Zhan 17:6 - Ɛmɛẅi ankà ankrànkràn 2003

⁶ Anwrɔn hɔ̀n léyi ɛ̀ mrɛ́n ɛnhibù wú ɛ̀ tán mɛ̀n nɔn, mɛ̀n hán yɔ, yɔ nyri mɛ́n. Yɔ dú vɛ tɛn, ɛ̀ tán mɛ̀n yɔ, kɩ yɔ die v'ankà-dɔ̀ nukùɛ.

Zhan 17:6 Iomraidhean Croise

Zhan 1:18

Ɔwrɔnẅì zriɛmɛ́n kɛ vá kán Ɔwɔ mrìmrì. Tɛ́n Ɛnẅì zri kpokpo léyi dú Ɔwɔ, kɩ dú nɛ́n Zi ɛtɛ̀sɛ̀n nɔn, nɛ́n hán ye nyri nɛ́n Zi.

Zhan 12:28

Dade, ɛ̀ tán v'ebɩ́ lɔ eci-zrɔ!” Zɛtɛn esùva tɔ̀n dú anhobɩ́ di nkù kɛ dɔ̀ le: “Mɛ̀n gɔ̀ hɛ́ ezì mɛ̀n zrɔ nɛ̀n eci, kɩ me le vru mɛ̀n sán zrɔ nɛ̀n eci.”

Zhan 15:19

Ke dú kɛ nyɛ́n dú ɛnhibù wú bɔ̀ hô, ɛnhibù kɛ lɛ cüɛn nyɛ̀n ɔmuhi nye le dú nɛ tɛn nɔn. Tɛ́n, mɛ̀n mrɛ́n nyɛ̀n mɛ̀n bɩ́ ɛnhibù tamɛ̀n, kɩ nyɛ́n sɩ̀ dù ɛnhibù tɛ́n: hɩ le kruhú de ɛnhibù ke gbri nyɛ̀n nɔn.

Zhan 15:3

Ankà hɔ̀n léyi mɛ̀n yé nyɛ̀n nɔn, gɔ́ srɔ nyɛ̀n anwrɔn fifi.

Zhan 15:7

Ke dú kɛ nyɛ́n dú mɛ̀n ɛmɛ̀n kɩ m'ankà-dɔ̀ ke dú nyɛ̀n ɛmɛ̀n hô, nyɛ́n sán eci léyi nye ji nɔn kɩ nyɛ lɛ cɔ̀.

Zhan 17:12

Ɛnvra léyi yɔ mɛhi bɔ́ dù nɔn, mɛ nyan yɔ v'ebɩ́ kɔrɛ̀srɔn mɛ̀n, ɛkorɛ̀srɔn léyi ɛ̀ tán mɛ̀n nɔn. Mɛ̀n wá yɔ esùva kɩ nzri mán kè sɩ̀ zrɛ̀n hàn, ke dú kɛ kè sɩ̀ dù nzri léyi dú ɛzrɛ́n tɛn nɔn, ô Ɔwrú Prɔnprɔn ankà-dɔ̀ lɔ kɛ̀ sá nmù nɔn.

Zhan 17:14

Mɛ̀n tán yɔ v'ankà-dɔ̀, kɩ ɛnhibù ke gbri yɔ ɔmuhi yɔ sɩ̀ dù ɛnhibù tɛn nɔn, hán mɛ̀n léyi mɛ̀n sɩ̀ dù ɛnhibù tɛn nɔn.

Zhan 17:16

Yɔ sɩ̀ dù ɛnhibù tɛn, hán mɛ̀n léyi mɛ̀n sɩ̀ dù ɛnhibù tɛn nɔn.

Zhan 17:2

Ɔmuhi ɛ̀ tán nɛ̀n ɛkɔrɛ̀srɔn anwrɔnẅì lɔ fɛn wú, ô nɛ̀n hán anwrɔn lɔ fɛn léyi ɛ̀ tán nɛ̀n nɔn, kɛ̀ cɔ́ ɛwúvà léyi ke sɩ́ trɔa nɔn.

Zhan 17:24

Dade, ɛ̀ tán mɛ̀n yɔ, kɩ mɛ cüɛ̀n le yɔ dú mɛ̀n ɛtɛsɛ̀n ɛyri léyi me le dù nɔn, ô yɔ kán m'eci-zrɔ lɔ, eci-zrɔ léyi ɛ̀ tán mɛ̀n nɔn, ɔmuhi ɛ̀ cüɛn mɛ̀n yakɛ yɛ hán ɛnhibù nɔn.

