Zhan 17:8 - Ɛmɛẅi ankà ankrànkràn 2003

⁸ ɔmuhi mɛ̀n tán yɔ ankà-dɔ̀ hɔ̀n léyi ɛ̀ tán mɛ̀n nɔn, kɩ yɔ cɔ́ ankà-dɔ̀ hɔ̀n lɔ. Yɔ nyri annanwɔrɛ mɛ̀n le v'eyri de mɛ́n dù mɛ và nɔn, kɩ yɔ bútan ankaẅì le vɛ́n de ɛ̀ wá mɛ̀n ɔkɔhɔ̀n nɔn.”

Zhan 17:8 Iomraidhean Croise

Matie 13:11

Zhezü mrɛ́n yɔ ɔmùan le: “Nyɛ tɛn, nyɛ́n cɔ́ anhobɩ́ ankà-bán-ankà nyɛ́n nyrì, tɛ́n yɔ tɛn yɔ sɩ̀ cɔ̀a.

Zhan 12:49

Ɔmuhi, mɛ́n sɩ́ dɔ́ ankà mɛ́n zri m'ɛkɔrɛ̀-levriemɛ̀n, tɛ́n Dade léyi wá mɛ̀n ɔkɔhɔ̀n nɔn, wá tán mɛ̀n nɛ́n dùkù, ankà léyi ke ji le mɛ̀n dɔ̀, ô mɛ̀n yé nɔn.

Zhan 14:10

E sɩ́ bútan le mɛ̀n dú Dade mɛ̀n, kɩ Dade mán dú mɛ̀n ɛmɛ̀n hàn? Ankà-dɔ̀ hɔ̀n léyi mɛ tán nyɛ̀n ɛnvra lɔ fɛn nɔn, ke sì dù me yri kɛ vá. Dade léyi dú mɛ̀n ɛmɛ̀n nɔn, kɛ hán nɛ́n dùku n'ɔkɔ̀hɔ̀n.

Zhan 15:15

Mɛ́n sɩ̀ vru bi nyɛ̀n eci-bɩ̀tan-bɔ̀a, ɔmuhi eci-bɩ̀tan-wrɔn lɔ nɛ̀n sɩ̀ nyrɩ̀ eci léyi n'ɛẅɛnwrɔn kɛ hán nɔn. Me bi nyɛ̀n annyran hɔ̀n, ɔmuhi mɛ̀n hán nyɛ̀n nyɛ́n nyri eci lɔ fɛn léyi Dade yé mɛ̀n nɔn.

Zhan 16:27

ɔmuhi Dade dùku mán kɛ cüɛn nyɛ̀n nɔn. Nɛ cüɛn nyɛ̀n ɔmuhi nyɛ cüɛn mɛ̀n kɩ nye bútan le mɛ̀n dú Ɔwɔ yri mɛ́n và nɔn.

Zhan 16:30

Zɛtɛ̀ lɔ bɔ́ nyri ɔmu le, è nyri eci lɔ fɛn, kɩ e sɩ́ ji le, ye yrɛ mɛ́n ankà. Hɩ le kruhú de bɔ́ bútan le è dú Ɔwɔ yri ɛ̀ và nɔn.”

Zhan 17:14

Mɛ̀n tán yɔ v'ankà-dɔ̀, kɩ ɛnhibù ke gbri yɔ ɔmuhi yɔ sɩ̀ dù ɛnhibù tɛn nɔn, hán mɛ̀n léyi mɛ̀n sɩ̀ dù ɛnhibù tɛn nɔn.

Zhan 17:18

Mɛ̀n wá yɔ ɔkɔhɔ̀n ɛnhibù wú hán ɔmu le ɛ̀ wá mɛ̀n ɔkɔhɔ̀n ɛnhibù wú nɔn hɔ́.

Zhan 17:21

Mɛ sɛ̀n, ô yɔ lɔ fɛn yɔ dú nzri. Dade, yɔ cɔ́ bɔ̀ mɛhi bɔ̀ bɔ̀sɔ̀, kɛ hán ɔmu le è dú mɛ̀n ɛmɛ̀n, kɩ mɛ̀n mán mɛ̀n dú mɛ́n ɛmɛ̀n nɔn hɔ́. Yɔ dú eci zri, ô ɛnhibù kè bùtan le vɛ́n de ɛ̀ wá mɛ̀n ɔkɔhɔ̀n nɔn.

Zhan 17:23

Mɛ̀n dú yɔ ɛmɛ̀n kɩ è dú mɛ̀n ɛmɛ̀n; ɔmu lɔ, ô yɔ srɔ eci-zri anvrɛnvrɛn mɛ̀n, ô ɛnhibù ke nyri ɔmu le vɛ́n de ɛ̀ wá mɛ̀n ɔkɔhɔ̀n nɔn, kɩ ɛ cƐɛn yɔ kɛ̀ hán ɔmu le ɛ̀ cüɛn mɛ̀n nɔn hɔ́.

