɔn; yɔ hɔ̀n léyi dù nɔn, nɛ́n de nɛ̀n wá yɔ nɔn.

Zhakɛ̀n 1:17

Ecice anvrɛnvrɛn mán ecitán ankrankran ke dú anhobɩ́ kɛ và, yɔ dú Ɔwɔ yri yɛ và, nɛ́n léyi nɛ̀n dú anhobɩ́-yri-kàn-hán-wrɔn nɔn. Kɩ Ɔwɔ ke sɩ́ crɔn hán, yakɛ nɛ́n sɩ́ hán ɛyri-yɔwɔ n'eci-hán lɔ fɛn mɛ̀n.

Zhakɛ̀n 4:17

Zɛtɛn, ke dú kɛ ɔwrɔn tɔ̀n léyi nyri anvrɛn léyi nɛ lɛ hán, hɩ ke sɩ́ hán nɔn, nɛ hán ɛgbàn.