Zhan 17:3 - Ɛmɛẅi ankà ankrànkràn 2003

³ Ɛwúvà léyi ke sɩ́ trɔa nɔn, dú hɩle, ke ji le ye nyri mɛ́n, vɛ́n zri léyi è dú Ɔwɔ annanwɔrɛ, ô yɔ nyri Zhezü Krisì léyi ɛ̀ wá ɔkɔhɔ̀n nɔn.

Zhan 17:3 Iomraidhean Croise

Markɛ̀n 9:37

“Ɔwrɔn léyi ke bɩ́ ɛnẅì cɛ ɔmu lɔ m'ɛkruhú nɔn, mɛ́n múmù de ne bɩ́ mɛ̀n nɔn; kɩ ɔwrɔn léyi ke bɩ́ mɛ̀n nɔn, nɛ́n sɩ́ bɩ́ mɛ́n dùku kɩ, tɛ́n ne bɩ́ mɛ̀n mán ɔwrɔn léyi wá mɛ̀n ɔkɔ̀hɔ̀n nɔn.”

Lükɛ̀n 9:48

kɩ nɛ dɔ́ n'ɛsɛnkɛn-bɔ̀ lɔ le: “Ɔwrɔn léyi ke bɩ́ ɛnẅì cɛ ndɔ lɔ m'ɛkruhú nɔn, mɛ́n mumù de ne bɩ́ mɛ̀n nɔn; kɩ ɔwrɔn léyi ke bɩ́ mɛ̀n nɔn, ɔwrɔn léyi wá mɛ̀n ɔkɔhɔ̀n nɔn de ne bɩ̀ nɔn. Ɔmuhi, ɔwrɔn léyi dú ɛcɛ ny'ɛmɛ̀n lɔ nɔn, nɛ́n de nɛ̀n sevri nɛ̀n dú ecüìcüì nɔn.”

Zhan 10:36

Kɩ mɛ tɛn, Ɔwɔ mrɛ́n mɛ̀n nbɩ kɩ wá mɛ̀n ɔkɔhɔ̀n ɛnhibù wú. Anwɔntan de nyɛ lɛ dɔ̀ le, mɛ dɔ́ ankà gbangbàn ku Ɔwɔ ɛwú, ɔmuhi mɛ́n dɔ̀ le, mɛ̀n dú Ɔwɔ Ẅì nɛ́n?

Zhan 11:42

Mɛ̀n nyri ɔmu le e die mɛ̀n nukù ɛnvra lɔ fɛn, tɛ́n mɛ dɔ́ ɔmu lɔ, anwrɔn hɔ̀n léyi gbrɛnkɛn mɛ̀n ɔmùan nɔn, yɔ kruhú, ô yɔ bùtan ankàẅì le vɛn de ɛ̀ wá mɛ̀n ɔkɔ̀hɔ̀n nɔn.”

Zhan 14:26

Ɔwrɔn léyi kɛ lɛ wá nyɛ̀n ɛkɔrɛ̀, Ɛnhɛ́n Prɔnprɔn léyi Dade ke le yüre m'ebɩ́mɛ̀n nɔn, ke le yé nyɛ̀n eci lɔ fɛn, kɩ ke le kore nyɛ̀n ankà lɔ fɛn léyi mɛ̀n dɔ́ nyɛ̀n nɔn.”

Zhan 17:18

Mɛ̀n wá yɔ ɔkɔhɔ̀n ɛnhibù wú hán ɔmu le ɛ̀ wá mɛ̀n ɔkɔhɔ̀n ɛnhibù wú nɔn hɔ́.

Zhan 17:21

Mɛ sɛ̀n, ô yɔ lɔ fɛn yɔ dú nzri. Dade, yɔ cɔ́ bɔ̀ mɛhi bɔ̀ bɔ̀sɔ̀, kɛ hán ɔmu le è dú mɛ̀n ɛmɛ̀n, kɩ mɛ̀n mán mɛ̀n dú mɛ́n ɛmɛ̀n nɔn hɔ́. Yɔ dú eci zri, ô ɛnhibù kè bùtan le vɛ́n de ɛ̀ wá mɛ̀n ɔkɔhɔ̀n nɔn.

