Zhan 15:8 - Ɛmɛẅi ankà ankrànkràn 2003

⁸ Nyàn ɔmu le Dade ci-zrɔ lɔ ke yé n'edòmɛ̀n nɔn: ɛnvra léyi nye shi ɛẅì bobrebe kɩ nye yé le nyɛ́n dú m'ɛsɛnkɛn-bɔ̀ nɔn.

Zhan 15:8 Iomraidhean Croise

Matie 5:16

Ɔmu lɔ de ke ji le ny'ɛyri-kàn lɔ kɛ̀ gbrɛ́n anwrɔnẅì zìwú, ô yɔ kán anvrɛn léyi nyɛ hán, ô yɔ mrɛ́n nyɛ́n Zi léyi dú anhobɩ́ nɔn.”

Matie 5:44

Tɛ́n mɛ̀n mɛ dɔ́ nyɛ̀n le: nyɛ́n cüɛn ny'egbri-bɔ̀, ô nyɛ́n sɛ̀n tán anwrɔn hɔ̀n léyi kɛ hán nyɛ̀n nye di ejüe nɔn,

Matie 9:8

Ɛnvra léyi fɛcüè kán eci ndɔ lɔ nɔn, ɛnjansù bru yɔ kɩ yɔ mrɛ́n Ɔwɔ léyi tán anwrɔnẅì ɛkɔrɛ̀srɔn ndɔ lɔ nɔn.

Lükɛ̀n 6:35

Tɛ́n mɛ dɔ́ nyɛ̀n le, nyɛ́n cüɛ́n ny'egbri-bɔ̀, nyɛ́n hán yɔ anvrɛn, nyɛ́n vɛ́n eci, ô nyɛ́n bɩ́ vrá ɔwɔrɛ̀tan. Nyɛ lɛ cɔ́ anjakpà vri, kɩ nye le dú Ɔwɔ léyi dú anhobɩ́ nɔn, n'ɛẅì hɔ̀n, ɔmuhi nɛ cüɛ́n anwrɔn hɔ̀n léyi kè sɩ̀ nyrì anvrɛn mán anbɔrɛ-bɔ̀ nɔn.

Zhan 13:35

Ke dú kɛ nyɛ cüɛn ny'edomɛ̀n hô, zɛtɛn anwrɔn lɔ fɛn ke le nyrí ɔmu le nyɛ́n dú m'ɛsɛ̀nkɛn-bɔ̀.”

Zhan 15:5

Mɛ̀n dú ɛtɛ̀, nyɛ́n dú antɛ̀da. Ɔwrɔn léyi kɛ cɔ́ mɛ̀n mɛhi bɔ́ bɔ́sɔ̀, hɩ mɛ̀n mán mɛ̀n dú nɛ̀n ɛmɛ̀n ɔbɔ̀sɔ mɛ̀n nɔn, ne shi ɛẅì bobrebe, ɔmuhi nyɛ́n sɩ̀ hán eci zriɛmɛ́n rɔ́ ke dú kɛ mɛ̀n sɩ̀ dù nyɛ̀n ɛmɛ̀n.

Zhan 8:31

Zɛtɛn Zhezü kɛ dɔ́ Zhüifɛ̀n-bɔ̀ léyi ẅɛn ankaẅì-bùtan n'ɛwú nɔn le: “Ke dú kɛ nyɛ ẅɛn m'ankà-yé lɔ ɔmùan zriemɛ̀n nyɛ hɛ́n, nyɛ́n dú m'ɛsɛnkɛn-bɔ̀ annanwɔrɛ hɔ̀n;

1 Korɛntɛ̀n anmàn-bɔ̀ 10:31

Ɔmu lɔ, ɛci nye zî hô, ɛnshi nye mi hô, eci totɔtɔ̀n léyi nyɛ hán nɔn, nyɛ́n hán fɛn kè dú Ɔwɔ ci-zrɔ tɛn.

1 Korɛntɛ̀n anmàn-bɔ̀ 6:20

nyɛ́n srɔ Ɔwɔ tɛn, nɛ̀n di yi wɔ̀ɛn. Nyɛ́n bɩ́ ny'edùwrú dùku lɔ, nyɛ́n wá Ɔwɔ ci-zrɔ ci-bɩ̀tan kɔ̀hɔn mɛ̀n.

Filipɛ̀n anmàn-bɔ̀ 1:11

Nye le di ɛnnɛ̀ncüì ny'ɛnyrɔnnan ci-hán mɛ̀n Zhezü Krisì kɔrɛ̀levriemɛ̀n, ke le dú Ɔwɔ ci-zrɔ mán n'ɛmrɛ́n mɛ̀n.

Titɛ̀n 2:10

ô yɔ yerɛ yɔ ɛci. Yɔ yé y'edomɛ̀n ɛnvra lɔ fɛn anwrɔn ankrankràn, yɔ di ɔmùan-zri, ô kè dú Ɔwɔ, bɔ́ Ebɩdie-wrɔn ankà-yé lɔ n'ezìwú gbà.

Titɛ̀n 2:5

ye dú ankà-nyri-wúyɔ̀, ô ɛnhɛ́n mɛ̀n kè fi yɔ, ye dú ebɩ́-sɔ́n-nɛ́n-muan hɔ̀n léyi ke nyri ẅɛn y'ebɩ́-sɔ̀n-bɩ́ lɔ anvrɛnvrɛn nɔn, hɩ ɛnbɔrɛ nwɔ̀, ke die yɔ cüì hɔ̀n nukùɛ, ô ɔwrɔn zriɛmɛ́n ke bɩ́ dɔ́ ɔwora ankà ke ku Ɔwɔ mùan-ankà-dɔ̀ lɔ wú.

1 Piɛrɛ̀n 2:12

Nyɛ́n ẅɛn esunàn ankrankran anwrɔn hɔ̀n léyi kè sɩ̀ nyrì Ɔwɔ nɔn y'ɛtɛ̀sɛ̀n; ɔmu lɔ de, ke dú kɛ yɔ ẅɛn ɛyɔ̀n yɔ ku nyɛ̀n ɛwú, yɔ dɔ̀ le nyɛ́n dú eci-gbàngbàn hán-bɔ̀, ô ɔtrɔ mɛ̀n lɔ, yɔ le nyri ɛci ankrankran hɔ̀n léyi nyɛ́n hán nɔn, kɩ yɔ lɛ mrɛ́n Ɔwɔ, ɛnbì léyi dú n'ɛvá bì nɔn.

1 Piɛrɛ̀n 4:11

Ɔwrɔn léyi kɛ dɔ́ ankà anvrɛnvrɛn nɔn, ke ji le nɛ̀n dɔ́ Ɔwɔ ankà; ɔwrɔn léyi ẅɛn eci-bɩtan kɔrɛ̀-wá nɔn, kè bɩ́ nɛ̀n kɛ̀ hán eci Ɔwɔ kɔrɛ̀-wá cüìemɛ̀n: ke ji le eci lɔ fɛn mɛ̀n lɔ, Ɔwɔ kɛ̀ cɔ́ eci-zrɔ Zhezü Krisì bɩmɛ̀n, nɛ́n léyi ɛkɔrɛ̀srɔn mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.