Zhan 16:10 - Ɛmɛẅi ankà ankrànkràn 2003

¹⁰ yɔ zɛ́n ɛnyrɔnnan-ankà wú, ɔmuhi mɛ hɔ́n Dade tɛsɛ̀n, kɩ nyɛ́n sɩ̀ vru kán mɛ̀n hàn;

Zhan 16:10 Iomraidhean Croise

Zhan 16:28

Mɛ̀n dú Dade yri mɛ́n và kɩ mɛ̀n vá ɛnhibù wú. Zɛtɛ̀ lɔ mɛ cɔhɔ́ ɛnhibù wú kɩ mɛ hɔ́n Dade tɛ̀sɛ̀n.”

Zhan 16:5

Zɛtɛ̀ lɔ, mɛ hɔ́n ɔwrɔn léyi wá mɛ̀n ɔkɔhɔ̀n nɔn n'ɛtɛsɛ̀n kɩ, ny'ɛmɛ̀n lɔ, ɔwrɔn zriɛmɛ́n ke sɩ́ yrɛ mɛ̀n le: ‘Tɛyri ɛ hɔ̀n hàn?’

Zhan 3:14

Ɔmu zri léyi Mohizì bɩ́ ɛtɛ̀ she kɛ́n pritù lɛbrì ɛwú ɛnnuwì nɔn, ɔmu zri lɔ de ke ji le, yɛ kɛ́n ɔwrɔnẅì Ẅì mán ɛwú nɔn,

Zhan 5:32

Tɛ́n, ɔwrɔn nyantɛ̀n de ke di mɛ̀n dalɛfuɛ kɩ me nyri ɔmu le, ankà léyi nɛ dɔ́ m'ɛwú nɔn dú annanwɔrɛ.

Zhan 7:33

Zhezü kɛ dɔ̀ le: “Mɛ̀n vru mɛ̀n dú nyɛ̀n ɛmɛ̀n ɛnvra cá mɛ̀n, kɩ mɛ lɛ hɔ̀n cɔ́ ɔwrɔn léyi wá mɛ̀n ɔkɔhɔ̀n mɛ́n và nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 17:31

Ɔmu lɔ de nɛ̀n wá ɛnbì léyi ne le ci ɛnhibù mumù lɔ fɛn ɛmrɛ̀n ɛnyrɔnnan mɛ̀n, ɔwrɔn tɔ̀n léyi nɛ̀n mrɛ́n nɛ́n bɩ nɔn n'ebɩ́mɛ̀n. Nɛ̀n hán tán anwrɔn lɔ fɛn nyrì, kɩ nɛ̀n hán ɔwrɔn ndɔ lɔ dú ɔwú-bɔ̀ mɛ̀n vá ɔkɔrɛ-bɔ̀ mɛ̀n!”

Ɔkɔ̀hɔ̀n-wá-bɔ̀ kɔ̀hɔ̀n hán 2:32

Zhezü ndɔ léyi mɛ dɔ́ n'ankà nɔn, Ɔwɔ frɔ́ nɛ̀n kɩ bɔ́ lɔ fɛn bɔ́ dú nɛ́n dalɛfuɛ-di-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 3:14

Nyɛ́n kɔ́n nɛ́n, léyi nɛ̀n dú prɔnprɔn mán ɛnyrɔnnan mɛ̀n nɔn nyɛ́n ze, kɩ nyɛ́n cüɛ̀n le ye teze nɛ́n léyi nɛ̀n dú ɔwrɔn-wri-wrɔn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 7:52

Ɔwɔ-mùanwú-ankà-dɔ́-wrɔn tán de nyɛ́n nancüì hɔ̀n ke sɩ̀ hán ɛgbàn nɛ́n? Yɔ wri anwrɔn hɔ̀n léyi dɔ́ ɛnyrɔnnan-wrɔn zri lɔ n'ɛvá ankà nɔn; kɩ zɛtɛ̀ lɔ, nɛ́n de nyɛ́n hɛ́ nɛ̀n kɩ nyɛ́n wri nɛ̀n nɔn.

Rɔmɛ̀n-anmàn-bɔ̀ 1:17

Annanwɔrɛ mɛ̀n lɔ, Ɛmɛẅi ankà Ankrankran lɔ ke yé ɔmu le Ɔwɔ kɛ tán anwrɔnẅì ɛnyrɔnnan n'ezìwú nɔn; ankaẅì-bùtan zriemɛ̀n kɩ, dú ɛnkrubɔmɛ̀n mán ɔtrɔmɛ̀n, hán ɔmu le Owrú Prɔnprɔn kɛ dɔ̀ nɔn hɔ́: “Ɔwrɔn léyi dú ɛnyrɔnnan mɛ̀n ankaẅì-bùtan-ẅɛn mɛ̀n nɔn, nɛ lɛ cɔ́ ɛwúvà.”

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

2 Korɛntɛ̀n anmàn-bɔ̀ 5:21

Krisì dú prɔnprɔn mɛ̀n, tɛ́n Ɔwɔ bɩ́ bɔ́ ɛgbàn hɔ̀n lɔ worɔ nɛ̀n, ô n'ɛmɛ̀n lɔ, bɔ̀ cɔ́ ɛwúvà-kɔrɛ̀ léyi Ɔwɔ tán n'ɔkɔ̀hɔ̀n lɔ mɛ̀n nɔn.

Galasi anmàn-bɔ̀ 5:5

Bɔ tɛn tɛ́n, bɔ̀ ẅɛn esɛ́ Ɔwɔ mɛ̀n, nɛ́n léyi nɛ lɛ srɔ bɔ̀ ɛnyrɔnnan-bɔ̀ n'ezìwú nɔn; ndɔ lɔ de bɔ́ vrá Ɛnhɛ́n Prɔnprɔn kɔrɛ̀-srɔn mɛ̀n, nɛ́n léyi nɛ tán bɔ̀ ankaẅì-bùtan nɔn.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

1 Piɛrɛ̀n 3:18

Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.