Zhan 17:2 - Ɛmɛẅi ankà ankrànkràn 2003

² Ɔmuhi ɛ̀ tán nɛ̀n ɛkɔrɛ̀srɔn anwrɔnẅì lɔ fɛn wú, ô nɛ̀n hán anwrɔn lɔ fɛn léyi ɛ̀ tán nɛ̀n nɔn, kɛ̀ cɔ́ ɛwúvà léyi ke sɩ́ trɔa nɔn.

Zhan 17:2 Iomraidhean Croise

Matie 11:27

Dade wá mɛ̀n eci lɔ fɛn antamɛ̀n. Ɔwrɔn zriɛmɛ́n ke sɩ̀ nyri Ɛnẅì lɔ ke dú kɛ kè sɩ̀ dù Ɛnẅì-nɛ́n-zi, kɩ ɔwrɔn zriɛmɛ́n ke sɩ̀ nyri Ɛnẅì-nɛ́n-zi ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ tán kè nyrì nɔn.

Matie 25:46

Kɩ yɔ lɛ hɔ̀n di ɛgbàn-wɔɛ̀n léyi ke sɩ́ trɔa nɔn, tɛ́n yɔ hɔ̀n léyi hán Ɔwɔ kɔrɛ̀zì-ci nɔn, kɛ lɛ hɔ́n ɛwúvà léyi ke sɩ̀ ẅɛ̀n ɛnkru-trɔ nɔn mɛ̀n.”

Matie 28:18

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

Zhan 17:24

Dade, ɛ̀ tán mɛ̀n yɔ, kɩ mɛ cüɛ̀n le yɔ dú mɛ̀n ɛtɛsɛ̀n ɛyri léyi me le dù nɔn, ô yɔ kán m'eci-zrɔ lɔ, eci-zrɔ léyi ɛ̀ tán mɛ̀n nɔn, ɔmuhi ɛ̀ cüɛn mɛ̀n yakɛ yɛ hán ɛnhibù nɔn.

Zhan 17:6

Anwrɔn hɔ̀n léyi ɛ̀ mrɛ́n ɛnhibù wú ɛ̀ tán mɛ̀n nɔn, mɛ̀n hán yɔ, yɔ nyri mɛ́n. Yɔ dú vɛ tɛn, ɛ̀ tán mɛ̀n yɔ, kɩ yɔ die v'ankà-dɔ̀ nukùɛ.

Zhan 17:9

“Mɛ sɛ́n mɛ́n, tán yɔ. Mɛ́n sɩ́ sɛ́n mɛ́n tán ɛnhibù, tɛ́n mɛ sɛ́n tán anwrɔn hɔ̀n léyi ɛ̀ tán mɛ̀n nɔn, ɔmuhi yɔ dú vɛ tɛn nɔn.

Zhan 3:35

Ɛnẅì nɛ́n zi kɛ cüɛ́n Ɛnẅì, kɩ tán nɛ̀n ɛkɔrɛ̀srɔn eci lɔ fɛn mɛ̀n.

Zhan 4:14

tɛ́n ɔwrɔn léyi ke le mi ɛnshi léyi mɛ lɛ tán nɛ̀n nɔn, ɛnshi mùanwù ke sɩ̀ vru ẅɛn nɛ̀n mrìmrì. Ɔmuhi, ɛnshi léyi mɛ lɛ tán nɛ̀n nɔn, kɛ lɛ srɔ ɛnshi-bɛ léyi ɛwúvà léyi ke sɩ̀ trɔa nɔn ke le dú nɛ̀n ɛmɛ̀n kɛ̀ gbɛ́ nɔn.”

Zhan 6:27

Nyɛ́n bɩ́ hán ɛci-zî léyi kɛ jrɛ́ nɔn, n'ɔkɔhɔ̀n, tɛ́n nyɛ́n ji ɛci-zî léyi dú ɛnvra lɔ fɛn, hɩ kɛ tán ɛwúvà léyi ke sɩ́ trɔa nɔn. Ɛci-zî ndɔ lɔ, ɔwrɔnẅì Ẅì kɛ lɛ tán nyɛ̀n nɛ́n, ɔmuhi Ɔwɔ Zi di nɛ̀n n'ɛkorɛ̀srɔn nrɛ̀n edomɛ̀n nɔn.”

Zhan 6:37

Anwrɔn hɔ̀n léyi Dade kɛ tán mɛ̀n nɔn, ɔwrɔnwrɔn kɛ lɛ vá m'eyri, kɩ mɛ́n sɩ̀ wrɔ́ ɔwrɔn léyi kɛ vá m'eyri nɔn mrìmrì;

Zhan 6:39

Nyàn eci léyi ɔwrɔn léyi wá mɛ̀n ɔkɔhɔ̀n, ke jɩ nɔn: Ke sɩ́ ji le, anwrɔn hɔ̀n léyi nɛ̀n tán mɛ̀n nɔn ɛnzriemɛ́n kɛ̀ zrɛ́n, tɛ́n ke ji le, yɔ lɔ fɛn, mɛ̀n hán yɔ, yɔ dú owú-bɔ̀ mɛ̀n yɔ vá ɔkɔrɛ-bɔ̀ mɛ̀n ɛmɛẅi trɔ bì lɔ.

