Zhan 18:12 - Ɛmɛẅi ankà ankrànkràn 2003

¹² Gɔliɛ-bɔ̀ fɛcüè, y'ɔwrɔn cüìcüì mán Zhüifɛ̀n-bɔ̀ yrí-nan-bɔ̀ ẅɛn Zhezü kɩ zɛtɛn kora nɛ̀n.

Zhan 18:12 Iomraidhean Croise

Matie 26:57

Anwrɔn hɔ̀n léyi ẅɛn Zhezü nɔn, sɩ́ nɛ̀n Ɔwɔ-cice-wrɔn cüìcüì, kahifɛ̀n nanvrɛn, ɛyri léyi ɛnyànmàn-gbànvri-ankà-yé-bɔ̀ mán ɛcüìcüì-bɔ̀ borɛkru nɔn.

Matie 27:2

Yɔ hán yɛ kora nɛ̀n, yɔ bɩ́ nɛ̀n yɔ hɔ́n sɩ́ Pilatɛ̀n léyi dú Rɔmɛ̀n govràn nɔn.

Matie 27:27

Pilatɛ̀n gɔliɛ-bɔ̀ lɔ bɩ́ Zhezü hɔ́n govràn nanvrɛn ɛbemɛ̀n kɩ gɔliɛ-bɔ̀ kà lɔ fɛn gbrɛnkɛn Zhezü ɔmùan.

Markɛ̀n 14:53

Ye bɩ́ Zhezü yɔ hɔ́n ecice-bɔ̀ wrɔn cüìcüì yri; nanvrɛn lɔ ɛcice-bɔ̀ cüìcüì, ɛcüìcüì-bɔ̀ mán ɛnyànmàn-gbànvri-ankà-yé-bɔ̀ bɔrɛkru.

Markɛ̀n 15:1

Ɔsɔ̀wrɔ̀ fùtàn lɔ, Ɔwɔ-cice-bɔ̀ cüìcüì hɔ̀n, ɛcüìcüì-bɔ̀, ɛnyànmàn-gbànvri-ankà-yé-bɔ̀ mán ankà-dɔ̀-trɔ-bɔ̀ bɔrɛkru, ô yɔ ẅɛn ɔmùankrɔn. Yɔ kora Zhezü ankɔrɛ̀, kɩ yɔ bɩ́ nɛ̀n yɔ hɔ́n sɩ́ Pilatɛ̀n.

Lükɛ̀n 22:54

Yɛ ẅɛn Zhezü, ye bɩ́ nɛ̀n yɔ hɔ̀n kɩ ye sɩ́ nɛ̀n ɛcice-wrɔn cüìcüì nanvrɛn ɛbemɛ̀n. Piɛrɛ̀n dú yɔ ɛmɛẅi esù she.

Zhan 18:3

Zhüda hɔ́n ɛkɛ̀tɛ̀ cɛ lɔ mɛ̀n, nɛ̀n sɩ́ gɔliɛ-bɔ̀ fɛcüè mán anwrɔn hɔ̀n léyi Ɔwɔ-cice-bɔ̀ cüìcüì mán Ɔwɔ-nyanmàn-sùva-wá-bɔ̀ tán nɛ̀n nɔn; anhà-kɔ́n ci, kɛniɛn mán ɛnhyà-lakà dú yɔ antamɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 10:1

Ɔwrɔn tɔ̀n ye bi Kɔrnɛyì, dú Sezare anmàn, nɛ̀n dú ɛfrá-wrɔn Rɔmɛ̀n anhà-kɔ́n-fɛcüè tɔ̀n mɛ̀n, kɩ anhà-kɔ́n-fɛcüè ndɔ lɔ ye bi nɛ̀n “Itali anhà-kɔ́n-fɛcüè”.

Ɔkɔ̀hɔ̀n-wá-bɔ̀ kɔ̀hɔ̀n hán 21:31

Yɔ ji ɛyri yɔ wri Pɔlɛ̀n, kɩ yɛ vá dɔ́ Rɔmɛ̀n gɔliɛ-bɔ̀ wrɔn cüìcüì lɔ le, Zherüzalɛmɛ̀n anmàn mumù lɔ dú ɛdrɛ̀ hán mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:37

Ɛnvra léyi yɛ lɛ hán Pɔlɛ̀n ke bru anwɔn-mɛ̀n-wá-wɔn lɔ mɛ̀n nɔn, nɛ dɔ́ goliɛ-bɔ̀ wrɔn cüìcüì lɔ le: “Ɛkɔrɛ̀-levri ke le dù ô mɛ̀n dɔ́ mɛ́n ankà hà?” Gɔliɛ-wrɔn lɔ ke yrɛ nɛ̀n le: “Ɛ yá grɛkɛ̀n hàn?

Ɔkɔ̀hɔ̀n-wá-bɔ̀ kɔ̀hɔ̀n hán 23:10

Ecüìwrɔn lɔ ke sevri mán và, kɩ gɔliɛ-bɔ̀ wrɔn cüìcüì lɔ ɛnjansù bru, tro le yɔ lɛ bɔyɛ Pɔlɛ̀n wá. Hɩ le kruhú de nɛ̀n wá tán nɛ́n gɔliɛ-bɔ̀ kɛ̀ kakɛ fɛcüè lɔ mɛ̀n, ô kè bɩ́ Pɔlɛ̀n kɛ̀ sɔhɔ́ y'antamɛ̀n, kɛ và hɛ́n anwɔn-mɛ̀n-wa-wɔn lɔ mɛ̀n.