Zhan 16:11 - Ɛmɛẅi ankà ankrànkràn 2003

¹¹ yɔ zɛ́n ɛmrɛ̀n-cì-ankà wú, ɔmuhi yɔ gɔ́ ci ɛnhibù wú nɛ̀ncüì lɔ ɛmrɛ̀n hàn nɔn.”

Zhan 16:11 Iomraidhean Croise

Matie 12:18

“Ɔwɔ dɔ̀ le: nyàn m'eci-bɩtan-wrɔn léyi mɛ̀n mrɛ́n mɛ́n bɩ nɔn, m'ɛcüɛn-wrɔn léyi mɛ́n pɔ̀püɛ̀ lɔ fɛn dú ɛwú nɔn. Mɛ lɛ hán m'Ɛnhɛ́n kè dú nɛ̀n ɛwú kɩ nɛ lɛ dɔ́ ɛnhi wú anmàn hɔ̀n m'ɛnyrɔnnan ankà.

Matie 12:36

Mɛ dɔ́ nyɛ̀n le: ɛmrɛ̀nci bì lɔ, anwrɔn ke le di ɔwɔɛ̀n ankà gbàngbàn hɔ̀n léyi yɔ dɔ̀ nɔn hɩ wú.

Lükɛ̀n 10:18

Kɩ Zhezü kɛ dɔ́ yɔ le: “Mɛ̀n kán anwa-wrɔn dú anhobɩ́ bore hán anhobɩ́ léyi kɛ kɛ́n ɛnhyà nɔn hɔ́.

Zhan 12:31

Zɛtɛ̀ lɔ ɛnvra ndɔ lɔ mɛ̀n, de ye le ci ɛnhibù ɛmrɛ̀n nɔn; zɛtɛ̀ lɔ de yɛ lɛ wrɔ́ ɛnhibù ndɔ lɔ n'ɛnnɛncüì lɔ nɔn.

Zhan 14:30

Nyɛ́n mɛhi bɔ́ sɩ̀ vru dɔ́ ankà bobrebe, ɔmuhi ɛhibù wú nɛncüì lɔ kɛ và nɔn. Nɛ̀n sɩ̀ ẅɛn ɛkɔrɛ̀srɔn zriɛmɛ́n m'ɛwú,

Zhan 16:12

“Mɛ̀n vru mɛ̀n ẅɛn ankà bobrebe mɛ lɛ dɔ́ nyɛ̀n, tɛ́n nyɛ́n sɩ̀ ẅɛn ɛnbɔrɛ nyɛ́n hɛ́n rɔ́ zɛtɛ̀ lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 10:42

Nɛ̀n wá tán bɔ̀, bɔ̀ dɔ́ fɛcüè Ɔwɔ ankà, ô bɔ̀ dɔ̀ le nɛ̀n dú ɔwrɔn léyi Ɔwɔ wá, ô kè ci ɔkɔrɛ-bɔ̀ mán owú-bɔ̀ ɛmrɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 24:25

Tɛ́n ɛnvra léyi Pɔlɛ̀n bukru kɛ dɔ́ ɛnyrɔnnan-wúvà-ankà, ɔwrɔnẅì-domɛ̀n-nyrì-ẅɛ̀n-ankà mán Ɔwɔ mrɛ̀ncì léyi dú ezì kɛ và nɔn yi ankà, Feliksɛ̀n ɛnbɔrɛ ke di ejüe kɩ kɛ dɔ́ nɛ̀n le: “Ɛkɔrɛ̀-levri dù ɛ̀ hɔ̀n. Ɛnvra léyi ɛkɔrɛ̀ ke die mɛ̀n hán nɔn, me le bi mɛ́n.”

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Rɔmɛ̀n-anmàn-bɔ̀ 16:20

Ɔwɔ, léyi dú anwɔwɔ shi-bɛ́ nɔn, kɛ lɛ boyɛ anwawrɔn wá ɛnvra buriemɛ̀n ny'annantrɛ̀ krugbɛ̀n. Ke ji le bɔ́ Ɛẅɛnwrɔn Zhezü boafɔ̀n lɔ kɛ và dú nyɛ̀n ɛmɛ̀n!

Rɔmɛ̀n-anmàn-bɔ̀ 2:16

Nyàn eci léyi kɛ lɛ wɔɛn ɛnbì léyi Ɔwɔ kɛ lɛ hán Zhezü Krisì kè ci eci-bán-ci lɔ fɛn léyi dú anwrɔnẅì wúvà lɔ mɛ̀n nɔn ɛmrɛ̀n, hán ɔmu le Ɛmɛẅi ankà Ankrànkràn lɔ kɛ dɔ̀ nɔn.

