Zhan 16:2 - Ɛmɛẅi ankà ankrànkràn 2003

² Yɛ lɛ wrɔ́ nyɛ̀n Ɔwɔ-sɛ́n-wɔn hɔ̀n lɔ mɛ̀n. Kɩ ɔmu lɔ, ɛnvra kɛ lɛ và, zɛtɛn anwrɔn hɔ̀n léyi ke le wri nyɛ̀n nɔn, ke le tro le Ɔwɔ kɔhɔ̀n de yɔ hán ɔmu lɔ nɔn.

Zhan 16:2 Iomraidhean Croise

Matie 10:28

Nyɛ́n bɩ́ sú anwrɔn hɔ̀n léyi ke wri edùwrú, tɛ́n ke sɩ́ wri ɛnhɛ́n rɔ́a nɔn; tɛ́n nyɛ́n sú Ɔwɔ léyi ke le wri edùwrú mán ɛnhɛ́n tɛ̀, ɛnhyà léyi ke sɩ̀ zɛ́n hán nɔn mɛ̀n.

Matie 24:9

Zɛtɛn anwrɔn ke le bɩ́ nyɛ̀n kɛ tán yɔ, ô yɛ hán nyɛ̀n nyɛ́n di ejüe kɩ ye le di nyɛ̀n owúemɛ̀n. Fɛcüè lɔ fɛn ke le gbri nyɛ̀n m'ɛkruhú.

Lükɛ̀n 6:22

Nyɛ́n dú ɛnbɔrɛbruemɛ̀n, ke dú kɛ anwrɔn ke gbri nyɛ̀n, yɛ wrɔ́ nyɛ̀n ze, yɛ wra nyɛ̀n, ɔwrɔn-ẅì Ẅì kruhú.

Zhan 12:42

Ɔmu tɛ̀kɩ Zhüifɛ̀n-bɔ̀ cüìcüì hɔ̀n lɔ, yɔ dùku mán, anwrɔn bobrebe bú Zhezü ankà tán ankaẅì. Tɛ́n, Ɔwɔ-nyanmàn-sùva-wá-bɔ̀ kruhú de yɔ sɩ́ dɔ́ yɔ sɩ́ ɛwú, ô ye bɩ́ wrɔ́ yɔ Ɔwɔ-sɛ́n wɔn lɔ mɛ̀n.

Zhan 16:25

“Mɛ̀n dɔ́ nyɛ̀n ankà ndɔ hɔ̀n lɔ fɛn nyandrɛn mɛ̀n. Ɛnvra kɛ lɛ và kɩ mɛ́n sɩ̀ vru dɔ́ nyɛ̀n ankà nyandrɛn mɛ̀n, tɛ́n hɩ vra lɔ, mɛ lɛ dɔ́ nyɛ̀n kpete mɛ̀n Dade ankà.

Zhan 16:32

Kɛ zrɔ, ɛnvra kɛ và, kɩ ɛnvra lɔ mán cɔ̀a, hɩ vra lɔ nyɛ́n lɔ fɛn nye le bonyì, ɔwrɔn wrɔn ke le dú n'anwɔn mɛ̀n, kɩ nye le teze mɛ́n zriɛ. Hɔ̂, annanwɔrɛ mɛ̀n, mɛ́n sɩ̀ dú mɛ́n zri, ɔmuhi Dade mɛhi bɔ́ dù nɔn.

Zhan 4:21

Zhezü mrɛ́n nɛ̀n ɔmùan le: “È Bú m'ankà ɛ̀ tán ankaẅì, ɛnvra kɛ lɛ và, nyɛ́n sɩ̀ vru sɛ́n Ɔwɔ ɛnkpò ndɔ lɔ wú mán Zherüzalɛmɛ̀n anmàn.

