Zhan 18:4 - Ɛmɛẅi ankà ankrànkràn 2003

⁴ Zɛtɛn Zhezü léyi nyri eci léyi kɛ lɛ wɔɛ̀n nɔn, nán esù hɔ́n y'ɛtɛ̀sɛ̀n kɩ ke yrɛ yɔ le: “Antɔn nye jiɛ?”

Zhan 18:4 Iomraidhean Croise

Matie 16:21

Bukru hi vra lɔ, Zhezü kɛ dɔ́ n'ɛsɛ̀nkɛn-bɔ̀ ankà kpetemɛ̀n kɩ nɛ dɔ̀ le: “Ke ji le mɛ̀n hɔ́n Zherüzalɛmɛ̀n kɩ mɛ lɛ kán ɛgbàn bobrebe, ɛcüìcüì-bɔ̀, Ɔwɔ-cice-bɔ̀ mán Ɔwɔ-nyànmàn-sùva-wá-bɔ̀ tamɛ̀n. Ye le di mɛ̀n owúemɛ̀n kɩ ɛbi-anhɔ̀n granmɛ̀n, me le dú owúemɛ̀n mɛ̀n frɔ́.”

Matie 26:2

“Nyɛ́n nyri ɔmu le Ɛẅɛnwrɔn-bemɛ̀n-cì koran bì lɔ wɔrɔ ɛbi-anhyrɛ̀: Yɛ lɛ ẅɛn ɔwrɔnẅì Ẅì, kɩ yɛ lɛ gɔ́n nɛ̀n brɛ́ ɛgbàn-hán-tɛ̀ tɔ̀n domɛ̀n.”

Matie 26:21

Ɛnvra léyi yɔ dú ɛci-zîemɛ̀n nɔn, Zhezü kɛ dɔ̀ le: “Mɛ dɔ́ nyɛ̀n annànwɔrɛ mɛ̀n le: ny'ɛmɛ̀n lɔ ɔwrɔn tɔ̀n kɛ lɛ hɛ́ mɛ̀n.”

Matie 26:31

Zɛtɛn Zhezü kɛ dɔ́ n'ɛsɛ̀nkɛn-bɔ̀ le: “Ɛnnyran ndɔ lɔ mɛ̀n, nyɛ lɛ fɛn nyɛ lɛ srɛ́ teze mɛ̀n hàn, ɔmuhi yɛ krɛ́ Ɛwrú Prɔnprɔn hɔ̀n lɔ mɛ̀n le: ‘Me le wri kɔ̀kɔ̀sɛ̀-kua-wrɔn lɔ kɩ kɔ̀kɔ̀sɛ̀ kà lɔ fɛn ke le bonyì.’

Lükɛ̀n 24:44

Zɛtɛn nɛ dɔ́ yɔ le: “Nyàn ankà léyi mɛ̀n dɔ́ nyɛ̀n ɛnvra léyi nyɛ́n mɛhi bɔ́ dù nɔn: eci hɔ̀n léyi ye merɛ́n m'ɛwú, Mohizì nyanmàn lɔ mɛ̀n, Ɔwɔ-mùanwú-ankà-dɔ́-bɔ̀ wrú hɔ̀n lɔ mɛ̀n, mán Ɔwɔ-mrɛ́n wrú lɔ mɛ̀n nɔn, ke ji le kɛ̀ sá nmù.”

Zhan 13:1

Ye dú ɛnyanmán-bì vra bì mɛ̀n, ô yɛ koran abutùkumɛ́n-kɔ́ nyanmán-bì. Zhezü nyri ɔmu le ɛnvra léyi ne le bɩ nɛ̀n hɔ̀n cɔ́ nɛ́n zi Ɔwɔ nɔn ncɔa. Nɛ̀n cüɛn n'anwrɔn hɔ̀n léyi dú ɛnhibù wú nɔn kɩ nɛ̀n cüɛn yɔ ɛnvra lɔ fɛn, kɩ nɛ̀n dú yɔ ɛcƐɛn mɛ̀n hàn kɩ ɔtrɔmɛ̀n.

Zhan 13:11

Zhezü nyri ɔwrɔn léyi kɛ lɛ hɛ́ nɛ̀n nɔn; hɩ le kruhú de nɛ dɔ̀ le: “Kè sì dù nyɛ lɛ fɛn lɔ de edomɛ̀n kè fi nyɛ̀n nɔn.”

Zhan 18:5

Yɔ dɔ̀ le: “Nazàrɛtɛ̀n-wrɔn Zhezü.” Zhezü kɛ dɔ́ yɔ le: “Nyàn mɛ̀n.” Kɩ Zhüda léyi kɛ hɛ́ nɛ̀n nɔn, nyɔn nanvrɛn yɔ mɛhi.

Zhan 18:7

Zhezü vru ke yrɛ yɔ le: “Antɔn nye jiɛ?” Yɔ dɔ̀ le: “Nazàrɛtɛ̀n-wrɔn Zhezü.”

Zhan 19:28

Ndɔ lɔ mɛẅi lɔ, ɔmuhi Zhezü nyri ɔmu le zɛtɛ̀ lɔ, ɛci lɔ fɛn lɔ trɔa nɔn, nɛ dɔ́ ankà ndɔ lɔ ô Owrú Prɔnprɔn ankà-dɔ̀ lɔ kɛ sá nmù: Nɛ́n dɔ̀ le: “Ɛnshi mùanwù kɛ ẅɛn mɛ̀n.”

Zhan 6:64

Tɛ́n ny'ɛmɛ̀n lɔ anwrɔn janbɔ̀ ke sɩ́ bútan ankaẅì.” Ɔmuhi Zhezü nyri ɛnkrubɔmɛ̀n hán hɛ́n anwrɔn hɔ̀n léyi ke sɩ́ bútan ankaẅì, kɩ nɛ̀n nyri ɔwrɔn léyi kɛ lɛ hɛ́ nɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:28

È yé mɛ̀n ɛnlevri hɔ̀n léyi ke sɩ́ ɔkɔrɛ mɛ̀n nɔn, ɛ lɛ hán pɔpüɛ̀ ke yɩ́ m'ɛnbɔrɛ lɔ v'ezìwú.’

1 Piɛrɛ̀n 4:1

Ɔmuhi Krisì kán ɛgbàn n'edùwru ẅia mɛ̀n nɔn, nyɛ́n mán nyɛ́n ẅɛn edùyì zri lɔ, kè dú nyɛ̀n ɛnhɛ́n mɛ̀n; ɔmuhi ɔwrɔn léyi kán ɛgbàn n'edùwru ẅia mɛ̀n nɔn, nɛ́n mán ɛgbàn mɛhi y'eci-hán trɔ.