Biblia Todo Logo
Bìoball air-loidhne

- Sanasan -




Zhan 16:7 - Ɛmɛẅi ankà ankrànkràn 2003

7 Ɔmu tɛ̀kɩ, mɛ̀n dɔ́ nyɛ̀n ankà annanwɔrɛ: zrɔ tán ɔmu le nyɛ kruhú mɛ̀n hɔ̀n, ɔmuhi, ke dú kɛ mɛ̀n sɩ̀ hɔ̀n hàn hô, ɔwrɔn léyi kɛ lɛ wá nyɛ̀n ɛkɔrɛ̀ nɔn, ke sɩ̀ vá nyɛ̀n ɛtɛsɛ̀n. Tɛ́n, ke dú kɛ mɛ hɔ̀n hô, me le yüre nyɛ̀n nɛ́n.

Faic an caibideil Dèan lethbhreac




Zhan 16:7
19 Iomraidhean Croise  

Kɩ mɛ́n dùku me le yüre nyɛ̀n eci léyi Dade wá ɔmùan nɔn. Tɛ́n ke ji le nyɛ́n yɛ́ anmàn, hàn kɩ kɛ cɔ́ ɛnvra léyi anhobɩ́ kɔrɛ̀srɔn lɔ kɛ lɛ kàkɛ nyɛ̀n ɛwú nɔn.”


Me kro nyɛ̀n le, Eli vra lɔ, ɛngrɔn-wúyɔ̀ bobrebe dú Izraɛlɛ̀n, ɛnvra léyi ɛnshi kè sɩ̀ nàn ɛnnanwàn krú anhɔ̀n mán ɛcá, kɩ ebrɛ̀ vri tɔ̀n kɛ́ anmàn lɔ fɛn wú.


Mɛ dɔ́ nyɛ̀n ankàẅì annànwɔrɛ mɛ̀n le: anwrɔn hɔ̀n léyi dú ɛnu lɔ nɔn, ɛnjanbɔ̀ ke sɩ̀ wù, ke dú kɛ yɔ sɩ̀ kàn Anhobɩ́ Nɛ̀ncüì-dúyri lɔ.”


Ɔwrɔn léyi kɛ lɛ wá nyɛ̀n ɛkɔrɛ̀, Ɛnhɛ́n Prɔnprɔn léyi Dade ke le yüre m'ebɩ́mɛ̀n nɔn, ke le yé nyɛ̀n eci lɔ fɛn, kɩ ke le kore nyɛ̀n ankà lɔ fɛn léyi mɛ̀n dɔ́ nyɛ̀n nɔn.”


Nyɛ́n yá mɛ̀n dɔ́ nyɛ̀n le: mɛ hɔ̀n, tɛ́n me le vru mɛ̀n vá nyɛ̀n ɛmɛ̀n. Ke dú kɛ nyɛ cüɛn mɛ̀n hô, pɔpüɛ̀ kɛ lɛ brá nyɛ̀n, ɔmuhi nyɛ́n nyri ɔmu le, mɛ hɔ́n Dade tɛsɛ̀n, ɔmuhi Dade sevri vrán mɛ̀n nɔn.


Kɩ ɛnvra léyi mɛ lɛ hɔ̀n mɛ̀n hán ɛyri lɔ nɔn, me le vru mɛ̀n và kɩ me le bɩ́ nyɛ̀n mɛ̀n sɩ́ ɛtɛ̀sɛ̀n, ô ɛyri léyi mɛ́n dù nɔn, nyɛ́n mán nyɛ́n dú nanvrɛn.


“Ɔwrɔn léyi kɛ lɛ wá nyɛ̀n ɛkɔrɛ̀ nɔn kɛ lɛ và: nɛ́n de nɛ̀n dú annanwɔrɛ Hɛ́n léyi dú Dade yri kɛ và nɔn. Me le yüre nyɛ̀n nɛ́n, Dade bɩmɛ̀n, kɩ ne le di mɛ̀n dalɛfuɛ.


Kɩ ɛnvra léyi nɛ lɛ và nɔn, nɛ lɛ hán tán ɛnhibù kè nyrì le, yɔ zɛ́n ɛgbàn-ankà wú, ɛnyrɔnnan-ankà wú mán Ɔwɔ mrɛ̀n-cì-ankà wú.


Zhezü kɛ dɔ́ Ɛnhɛ́n Prɔnprɔn léyi, anwrɔn hɔ̀n léyi ke bú n'ankà kɛ tán ankaẅì kɛ lɛ cɔ̀ nɔn yi ankà. Hɩ vra lɔ mɛ̀n, Ɛnhɛ́n Prɔnprɔn kɛ vá và, ɔmuhi Zhezü kɛ vá bru n'eci-zrɔ lɔ mɛ̀n nɔn.


Zɛtɛn Piɛrɛ̀n bɩ́ ankà-dɔ̀ kɩ dɔ̀ le: “Zɛtɛ̀ lɔ, me nyri annanwɔrɛ le Ɔwɔ ke sɩ́ hán eci kɛ vɛ́n ɔwrɔn zriɛmɛ́n tɛ̀sɛ̀n:


Ye sɩ́ nɛ̀n ɛwú, nɛ̀n yɛ́ Ɔwɔ zì-kɔrɛ̀ kɔrɛ̀a, kɩ nɛ̀n cɔ́ Ɔwɔ tamɛ̀n Ɛnhɛ́n Prɔnprɔn léyi yɛ wá ɔmùan nɔn; nɛ́n bonyi Ɛnhɛ́n Prɔnprɔn ndɔ lɔ bɔ́ ɛwú, kɩ hɩ de dú eci léyi nyɛ kàn kɩ nyɛ yá zɛtɛ̀ lɔ nɔn.


Bɔ́ nyri ɔmu le ɛci hɔ̀n lɔ fɛn dú anvrɛn tán anwrɔn hɔ̀n léyi Ɔwɔ kɛ cüɛ̀n nɔn, mán anwrɔn hɔ̀n léyi nɛ̀n bi kè dú n'ankɔnda kɔ̀hɔ̀n lɔ mɛ̀n nɔn.


Obòtò léyi bɔ́ cɔ́ ɛnvra ndɔ lɔ mɛ̀n nɔn, wole vrán eci-zrɔ bobrebe léyi ke sɩ́ trɔa, ɔmuhi nɛ̀n ẅɛn vɔ̀nshɛ́ vri, kɩ nɛ sán hán bɔ̀ nɔn.


Lean sinn:

Sanasan


Sanasan