Zhan 18:8 - Ɛmɛẅi ankà ankrànkràn 2003

⁸ Zhezü mrɛ́n yɔ ɔmùan le: “Mɛ́n gɔ̀ dɔ́ nyɛ̀n le mɛ̀n. Ke dú kɛ mɛ̀n de nye ji mɛ̀n nɔn hô, nyɛ́n teze anwrɔn ndɔ hɔ̀n lɔ kɛ̀ hɔ̀n.”

Zhan 18:8 Iomraidhean Croise

Matie 26:56

Tɛ́n eci ndɔ lɔ wɔɛ̀n, ô Ɔwɔ-mùanwú-ankà-dɔ́-bɔ̀, ankà-dɔ̀ lɔ dú Ɛwrú Prɔnprɔn hɔ̀n lɔ mɛ̀n nɔn kɛ̀ sá nmù.” Zɛtɛn n'ɛsɛ̀nkɛn-bɔ̀ lɔ fɛn teze nɛ̀n kɩ srɛ́.

Zhan 10:28

Mɛ tán yɔ ɛwùvá léyi ke sɩ́ trɔa nɔn, yɔ sɩ̀ wú mrìmrì kɩ ɔwrɔn zriɛmɛ́n ke sɩ̀ bɩ́ yɔ m'antamɛ̀n kɛ̀ sɔhɔ́ rɔ́.

Zhan 13:1

Ye dú ɛnyanmán-bì vra bì mɛ̀n, ô yɛ koran abutùkumɛ́n-kɔ́ nyanmán-bì. Zhezü nyri ɔmu le ɛnvra léyi ne le bɩ nɛ̀n hɔ̀n cɔ́ nɛ́n zi Ɔwɔ nɔn ncɔa. Nɛ̀n cüɛn n'anwrɔn hɔ̀n léyi dú ɛnhibù wú nɔn kɩ nɛ̀n cüɛn yɔ ɛnvra lɔ fɛn, kɩ nɛ̀n dú yɔ ɛcƐɛn mɛ̀n hàn kɩ ɔtrɔmɛ̀n.

Zhan 13:36

Simɔn Piɛrɛ̀n ke yrɛ Zhezü le: “Ɛẅɛnwrɔn, tɛyri ɛ hɔ̀n hàn?” Zhezü mrɛ́n nɛ̀n ɔmùan le: “E sɩ̀ kɛ́n mɛ̀n ɛsɛ̀n zɛtɛ̀ lɔ ɛyri léyi mɛ hɔ̀n nɔn rɔ́, tɛ́n ke le bɩ́ ɛnvra, yakɛ ɛ lɛ kɛ́n mɛ̀n ɛsɛ̀n.”

Zhan 16:32

Kɛ zrɔ, ɛnvra kɛ và, kɩ ɛnvra lɔ mán cɔ̀a, hɩ vra lɔ nyɛ́n lɔ fɛn nye le bonyì, ɔwrɔn wrɔn ke le dú n'anwɔn mɛ̀n, kɩ nye le teze mɛ́n zriɛ. Hɔ̂, annanwɔrɛ mɛ̀n, mɛ́n sɩ̀ dú mɛ́n zri, ɔmuhi Dade mɛhi bɔ́ dù nɔn.

Zhan 18:7

Zhezü vru ke yrɛ yɔ le: “Antɔn nye jiɛ?” Yɔ dɔ̀ le: “Nazàrɛtɛ̀n-wrɔn Zhezü.”

Zhan 18:9

Ɔmu lɔ de ankà léyi nɛ́n dɔ̀ nɔn kɛ lɛ sá nmù nɔn: “Anwrɔn hɔ̀n léyi vɛ́n, Dade, ɛ̀ tán mɛ̀n nɔn, mɛ̀n sɩ̀ hán ɛnzri mán kɛ̀ zrɛ̀n hàn.”

1 Korɛntɛ̀n anmàn-bɔ̀ 10:13

Ɔwɔ̀ɛn-nyan hɔ̀n léyi nyɛ́n nyrì nɔn, dú yɔ hɔ̀n léyi anwrɔnẅì kɛ kán ɛnbì lɔ fɛn nɔn. Ɔwɔ dú ɔmùan-zri-di-wrɔn n'ɔmùan-wá hɔ̀n lɔ mɛ̀n, kɩ nɛ́n sɩ̀ tán ɛkɔrɛ̀levri, ô ɔwɔ̀ɛn-nyan cüì kɛ̀ ká nyɛ̀n; tɛ́n, ɛnvra léyi ɔwɔ̀ɛn-nyan kɛ lɛ và nɔn, nɛ lɛ tán nyɛ̀n ecüì, ô nyɛ́n kɛ́n nɛ̀n hɛ́n, kɩ ɔmu lɔ, nyɛ́n cɔ́ ɛyri nyɛ́n dú nɛ̀n ɛmɛ̀n nyɛ́n srɔ ɛntrɛ.

2 Korɛntɛ̀n anmàn-bɔ̀ 12:9

Nɛ̀n mrɛ́n mɛ̀n ɔmùan le: “Mɛ́n boafɔ̀n krɔn mɛ́n. M'ɛkɔrɛ̀-srɔn ke yé n'edomɛ̀n ɛnvra léyi e dú ɛjɛ mɛ̀n nɔn.” Mɛ cüɛn ɔmu le mɛ̀n gbú ɔmùan m'ɛjɛ̀ hɔ̀n lɔ wú, ô Krisì kɔrɛ̀-srɔn lɔ, n'esùva-wá kɛ vá mɛ̀n ɛwú.

Efɛzɛ̀n anmàn-bɔ̀ 5:25

Wúcɔ̀, nyɛ́n cüɛ́n nyɛ́n hi hɔ̀n hán ɔmu le Krisì cüɛn Ɔwɔ-fɛcüè hàn mán bɩ́ n'ɛwúvà lɔ tán nɛ̀n nɔn.

1 Piɛrɛ̀n 5:7

Nyɛ́n bɩ́ ny'ejüedì ankà lɔ fɛn nyɛ̀n tán nɛ̀n, ɔmuhi, nɛ̀n ẅɛn ny'esùva-wá nɔn.