Rɔmɛ̀n-anmàn-bɔ̀ 6:23

Ɔmuhi ɛgbàn wɔ̀ɛn-dì dú owù nɔn; tɛ́n ecice-ci léyi Ɔwɔ kɛ tán ankora nɔn, dú ɛwúvà léyi ke sɩ́ trɔa, hɩ dú bɔ́ mán Zhezü Krisì bɔ́ Ɛẅɛnwrɔn mɛhi b'ɔbɔ̀sɔ̀ lɔ mɛ̀n nɔn.

1 Korɛntɛ̀n anmàn-bɔ̀ 15:25

Ɔmuhi ke ji le Krisì kɛ̀ ẅɛn ɛyri hàn kɩ kɛ̀ krɔn ɛnvra léyi Ɔwɔ kɛ lɛ hán n'egbri-bɔ̀ lɔ fɛn kè cüe nɛ̀n annantrɛ̀ mɛ̀n hán nɔn.

Efɛzɛ̀n anmàn-bɔ̀ 1:20

Ɛnvra léyi nɛ̀n bɩ́ Krisì owú-bɔ̀ mɛ̀n nɛ̀n sɩ́ ɔkɔrɛ-bɔ̀ mɛ̀n kɩ nɛ̀n hán yi yɛ́ nɛ̀n ezì-kɔrɛ̀a anhobɩ́ anmàn nɔn.

Filipɛ̀n anmàn-bɔ̀ 2:10

Nɛ̀n ji ɔmu le, ɛnvra léyi yɛ lɛ mrɛ́n Zhezü bɩ lɔ nɔn, ɛci hɔ̀n lɔ fɛn léyi dú ɔkɔrɛ mɛ̀n, anhobɩ́, ɛnhi mán ɛnhibɩ́ nɔn, kɛ̀ shran annankruemɛ̀n,

Kpàkpà timote 1:16

tɛ́n hɩ le kruhú de Ɔwɔ nyri mɛ̀n ɛnhyɔ̀bɔ̀ nɔn: nɛ̀n ji ɔmu le, Zhezü Krisì kè yé le mɛ̀n dú ɛgbàn-hán-wrɔn vri, hɩ le kruhú de ne yé n'ɛnbɔrɛ-ẅɛ̀n-hɛ́n kè dú sɛnpò kɛ tán anwrɔn hɔ̀n léyi ɛnbi tɔ̀n, ke le bú n'ankà kɛ̀ tán ankaẅì, kɩ kɛ lɛ cɔ́ ɛwúvà léyi ke sɩ́ trɔa nɔn.

Ebre-bɔ̀ 1:2

tɛ́n zɛtɛ lɔ, ɛnvra trɔ mùan mɛ̀n lɔ, nɛ̀n dɔ́ bɔ̀ ankà n'Ɛnẅì Zhezü mɛ̀n. N'ɛmɛ̀n de Ɔwɔ hán eci lɔ fɛn nɔn, kɩ nɛ́n de Ɔwɔ wá nɛ̀n ɛci hɔ̀n lɔ fɛn, y'ɛẅɛnwrɔn nɔn.

1 Piɛrɛ̀n 3:22

nɛ́n léyi nɛ̀n hɔ́n anhobɩ́, nɛ̀n yɛ́ Ɔwɔ ezì-kɔrɛ̀a, nanvrɛn de nɛ̀n ẅɛn ɛyri Ɔwɔ kùyüre-bɔ̀ mán anhobɩ́ kɔrɛ̀srɔn-bɔ̀ wú nɔn.

1 Zhan 1:2

Ɛwúvà ndɔ lɔ yé n'edomɛ̀n kɩ bɔ̀ kán nɛ̀n; bo di nɛ́n dalɛfuɛ kɩ hɩ le kruhú de bɔ́ dɔ́ ɛwúvà-kɔrɛ̀ ankà, nɛ́n léyi nɛ̀n dú Ɔwɔ Zi ɛtɛ̀sɛ̀n kɩ ye yé bɔ̀ nɛ́n.

1 Zhan 2:25

Kɩ nyàn eci léyi Krisì wá ɔmùan kɛ̀ tán bɔ̀ nɔn: ɛwúvà léyi ke sɩ́ trɔa nɔn.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.

Zhüdɛ̀n 1:21

Nyɛ́n yɛ́ Ɔwɔ cüɛ̀n lɔ mɛ̀n, hàn kɩ kɛ̀ cɔ́ ɛnvra léyi bɔ́ Ɛẅɛnwrɔn Zhezü-Krisì yɔ̀bɔ̀-nyriemɛ̀n lɔ, kɛ lɛ tán nyɛ̀n ɛwúvà léyi ke sɩ́ trɔa nɔn.