Zhan 17:26

Mɛ̀n hán yɔ, yɔ nyri mɛ́n, kɩ me le vru mɛ̀n hán yɔ, yɔ nyri mɛ́n, ô ɛcüɛ̀n léyi ɛ̀ ẅɛn m'ɛwú nɔn, kè dú yɔ ɛmɛ̀n, ô mɛ́n mumù mán mɛ̀n dú yɔ ɛmɛ̀n.”

Zhan 17:7

Zɛtɛ̀ lɔ, yɔ nyri ɔmu le eci léyi ɛ̀ tán mɛ̀n nɔn v'eyri de ndù nvà nɔn,

Zhan 18:9

Ɔmu lɔ de ankà léyi nɛ́n dɔ̀ nɔn kɛ lɛ sá nmù nɔn: “Anwrɔn hɔ̀n léyi vɛ́n, Dade, ɛ̀ tán mɛ̀n nɔn, mɛ̀n sɩ̀ hán ɛnzri mán kɛ̀ zrɛ̀n hàn.”

Zhan 6:37

Anwrɔn hɔ̀n léyi Dade kɛ tán mɛ̀n nɔn, ɔwrɔnwrɔn kɛ lɛ vá m'eyri, kɩ mɛ́n sɩ̀ wrɔ́ ɔwrɔn léyi kɛ vá m'eyri nɔn mrìmrì;

Zhan 6:39

Nyàn eci léyi ɔwrɔn léyi wá mɛ̀n ɔkɔhɔ̀n, ke jɩ nɔn: Ke sɩ́ ji le, anwrɔn hɔ̀n léyi nɛ̀n tán mɛ̀n nɔn ɛnzriemɛ́n kɛ̀ zrɛ́n, tɛ́n ke ji le, yɔ lɔ fɛn, mɛ̀n hán yɔ, yɔ dú owú-bɔ̀ mɛ̀n yɔ vá ɔkɔrɛ-bɔ̀ mɛ̀n ɛmɛẅi trɔ bì lɔ.

Zhan 8:51

Mɛ dɔ́ nyɛ̀n ankaẅì annanwɔrɛ mɛ̀n le: ɔwrɔn léyi ke die m'ankà-dɔ̀ nukùɛ nɔn, nɛ́n sɩ̀ wú mrìmrì.”

Zhan 8:52

Zhüifɛ̀n-bɔ̀ kɛ dɔ́ nɛ̀n le: “Zɛtɛ̀ lɔ, bɔ́ nyri annanwɔrɛ mɛ̀n le, ɛnhɛ́n gbangbàn dú mɛ́n edomɛ̀n! Abrahamɛ̀n nwù, Ɔwɔ-mùanwú-ankà-dɔ́-bɔ̀ mán nwù, kɩ vɛ tɛn ɛ dɔ̀ le: ‘Ɔwrɔn léyi ke die m'ankà-dɔ̀ nukùɛ nɔn, nɛ́n sɩ̀ wú mrìmrì’.

Ɔkɔ̀hɔ̀n-wá-bɔ̀ kɔ̀hɔ̀n hán 13:48

Ɛnvra léyi anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn yá ankà ndɔ lɔ nɔn, yɔ dú pɔpüɛ̀ mɛ̀n kɩ yɔ mrɛ́n Ɛẅɛnwrɔn ankà-dɔ̀ lɔ. Anwrɔn lɔ fɛn léyi, yɛ wá ɛwúvà léyi ke sɩ́ trɔa ɔmùan nɔn, srɔ ankaẅì-bùtan-ẅɛn-bɔ̀.

Rɔmɛ̀n-anmàn-bɔ̀ 11:2

Ɔwɔ kè sɩ̀ teze nɛ́n fɛcüè léyi nɛ́n gɔ̀ mrɛ́n nɛ́n bɩ nɔn. Nyɛ́n nyri ankà léyi Owrú kɛ dɔ́ ɛyri léyi Eli ke bɩ́ ɛmɛ̀nhyì ku Izraɛlɛ̀n ɛwú Ɔwɔ zìwú nɔn:

2 Korɛntɛ̀n anmàn-bɔ̀ 4:6

Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.

