Zhan 16:5 - Ɛmɛẅi ankà ankrànkràn 2003

⁵ Zɛtɛ̀ lɔ, mɛ hɔ́n ɔwrɔn léyi wá mɛ̀n ɔkɔhɔ̀n nɔn n'ɛtɛsɛ̀n kɩ, ny'ɛmɛ̀n lɔ, ɔwrɔn zriɛmɛ́n ke sɩ́ yrɛ mɛ̀n le: ‘Tɛyri ɛ hɔ̀n hàn?’

Zhan 16:5 Iomraidhean Croise

Zhan 13:3

Zhezü dùkú mán nyri ɔmu le Ɔwɔ yri de nɛ́n dù nɛ và nɔn, kɩ ne le vru nɛ̀n hɔ́n Ɔwɔ yri, kɩ Ɔwɔ wá ɛci lɔ fɛn n'ɛkɔrɛ̀srɔn wú.

Zhan 13:36

Simɔn Piɛrɛ̀n ke yrɛ Zhezü le: “Ɛẅɛnwrɔn, tɛyri ɛ hɔ̀n hàn?” Zhezü mrɛ́n nɛ̀n ɔmùan le: “E sɩ̀ kɛ́n mɛ̀n ɛsɛ̀n zɛtɛ̀ lɔ ɛyri léyi mɛ hɔ̀n nɔn rɔ́, tɛ́n ke le bɩ́ ɛnvra, yakɛ ɛ lɛ kɛ́n mɛ̀n ɛsɛ̀n.”

Zhan 14:28

Nyɛ́n yá mɛ̀n dɔ́ nyɛ̀n le: mɛ hɔ̀n, tɛ́n me le vru mɛ̀n vá nyɛ̀n ɛmɛ̀n. Ke dú kɛ nyɛ cüɛn mɛ̀n hô, pɔpüɛ̀ kɛ lɛ brá nyɛ̀n, ɔmuhi nyɛ́n nyri ɔmu le, mɛ hɔ́n Dade tɛsɛ̀n, ɔmuhi Dade sevri vrán mɛ̀n nɔn.

Zhan 16:10

yɔ zɛ́n ɛnyrɔnnan-ankà wú, ɔmuhi mɛ hɔ́n Dade tɛsɛ̀n, kɩ nyɛ́n sɩ̀ vru kán mɛ̀n hàn;

Zhan 16:16

“Ɛnvra cá mɛ̀n nyɛ́n sɩ̀ vru kán mɛ̀n, kɩ ɛnvra cá kɛ lɛ vàcì, kɩ nyɛ lɛ kán mɛ̀n.”

Zhan 16:17

Zhezü sɛnkɛn-bɔ̀ jan zɛtɛn ke yrɛ y'edomɛ̀n le: “Ndɔ lɔ n'ɛmɛ̀n dú tɛtan? Nɛ dɔ́ bɔ̀ le: ‘Ɛnvra cá mɛ̀n nyɛ́n sɩ̀ vru kán mɛ̀n, kɩ ɛnvra cá kɛ lɛ vàcì, kɩ nyɛ lɛ kán mɛ̀n’, ne vru nɛ dɔ̀ le: ‘Ɔmuhi mɛ hɔ́n Dade tɛsɛ̀n nɔn’.

Zhan 16:28

Mɛ̀n dú Dade yri mɛ́n và kɩ mɛ̀n vá ɛnhibù wú. Zɛtɛ̀ lɔ mɛ cɔhɔ́ ɛnhibù wú kɩ mɛ hɔ́n Dade tɛ̀sɛ̀n.”

Zhan 17:13

Tɛ́n zɛtɛ̀ lɔ mɛ hɔ́n v'eyri. Mɛ dɔ́ ɔmu lɔ, ɔmuhi mɛ̀n vru mɛ̀n dú ɛnhibù wú nɔn, ô yɔ cɔ́ yɔ dùku y'ɛmɛ̀n lɔ mɛ́n pɔ̀püɛ̀-brà, pɔ̀püɛ̀-brà léyi sá nmù nɔn.

Zhan 17:4

Mɛ̀n yé v'eci-zrɔ lɔ ɛnhibù wú; ɔkɔhɔ̀n léyi ɛ̀ tán mɛ̀n nɔn, mɛ̀n hán trɔ.

Zhan 6:62

Zɛtɛn ecitan de kɛ lɛ wɔɛ̀n ke dú kɛ nyɛ kán ɔwrɔnẅì Ẅì ke vru ɛmɛẅi kɛ hɔ́n ɛyri léyi nɛ́n gɔ́ dù nɛ́n và nɛ́n?

Zhan 7:33

Zhezü kɛ dɔ̀ le: “Mɛ̀n vru mɛ̀n dú nyɛ̀n ɛmɛ̀n ɛnvra cá mɛ̀n, kɩ mɛ lɛ hɔ̀n cɔ́ ɔwrɔn léyi wá mɛ̀n ɔkɔhɔ̀n mɛ́n và nɔn.

Ebre-bɔ̀ 1:3

Ɛnẅì lɔ ke yé Ɔwɔ vrisì ci-zrɔ lɔ, nɛ́n dù nɛ̀n hán ɔmu le Ɔwɔ dù nɔn, n'ankà-dɔ̀ kɔrɛ̀srɔn mɛ̀n lɔ, nɛ̀n ẅɛn n'ɛkɔrɛ̀-ci lɔ fɛn nɛ̀n hɛ́n. Ɛnvra léyi nɛ̀n juru anwrɔnẅì hɔ̀n ɛgbàn edomɛ̀n trɔ nɔn, nɛ̀n yɛ́ anhobɩ́ ɛkɔrɛ̀srɔn Wɔ zì-kɔrɛ̀-kɔrɛa.

Ebre-bɔ̀ 12:2

Bɔ̀ crɛ anvɛ̀ bɔ̀ kɛ́n Zhezü, nɛ́n léyi b'ankaẅìbùtan kɛ crɛ nyan nɛ̀n, ɛnkrubɔmɛ̀n hàn mán ɔtrɔmɛ̀n nɔn. Nɛ́n shrì nɛ̀n wú ɛgbàn-hán-tɛ̀ wú, kɩ anvɛvrà wù ndɔ lɔ, nɛ̀n sɩ̀ mrɛ̀n yi ankà zriɛmɛ́n, ɔmuhi nɛ̀n kán pɔpüɛ̀ léyi yɛ wá yɛ hɛ́n nɛ̀n hàn nɔn; kɩ zɛtɛ̀ lɔ nɛ̀n yɛ́ Ɔwɔ-gbútòbù lɔ n'ezìkɔrɛ̀ kɔrɛ̀a.