Zhan 17:3

Ɛwúvà léyi ke sɩ́ trɔa nɔn, dú hɩle, ke ji le ye nyri mɛ́n, vɛ́n zri léyi è dú Ɔwɔ annanwɔrɛ, ô yɔ nyri Zhezü Krisì léyi ɛ̀ wá ɔkɔhɔ̀n nɔn.

Zhan 3:17

Ɔwɔ kè sɩ̀ wá n'Ɛnẅì ɔkɔhɔ̀n ɛnhibù wú, ô nɛ̀n bɔ̀ ɛnhibù nwù, tɛ́n ne ji le ɛnhibù kɛ cɔ́ ebɩ̀die n'eyri.

Zhan 3:33

Ɔwrɔn léyi ke shri nɛ́n dalɛfuɛ-dì lɔ nɔn, ke yé tán le Ɔwɔ kɛ dɔ́ ankà annanwɔrɛ.

Zhan 6:68

Simɔn Piɛrɛ̀n mrɛ́n nɛ̀n ɔmùan le: “Ɛẅɛnwrɔn antɔn yri de bɔ́ lɛ hɔ̀n nɛ́n? Ɛ̀ ẅɛn ankà-dɔ̀ léyi kɛ tán ɛwúvà léyi ke sɩ́ trɔa nɔn.

Zhan 8:42

Zhezü kɛ dɔ́ yɔ le: “Ke dú kɛ Ɔwɔ kè dú nyɛ́n zi annanwɔrɛ, nyɛ lɛ cüɛn mɛ̀n, ɔmuhi mɛ̀n dú Ɔwɔ yri mɛ́n và kɩ mɛ̀n dú ɛnu lɔ n'ɛkruhú nɔn. Mɛ̀n sì và mɛ́n dùku m'ɛkɔrɛ̀levriemɛ̀n, tɛ́n nɛ́n de nɛ̀n wá mɛ̀n ɔkɔ̀hɔ̀n nɔn.

1 Korɛntɛ̀n anmàn-bɔ̀ 11:23

Annanwɔrɛ mɛ̀n lɔ, nyàn ankà-yé léyi mɛ̀n cɔ́ Ɛẅɛnwrɔn yri hɩ mɛ̀n tán nyɛ̀n nɔn: Ɛẅɛnwrɔn Zhezü, ɛnnyran léyi yɛ lɛ ẅɛn nɛ̀n nɔn, bɩ́ abùtùkumɛ́n

1 Korɛntɛ̀n anmàn-bɔ̀ 15:1

Anwrɔn-nɛ́n-muan-ẅì hɔ̀n, me ji mɛ̀n kore nyɛ̀n zɛtɛ̀ lɔ Ɛmɛẅi ankà Ankrankran léyi mɛ̀n tán nyɛ̀n, hɩ nyɛ́n cɔ̀, kɩ nyɛ́n ẅɛn kpankpan nyɛ́n hɛ́n nɔn.

1 Tesalonikɛ̀n anmàn-bɔ̀ 2:13

Ɛnvra lɔ fɛn bɔ́ tán Ɔwɔ ɔkùɛn ankà nyàntɛn kruhú: ɛnvra léyi bɔ̀ dɔ́ nyɛ̀n Ɔwɔ-mùan-ankà lɔ nɔn, nyɛ́n die nɛ̀n nukùɛ kɩ nyɛ́n bɩ́ nɛ̀n, kɩ kè sɩ̀ dù kɛ̀ hàn anwrɔnẅì mùan-ankà hɔ́, tɛ́n nyɛ́n bɩ́ nɛ̀n hán Ɔwɔ-mùan-ankà hɔ́, eci léyi dú nɛ̀n annanwɔrɛ nɔn. Ɔmu lɔ de n'eci-hán dú nyɛ̀n ɛmɛ̀n, nyɛ́n ankaẅì-bùtan-ẅɛn-bɔ̀.

1 Tesalonikɛ̀n anmàn-bɔ̀ 4:1

Ɔtrɔmɛ̀n lɔ, anwrɔn-nɛ́n-muan-ẅì hɔ̀n, bɔ̀ yé nyɛ̀n esùnan léyi ke ji le nyɛ́n ẅɛ̀n ô Ɔwɔ kɛ̀ cüɛn nyɛ̀n nɔn. Annànwɔrɛ mɛ̀n lɔ, esùnan ndɔ lɔ de nyɛ́n ẅɛ̀n nɔn. Tɛ́n zɛtɛ̀ lɔ, bɔ́ sán nyɛ̀n kɩ bɔ́ sɛ́n nyɛ̀n Ɛẅɛnwrɔn Zhezü bɩmɛ̀n: nyɛ́n vru nyɛ́n hán kɛ̀ vrán.

1 Zhan 4:14

Kɩ bɔ́ kàn, kɩ bɔ́ dɔ̀ le Ɔwɔ wá n'Ɛnẅì ɔkɔhɔ̀n kè dú ɛnhibù Bɩdie-wrɔn.

Ɔwɔ-mɛ̀n-yrikàn 1:1

Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.