Zhan 17:23

Mɛ̀n dú yɔ ɛmɛ̀n kɩ è dú mɛ̀n ɛmɛ̀n; ɔmu lɔ, ô yɔ srɔ eci-zri anvrɛnvrɛn mɛ̀n, ô ɛnhibù ke nyri ɔmu le vɛ́n de ɛ̀ wá mɛ̀n ɔkɔhɔ̀n nɔn, kɩ ɛ cƐɛn yɔ kɛ̀ hán ɔmu le ɛ̀ cüɛn mɛ̀n nɔn hɔ́.

Zhan 17:25

Dade ɛnyrɔnnan-wrɔn, ɛnhibù kè sì nyrì mɛ́n, tɛ́n mɛ̀n, mɛ̀n nyri mɛ́n, kɩ yɔ ndɔ hɔ̀n lɔ yɔ nyri ɔmu le ɛ̀ wá mɛ̀n ɔkɔhɔ̀n nɔn.

Zhan 17:8

ɔmuhi mɛ̀n tán yɔ ankà-dɔ̀ hɔ̀n léyi ɛ̀ tán mɛ̀n nɔn, kɩ yɔ cɔ́ ankà-dɔ̀ hɔ̀n lɔ. Yɔ nyri annanwɔrɛ mɛ̀n le v'eyri de mɛ́n dù mɛ và nɔn, kɩ yɔ bútan ankaẅì le vɛ́n de ɛ̀ wá mɛ̀n ɔkɔhɔ̀n nɔn.”

Zhan 3:17

Ɔwɔ kè sɩ̀ wá n'Ɛnẅì ɔkɔhɔ̀n ɛnhibù wú, ô nɛ̀n bɔ̀ ɛnhibù nwù, tɛ́n ne ji le ɛnhibù kɛ cɔ́ ebɩ̀die n'eyri.

Zhan 3:34

Ɔwrɔn léyi Ɔwɔ wá ɔkɔhɔ̀n nɔn kɛ dɔ́ Ɔwɔ-mùanwú-ankà, ɔmuhi Ɔwɔ kɛ tán nɛ̀n kokroho n'Ɛnhɛ́n lɔ nɔn.

Zhan 5:44

Nyɛ cüɛ́n ɛmrɛ́n léyi ke dú nyɛ́n dùku ny'edomɛ̀n kɛ và, kɩ nyɛ́n sɩ́ ji ɛmrɛ́n léyi ke dú Ɔwɔ yri zri kɛ và nɔn. Anwɔntan de nyɛ lɛ hán, ô nyɛ́n bùtan ankaẅì nɛ́n?

Zhan 6:57

Dade léyi wá mɛ̀n ɔkɔhɔ̀n nɔn, dú ɔkɔrɛ mɛ̀n kɩ mɛ́n kɔrɛ̀ mɛ̀n dú nɛ̀n ɛmɛ̀n; hɩ zri lɔ, ɔwrɔn léyi kɛ rá mɛ̀n nɔn, nɛ́n kɔrɛ̀ nɛ̀n dú mɛ̀n ɛmɛ̀n.

Zhan 7:29

Mɛ tɛn, mɛ̀n nyri nɛ̀n, ɔmuhi n'ɛtɛ̀sɛ̀n de mɛ́n dù mɛ và nɔn, kɩ nɛ́n de nɛ̀n wá mɛ̀n ɔkɔ̀hɔ̀n nɔn.”

Zhan 8:19

Yɔ yrɛ nɛ̀n le: “Tɛyri ezi dùɛ?” Zhezü mrɛ́n ɔmùan le: “Nyɛ́n sɩ̀ nyrì, mɛ̀n mán Dade mɛhi; ke dú kɛ nyɛ́n nyri mɛ̀n hô, nye le nyri Dade mán.”