1 Korɛntɛ̀n anmàn-bɔ̀ 4:5

Hɩ le kruhú de ke sɩ́ ji le nyɛ́n ci ɔwrɔn zriɛmɛ́n ɛ̀mrɛ̀n, ke dú kɛ ɛnvra léyi yɛ wá nɔn kɛ vá cɔ̀. Nyɛ́n vrá Ɛẅɛnwrɔn kɛ̀ và: ne le sɩ́ ɛyri-kán mɛ̀n, eci léyi bán ɛyri-yɔwɔ mɛ̀n, kɩ ne le sɩ́ anwrɔnẅì ankà-tro ci-bán-ci hɔ̀n lɔ fɛn ɛntrɛ. Zɛtɛn ɔwrɔnwrɔn kɛ lɛ cɔ́ Ɔwɔ yri, ɛmrɛ́n léyi dú nɛ tɛn nɔn.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

Efɛzɛ̀n anmàn-bɔ̀ 2:2

Nyɛ hán ɛnu ɛnhi wúvà ci; nyɛ wá ɛnhɛ́n cüìcüì léyi ẅɛn ɛwú ɛkɔrɛ̀-srɔn, ɛnhɛ́n ndɔ léyi zɛtɛ̀ lɔ dú anwrɔn hɔ̀n léyi kɛ kɛ́n Ɔwɔ ezì nɔn edomɛ̀n.

Kɔlɔsèn anmàn-bɔ̀ 2:15

Ɔmu lɔ de Ɔwɔ mrɛ́n ɛnhɛ́nmɛ̀n-kɔrɛ̀-levri-bɔ̀ mán ɛkɔrɛ̀-srɔn-bɔ̀ anhà-kɔ́n-ci edomɛ̀n sɔhɔ́; nɛ̀n bɩ́ yɔ nɛ̀n yé anwrɔn lɔ fɛn kɩ nɛ̀n srɔ yɔ anwɔn-mɛ̀n-wá-bɔ̀ kɩ yɔ dú n'Ɛnẅì ci-zrɔ sùnàn lɔ ɛmɛẅi.

Ebre-bɔ̀ 2:14

Ɔmuhi ɛẅì ndɔ hɔ̀n lɔ fɛn dú anẅia mán ɛnkrɛ̀ ci nɔn, Zhezü dùku mán ndù hán yɔ hɔ́, nɛ́n mán nɛ̀n dú y'ɔwrɔnẅì wúvà lɔ mɛ̀n. Ɔmu lɔ de n'owù lɔ mɛ̀n, anwawrɔn léyi ẅɛn owú kɔrɛ̀srɔn lɔ hɛ́n nɔn, nɛ̀n bɔyɛ yi nɛ̀n wá,

Ebre-bɔ̀ 6:2

bɔ́ bɩ́ ankà-yé léyi dú ɛnshi-kruwá mán ankɔrɛ̀-ɛwú-dì ci-hán lɔ mɛ̀n, owúemɛ̀n-dùfrɔ́ mán ɛmrɛ̀ncì léyi ke sɩ́ trɔa nɔn n'ankà-dɔ̀.

Ebre-bɔ̀ 9:27

Ɔwrɔn totɔtɔ̀n dú eci léyi ke le wú ɛdɛ̀n zri kɩ Ɔwɔ ke le ci nɛ̀n ɛmrɛ̀n.

2 Piɛrɛ̀n 3:7

Hɩ le kɛ crɛ nyan anhobɩ́ mán ɛnhi léyi dú zɛtɛ nɔn, Ɔwɔ mùan-ankà-dɔ̀ zri lɔ ẅɛn yɔ hɛ́n kɛ̀ tán ɛnhyà léyi kɛ lɛ jrɛ́ yɔ nɔn. Ye bɩ́ yɔ, yɔ hɛ́n yɛ vrá ɛmrɛ̀nci bì lɔ mán ɛgbán-hán-bɔ̀ jrɛ́ vra.

1 Zhan 3:8

Ɔwrɔn léyi ke dú ɛgbàn-hán mɛ̀n nɔn, nɛ̀n dú anwawrɔn tɛn, ɔmuhi anwawrɔn hán ɛgbàn ɛnkrubɔmɛ̀n hàn hɛ́n nɔn. Ɔwɔ Ẅì srɔ ndɔ lɔ kruhú, ô kɛ̀ jrɛ́ anwawrɔn kɔrɛ̀-ci hɔ̀n lɔ.

Ɔwɔ-mɛ̀n-yrikàn 1:7

Nyɛ́n nyan, nɛ̀n dú ɛwì-gbuemɛ̀n nɛ và! Yɔ lɛ fɛn yɔ lɛ kán nɛ̀n, yɔ hɔ̀n léyi sɔ́n nɛ̀n ebisɛn nɔn mán. Ɛnhibù wú fɛcüè hɔ̀n ke le dú obòtomɛ̀n n'ɛkruhú. Hɛ̀ɛ̀, ɔmu lɔ de ke le dù nɔn! Kè dú ɔmu lɔ.