Kɔlɔsèn anmàn-bɔ̀ 3:16

Ke ji le Krisì mùan-ankà-dɔ̀ mán n'ecüì-nɛ̀ncüì-dì lɔ fɛn, kɛ̀ sɔ́n ebɩ́ ny'ɛmɛ̀n. Nyɛ́n yé ny'edomɛ̀n ankà, ô nyɛ́n bi-dɔ́ ny'edomɛ̀n ankà-nyrì anvrɛnvrɛn mɛ̀n. Nyɛ́n bɩ́ ny'ɛnbɔrɛ lɔ fɛn mán ny'enyri-kùɛn-tán, nyɛ́n krɛ́ ɛmrɛ́n cɔ̀ mán eci-zrɔ cɔ̀ hɔ̀n léyi Ɛnhɛ́n Prɔnprɔn wá nyɛ̀n ɛnbɔrɛ mɛ̀n nɔn, nyɛ́n tán Ɔwɔ.

Anhyrɛmɛ̀n timote 1:13

È bɩ kè dú vɛ́n sɛnpò annànwɔrɛ ankà-dɔ̀ léyi mɛ̀n tán mɛ́n nɔn, ɛ̀ nyɔn ɛshishiemɛ̀n ankaẅìbùtan mɛ̀n mán ɛcüɛ̀n léyi bɔ̀ cɔ́ Zhezü Krisì mɛhi b'ɔbɔ̀sɔ̀ lɔ mɛ̀n nɔn.

Ebre-bɔ̀ 2:12

Annanwɔrɛ mɛ̀n lɔ nɛ dɔ̀ le: “Ô Ɔwɔ, me ji mɛ̀n dɔ́ v'ankà mɛ̀n tán nmàn-ẅì hɔ̀n, me ji mɛ̀n zrɔ mɛ́n eci fɛcüè lɔ fɛn zìwú.”

Ebre-bɔ̀ 3:6

Tɛ́n Krisì dú ɔmùan-zri-di-wrɔn, nɛ́n léyi nɛ̀n dú ɛnkru, Ɔwɔ wɔn lɔ mɛ̀n nɔn. Kɩ bɔ̀ dú n'ɔwɔn lɔ, ke dú kɛ bɔ́ bɩ́ b'ankàẅì-bùtan mán bɔ́ esɛ́ ke dú b'ɔmùan-gbú-ci.

1 Piɛrɛ̀n 1:1

Ebinyan ndɔ lɔ dú Piɛrɛ̀n yri kɛ và, nɛ́n léyi nɛ̀n dú Zhezü Krisì kɔhɔ̀n-wá-wrɔn nɔn. Ebinyan lɔ dú anwrɔn hɔ̀n léyi Ɔwɔ mrɛ́n bɩ hɩ dú anwɔ̀nẅiemɛ̀n, bonyí ɔkpɔsɔ hɔ̀n léyi dú Pɔn, Galasi, Kapadɔsɛ̀n, Azi mán Bitini wú nɔn, yɔ tɛn.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 2:13

Mɛ̀n nyri ɛyri léyi ɛ̀ sɔ́n ebɩ́ nɔn: ɛyri léyi anwa-bɔ̀ wrɔn cüìcüì gbú-tòbù ndù nɔn. Ɛ̀ brɛ́ mɛ̀n kɩkɩ ɛ̀ hɛ́n kɩ è sɩ̀ crɔ̀n ankàẅìbùtan léyi ɛ̀ ẅɛn mɛ̀n ɛmɛ̀n nɔn, annannan le ɛnvra léyi ye wri Antipasɛ̀n, mɛ́n dalɛfuɛ mùan-zri-di-wrɔn, ny'anmàn, ɛyri leyi anwa-bɔ̀ wrɔn cüìcüì sɔ́n ebɩ́ nɔn.

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.

Ɔwɔ-mɛ̀n-yrikàn 3:8

Mɛ̀n nyri v'ɔkɔ̀hɔ̀n-hán-kɔhɔ̀n; mɛ̀n nyri ɔmu le ecüì ẅiɛ kɩ dú mɛ́n edomɛ̀n, kɩ ɔmu tɛ̀kɩ m'ɔmùan ankà-dɔ̀ wú, è dí ɔmùan zri kɩ è sɩ̀ krɔ mɛ̀n. Zɛtɛn, mɛ̀n srú esù tɔ̀n v'ezìwú, kɩ esù ndɔ lɔ ɔwrɔn zriɛmɛ́n ke sɩ̀ sɛ́n nɛ̀n rɔ́.