Zhan 17:5 - Ɛmɛẅi ankà ankrànkràn 2003

⁵ Zɛtɛ̀n zɛtɛ̀ lɔ, Dade, tán mɛ̀n v'ezìwú eci-zrɔ léyi mɛ̀n ẅɛn v'ɛtɛsɛ̀n ɛnvra léyi ɛnhibù kɛ vá dù nɔn.

Zhan 17:5 Iomraidhean Croise

Matie 25:34

Zɛtɛn ɛnnɛ̀ncüì lɔ kɛ lɛ dɔ́ anwrɔn hɔ̀n léyi dú nɛ̀n ezì-kɔrɛ̀ nɔn le: ‘Nyɛ́n và, nyɛ́n léyi Dade fú nyɛ̀n ɛnshi nɔn, nyɛ́n bru Anhobɩ́ nɛ̀ncüì-dúyri léyi yɛ hán yɛ hɛ́n nyɛ̀n ɛnhibù krubɔmɛ̀n hán hɛ́n nɔn.

Zhan 1:18

Ɔwrɔnẅì zriɛmɛ́n kɛ vá kán Ɔwɔ mrìmrì. Tɛ́n Ɛnẅì zri kpokpo léyi dú Ɔwɔ, kɩ dú nɛ́n Zi ɛtɛ̀sɛ̀n nɔn, nɛ́n hán ye nyri nɛ́n Zi.

Zhan 10:30

Mɛ̀n mán Dade mɛhi bɔ́ dú eci zri.”

Zhan 14:9

Zhezü mrɛ́n nɛ̀n ɔmùan le: “Ɛnvra sheshemɛ̀n de mɛ̀n dú nyɛ̀n ɛmɛ̀n nɔn, kɩ ɛ vá nyri mɛ̀n hàn Filipɛ̀n? Ɔwrɔn léyi kán mɛ̀n nɔn, kán Dade. Cɛci kruhú kɛ ɛ dɔ̀ le: ‘Yé bɔ̀ Ɔwɔ Ziɛ?’

Zhan 17:1

Ɛnvra léyi nɛ̀n dɔ́ ankà ɔmu lɔ trɔ nɔn, Zhezü sɩ́ anvɛ̀ ɛwú kɩ kɛ dɔ̀ le: “Dade wacɛ̀n ncɔ́a. È yé v'Ɛnẅì ci-zrɔ lɔ, ô Ɛnẅì mán ke yé v'eci-zrɔ lɔ.

Zhan 17:24

Dade, ɛ̀ tán mɛ̀n yɔ, kɩ mɛ cüɛ̀n le yɔ dú mɛ̀n ɛtɛsɛ̀n ɛyri léyi me le dù nɔn, ô yɔ kán m'eci-zrɔ lɔ, eci-zrɔ léyi ɛ̀ tán mɛ̀n nɔn, ɔmuhi ɛ̀ cüɛn mɛ̀n yakɛ yɛ hán ɛnhibù nɔn.

Zhan 3:13

Ɔwrɔn zriɛmɛ́n kɛ vá hɔ́n anhobɩ́ mrìmrì, ke dú kɛ kè sì dù ɔwrɔnẅì Ẅì léyi dú anhobɩ kakɛ nɔn!

Zhan 8:58

Zhezü mrɛ́n yɔ ɔmùan le: “Mɛ dɔ́ nyɛ̀n annanwɔrɛ mɛ̀n le: yɛ vá bî Abrahamɛ̀n, kɩ ‘Mɛ́n dù’.”

Filipɛ̀n anmàn-bɔ̀ 2:6

Ɛnkrubɔmɛ̀n hàn hɛ́n, nɛ̀n dú Ɔwɔ, tɛ́n nɛ̀n sɩ̀ jì ɔmu le, nɛ́n mán Ɔwɔ mɛhi ɛkɔrɛ̀ kɛ̀ krɔn yɔ.

Ebre-bɔ̀ 1:10

Nɛ̀n vru nɛ́n dɔ̀ le: “Vɛ́n de, Ɛẅɛnwrɔn, ɛnkrubɔmɛ̀n hán hɛ́n, ɛ̀ hán ɛnhi, anhobɩ́ dú v'ɛkɔrɛ̀-ci.

Ebre-bɔ̀ 1:3

Ɛnẅì lɔ ke yé Ɔwɔ vrisì ci-zrɔ lɔ, nɛ́n dù nɛ̀n hán ɔmu le Ɔwɔ dù nɔn, n'ankà-dɔ̀ kɔrɛ̀srɔn mɛ̀n lɔ, nɛ̀n ẅɛn n'ɛkɔrɛ̀-ci lɔ fɛn nɛ̀n hɛ́n. Ɛnvra léyi nɛ̀n juru anwrɔnẅì hɔ̀n ɛgbàn edomɛ̀n trɔ nɔn, nɛ̀n yɛ́ anhobɩ́ ɛkɔrɛ̀srɔn Wɔ zì-kɔrɛ̀-kɔrɛa.

1 Piɛrɛ̀n 1:20

Ɔwɔ wá eci-hán ndɔ lɔ ɛnvra léyi ɛnhibù kɛ vá bukru, kɩ ɛnvra trɔ mùan mɛ̀n lɔ, nɛ̀n yé eci-hán ndɔ lɔ ny'anvrɛn kruhú.

1 Piɛrɛ̀n 1:21

N'ɛmɛ̀n de nye bú Ɔwɔ ankà nyɛ tán ankàẅì, nɛ́n léyi nɛ̀n bɩ́ n'ɛnẅì nɛ̀n sɔhɔ́ owú-bɔ̀ mɛ̀n kɩ nɛ̀n tán yi eci-zrɔ; ɔmu lɔ de nyɛ́n bɩ́ ny'ankaẅìbùtan mán ny'esɛ́ nyɛ́n wá Ɔwɔ mɛ̀n nɔn.

1 Zhan 1:2

Ɛwúvà ndɔ lɔ yé n'edomɛ̀n kɩ bɔ̀ kán nɛ̀n; bo di nɛ́n dalɛfuɛ kɩ hɩ le kruhú de bɔ́ dɔ́ ɛwúvà-kɔrɛ̀ ankà, nɛ́n léyi nɛ̀n dú Ɔwɔ Zi ɛtɛ̀sɛ̀n kɩ ye yé bɔ̀ nɛ́n.

Ɔwɔ-mɛ̀n-yrikàn 13:8

Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 3:21

Anwrɔn hɔ̀n léyi kɛ kɔ́nkà nɔn, mɛ lɛ tán yɔ ɛkɔrɛ̀levri yɔ le bɩ́ ɛyri m'ɛgbú-tòbù lɔ wú, hán ɔmu le ɛnvra léyi mɛ́n kɔ́nkà nɔn, mɛ́n hɔ̀n mɛ̀n yɛ́, mɛ̀n mán Dade mɛhi n'ɛgbú-tòbù lɔ wú.