1 Korɛntɛ̀n anmàn-bɔ̀ 15:34

Nyɛ́n vru ɛmɛẅi nyɛ́n vá ankà-nyriemɛ̀n, hán ɔmu le ke ji le kè dù nɔn hɔ́, ô nyɛ́n bɩ́ vru hán ɛgbàn. Mɛ dɔ́ ankà lɔ ny'anvɛvrà kruhú: ny'ɛmɛ̀n lɔ anwrɔn ndɔ hɔ̀n kè sɩ̀ nyrì Ɔwɔ.

1 Korɛntɛ̀n anmàn-bɔ̀ 8:4

Nyàn ankà-yrɛ lɔ: ɛkɔrɛ̀-levri ke le dù yɛ rá ɔnɔ̀n-ẅia léyi ye ce antɛ̀-buri-wɔ hɔ̀n nɛ́n? Bɔ́ nyri anvrɛnvrɛn mɛ̀n le antɛ̀-buri-Wɔ hɔ̀n kè sɩ̀ dù annanwɔrɛ ci zriɛmɛ́n ɛnhibù wú, kɩ Ɔwɔ zri kɩ dù.

2 Korɛntɛ̀n anmàn-bɔ̀ 4:6

Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.

Filipɛ̀n anmàn-bɔ̀ 3:10

Eci lɔ fɛn léyi me ji nɔn, dú hɩ le me le nyri Krisì mán n'owúemɛ̀n-dùfrɔ́ kɔrɛ̀srɔn lɔ, mɛ̀n dú m'ɛgbànkàn hɔ̀n lɔ mɛ̀n, ô mɛ̀n dù mɛ̀n cá nɛ̀n, n'owù lɔ mɛ̀n,

Filipɛ̀n anmàn-bɔ̀ 3:8

Kɩ mɛ nyan eci totɔtɔ̀n kɛ hán ɛzrɛ́n-ci, anvrɛn vri ndɔ lɔ zìwú: mɛ̀n nyri Zhezü Krisì m'ɛẅɛnwrɔn, nɛ́n léyi n'ɛkruhú mɛ́n tecüe mɛ́n dùku mɛ́n vɔ̀nshɛ́ ci; mɛ nyan eci ndɔ lɔ fɛn kɛ hán anwrɔ̀n-ci hɔ́, ô mɛ̀n cɔ́ Krisì,

1 Tesalonikɛ̀n anmàn-bɔ̀ 1:9

Yɔ lɔ fɛn, yɔ dɔ́ ɔmu le nyɛ́n ẅɛn bɔ̀ ɛnvra léyi bɔ̀ hɔ́n ny'anmàn mán ɔmu le nyɛ́n hán nyɛ́n tecüe antɛ̀-buri-Wɔ, hɩ nyɛ́n crɛ ezì nyɛ́n kɛ́n Ɔwɔ, ô nyɛ́n srɔ n'eci-bɩ̀tan-bɔ̀, nɛ́n léyi nɛ̀n dú Ɔwɔ kɔrɛkɔrɛ mán annanwɔrɛ nɔn.

2 Tesalonikɛ̀n anmàn-bɔ̀ 1:8

nɛ lɛ vá ɛnhyà wɔnsɛ́n mɛ̀n, ô nɛ̀n hán anwrɔn hɔ̀n léyi kɛ kɔrɔ ke sɩ́ ji kè nyri Ɔwɔ, hɩ ke sɩ́ ẅɛn bɔ́ Ɛẅɛnwrɔn Zhezü Mɛẅi ankà Ankrankran lɔ kɛ hɛ́n hàn nɔn, ɛgbàn.