Zhan 4:23

Tɛ́n ɛnvra kɛ và, kɩ ɛnvra lɔ mán cɔ̀a, kɩ Ɔwɔ-sɛ́n-bɔ̀ annanwɔrɛ hɔ̀n lɔ, kɛ lɛ sɛ́n Ɔwɔ Zi ɛnhɛ́n mɛ̀n mán annanwɔrɛ mɛ̀n; ɔmuhi Ɔwɔ ke ji le Ɔwɔ-sɛ́n-bɔ̀ kè cüe nɛ̀n ankɔrɛ̀ ezìwú ɔmu lɔ nɔn.

Zhan 9:22

N'ɛmɛ̀n-bɔ̀ lɔ kɛ dɔ́ ɔmu lɔ ɔmuhi, yɔ sú Zhüifɛ̀n-bɔ̀ cüìcüì hɔ̀n lɔ nɔn. Annànwɔrɛ mɛ̀n lɔ ɛcüìcüì-bɔ̀ ɔmùan krɔn, ô yɔ wrɔ́ Ɔwɔ-sɛ́n-wɔn lɔ mɛ̀n, ɔwrɔn totɔtɔ̀n léyi kɛ lɛ dɔ̀ le Zhezü dú ebɩ̀die-wrɔn nɔn.

Zhan 9:34

Yɔ mrɛ́n nɛ̀n ɔmùan le: “È dú vɛ́n mùmù lɔ fɛn ɛgbàn mɛ̀n v'ebî vra hàn kɩ cɔ́ zɛtɛ̀ lɔ, kɩ e ji ɛ̀ kran ankà è yé bɔ̀a?” Kɩ yɔ wrɔ́ nɛ̀n Ɔwɔ-sɛ́n-wɔn lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 5:33

Ankà-dɔ̀-trɔ-bɔ̀ lɔ bɩ́ ɛmɛ̀nhyì ɛnvra léyi yɔ yá ankà ndɔ lɔ nɔn, kɩ yɔ ji yɔ di ɔkɔ̀hɔ̀n-wá-bɔ̀ lɔ owúemɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 7:56

Nɛ dɔ̀ le: “Nyɛ́n die nukùɛ, mɛ kán anhobɩ́ gbɛ́ ɔmùan kɩ ɔwrɔnẅì Ẅì nyɔn Ɔwɔ zì-kɔrɛ̀a.”

1 Korɛntɛ̀n anmàn-bɔ̀ 4:13

ɛnvra léyi yɛ dɔ́ ankà-gbàn ye ku bɔ̀ ɛwú nɔn, bɔ́ mrɛ́n ɔmùan ɔwá mɛ̀n. Zɛtɛ̀ lɔ ye vru ye bɩ́ bɔ̀ yɛ hán ɛnhibù wú worɛ̀n-ci, hán anwrɔnẅìemɛ̀n ci-fɔn hɔ́.

Filipɛ̀n anmàn-bɔ̀ 3:6

kɩ mɛ̀n dú ankà-tro-zri-wrɔn ɛnyànmàn ci-hán mɛ̀n, kɩ mɛ hán Ɔwɔ-fɛcüè-bɔ̀ ɛgbàn. Eci léyi dú ɛwúvà nyrɔnnan-ci, hɩ ɛnyànmàn wá nɔn, mɛ̀n dú n'ɛẅɛnmɛ̀n ɛshishiemɛ̀n.

Ɔwɔ-mɛ̀n-yrikàn 6:9

Ɛnvra léyi Ɔwɔ kɔ̀kɔ̀sɛ̀-ẅì srú ɛnriemɛ̀n ci-tɔ́n-ci lɔ nɔn, mɛ̀n kán anwrɔn hɔ̀n léyi ye wri y'ɔmùan-zri-dì kruhú Ɔwɔ ankà-dɔ́ mɛ̀n mán yɔ dalɛfuɛ ankrànkràn dìemɛ̀n nɔn, y'anhɛ́n hɔ̀n lɔ Ɔwɔ-cice-tɛbrɛ̀ krugbɛ̀n.