Ebre-bɔ̀ 3:1

Nmàn-ẅì hɔ̀n, nyɛ́n dú Ɔwɔ tɛn, nɛ́n léyi nɛ̀n bi nyɛ̀n nɔn. Zɛtɛn, nyɛ́n bɩ́ Zhezü kɛ̀ hán Ɔwɔ kɔ̀hɔ̀n-wá-wrɔn mán ankaẅìbùtan-cice-wrɔn cüìcüì léyi bɔ́ sɔ́n lele bɔ́ tán nɔn.

2 Piɛrɛ̀n 1:2

Nboafɔ̀n mán anwɔwɔ bobrebe kɛ và cɔ́ nyɛ̀n, Ɔwɔ mán bɔ́ Ɛẅɛnwrɔn Zhezü nyrì annanwɔrɛ mɛ̀n.

2 Piɛrɛ̀n 1:3

N'Ɔwɔ kɔrɛ̀srɔn mɛ̀n lɔ, Ɛẅɛnwrɔn tán bɔ̀ eci lɔ fɛn léyi ke ji, ô bɔ́ ɛwúvà kè dú Ɔwɔ mɛ̀n; nɛ̀n hán bɔ̀, bo nyri ɔwrɔn léyi bi bɔ̀, bɔ̀ và dú nɛ́n dùku n'eci-zrɔ mán n'ɛzrɔ lɔ mɛ̀n.

2 Piɛrɛ̀n 1:8

Ndɔ lɔ de dú eci-hán léyi ke ji kè dú ny'edùci, kɩ ke dú kɛ nyɛ ẅɛn yɔ, yɔ cüɛn, yɔ lɛ srɔ nyɛ̀n edùyi-bɔ̀ kɩ yɔ lɛ hán nyɛ̀n nyɛ́n hɔ́n ezì, bɔ́ Ɛẅɛnwrɔn Zhezü Krisì nyrì lɔ mɛ̀n.

1 Zhan 1:2

Ɛwúvà ndɔ lɔ yé n'edomɛ̀n kɩ bɔ̀ kán nɛ̀n; bo di nɛ́n dalɛfuɛ kɩ hɩ le kruhú de bɔ́ dɔ́ ɛwúvà-kɔrɛ̀ ankà, nɛ́n léyi nɛ̀n dú Ɔwɔ Zi ɛtɛ̀sɛ̀n kɩ ye yé bɔ̀ nɛ́n.

1 Zhan 1:3

Eci léyi bɔ́ kàn, mán ankà léyi bɔ̀ yá nɔn, nyɛ́n mán bɔ́ dɔ́ tán nyɛ̀n; ɔmu lɔ de nyɛ lɛ cɔ́ bɔ̀ bò dú ɔbɔ̀sɔ̀ léyi bɔ̀ ẅɛn Ɔwɔ Zi mán n'Ɛnẅì Zhezü-Krisì mɛ̀n nɔn.

1 Zhan 2:23

Annanwɔrɛ mɛ̀n lɔ, ɔwrɔn léyi ke sɩ́ ji kè nyri Ɔwɔ Ẅì nɔn, ɛnvra zri lɔ mɛ̀n, nɛ́n sɩ́ ji nɛ̀n nyri Ɔwɔ Zi mán; Ɔwrɔn léyi ke nyri Ɛnẅì nɔn, nɛ cɔ́ Ɔwɔ Zi mán.

1 Zhan 4:6

Tɛ́n bɔ́, bò dú Ɔwɔ tɛn. Ɔwrɔn léyi nyri Ɔwɔ nɔn, ke die bɔ̀ nukùɛ; ɔwrɔn léyi kè sɩ̀ dù Ɔwɔ tɛ̀n nɔn, nɛ́n sɩ́ die bɔ̀ nukùɛ. Ɔmu lɔ de bɔ́ le nyri eci léyi dú annanwɔrɛ Hɛ́n mán ɛnhɛ́n léyi dú ɛzɛ́n mɛ̀n nɔn.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.