Zhan 15:7 - Ɛmɛẅi ankà ankrànkràn 2003

⁷ Ke dú kɛ nyɛ́n dú mɛ̀n ɛmɛ̀n kɩ m'ankà-dɔ̀ ke dú nyɛ̀n ɛmɛ̀n hô, nyɛ́n sán eci léyi nye ji nɔn kɩ nyɛ lɛ cɔ̀.

Zhan 15:7 Iomraidhean Croise

Matie 7:7

“Nyɛ́n sán kɩ yɛ lɛ tán nyɛ̀n; nyɛ́n ji kɩ nyɛ lɛ cɔ̀, nyɛ́n gɔ́n esù ɛkɔrɛ̀ kɩ ye le srú nyɛ̀n esù.

Zhan 14:13

Kɩ mɛ lɛ hán ɛci hɔ̀n lɔ fɛn léyi nyɛ lɛ sán m'ebɩmɛ̀n nɔn, ô Ɛnẅì kè yé nɛ́n Zi ci-zrɔ lɔ.

Zhan 15:16

Nyɛ́n sɩ̀ mrɛ́n mɛ̀n nyɛ́n bɩɛ; tɛ́n mɛ̀n, mɛ̀n mrɛ́n nyɛ̀n mɛ́n bɩ, mɛ̀n wá tán nyɛ̀n nyɛ́n hɔ̀n nyɛ́n shi ɛẅì, ɛẅì léyi kɛ ẅɛn vɔ̀nshɛ́ nɔn. Ɔmu lɔ de Dade kɛ lɛ tán nyɛ̀n eci lɔ fɛn léyi nye ji nɔn m'ebɩ́mɛ̀n.

Zhan 16:23

“Ɛnbì léyi ɛnvra ndɔ lɔ kɛ lɛ cɔ̀ nɔn, nyɛ́n sɩ̀ yrɛ mɛ̀n ankà, ankà zriɛmɛ́n wúɛ. Mɛ dɔ́ nyɛ̀n annànwɔrɛ mɛ̀n le: Ɔwɔ Zi kɛ lɛ tán nyɛ̀n eci lɔ fɛn léyi nyɛ lɛ sán nɛ̀n m'ebɩ́mɛ̀n nɔn.

Zhan 8:31

Zɛtɛn Zhezü kɛ dɔ́ Zhüifɛ̀n-bɔ̀ léyi ẅɛn ankaẅì-bùtan n'ɛwú nɔn le: “Ke dú kɛ nyɛ ẅɛn m'ankà-yé lɔ ɔmùan zriemɛ̀n nyɛ hɛ́n, nyɛ́n dú m'ɛsɛnkɛn-bɔ̀ annanwɔrɛ hɔ̀n;

Zhan 8:37

Mɛ̀n nyri ɔmu le nyɛ́n dú Abrahamɛ̀n mɛẅi-bɔ̀. Tɛ́n nye ji nyɛ́n wri mɛ̀n, ɔmuhi nyɛ́n sɩ́ ji nyɛ́n bɩ́ m'ankà-yé lɔ nɔn.

Galasi anmàn-bɔ̀ 4:2

Annànwɔrɛ mɛ̀n lɔ, nɛ̀n dú anwrɔn tamɛ̀n kɛ wá nɛ̀n esùvá kɩ kɛ wá anja ci hɔ̀n lɔ esùva hàn kɩ kɛ lɛ cɔ́ ɛnvra léyi nɛ́n zi wá tán nɔn.

Galasi anmàn-bɔ̀ 5:16

Nyàn ankà léyi mɛ́n ẅɛ̀n mɛ lɛ dɔ́ nyɛ̀n nɔn: nyɛ́n teze Ɛnhɛ́n Prɔnprɔn kɛ̀ nyrɔn ny'ɛwúvà lɔ kɩ nyɛ́n sɩ̀ vru die nyɛ́n mumù ny'ɛwúvà ankà-tro lɔ nukùɛ.

Kɔlɔsèn anmàn-bɔ̀ 3:16

Ke ji le Krisì mùan-ankà-dɔ̀ mán n'ecüì-nɛ̀ncüì-dì lɔ fɛn, kɛ̀ sɔ́n ebɩ́ ny'ɛmɛ̀n. Nyɛ́n yé ny'edomɛ̀n ankà, ô nyɛ́n bi-dɔ́ ny'edomɛ̀n ankà-nyrì anvrɛnvrɛn mɛ̀n. Nyɛ́n bɩ́ ny'ɛnbɔrɛ lɔ fɛn mán ny'enyri-kùɛn-tán, nyɛ́n krɛ́ ɛmrɛ́n cɔ̀ mán eci-zrɔ cɔ̀ hɔ̀n léyi Ɛnhɛ́n Prɔnprɔn wá nyɛ̀n ɛnbɔrɛ mɛ̀n nɔn, nyɛ́n tán Ɔwɔ.

1 Zhan 2:14

Me merɛ́n nyɛ̀n owrú, ɛẅì hɔ̀n, ɔmuhi nyɛ́n nyri Ɔwɔ Zi nɔn. Me merɛ́n nyɛ̀n owrú dàde hɔ̀n, ɔmuhi nyɛ́n nyri ɔwrɔn léyi du ɛnkrubɔmɛ̀n hàn hɛ́n nɔn. Me merɛ́n nyɛ̀n owrú sùgban-bɔ̀ ɔmuhi ecüì dú nyɛ̀n edomɛ̀n; Ɔwɔ mùan-ankà-dɔ̀ dú nyɛ̀n ɛmɛ̀n, kɩ nyɛ́n kɔ̀nká eci gbàngbàn.

1 Zhan 2:27

Nyɛ tɛn, Krisì wá nyɛ̀n n'Ɛnhɛ́n edomɛ̀n. Ɔmuhi n'Ɛnhɛ́n lɔ dú nyɛ̀n ɛmɛ̀n nɔn, nyɛ́n sɩ́ vru ji ɔwrɔn tɔ̀n kɛ̀ và kè yé nyɛ̀n ankà. Annanwɔrɛ mɛ̀n lɔ, Ɛnhɛ́n ke yé nyɛ̀n ankà lɔ fɛn, kɩ ankà léyi ne yé nɔn, dú annanwɔrɛ, kɩ kè sɩ̀ dù ɛyɔ̀n. Hɩ le kruhú de ke ji le nyɛ́n ẅɛn ɔwá nyɛ́n tán Ɛnhɛ́n ankà-yé lɔ, ô nyɛ́n mán Krisì mɛhi nyɛ́n dú ɔbɔ̀sɔ mɛ̀n.

1 Zhan 3:22

Bɔ́ cɔ́ eci lɔ fɛn léyi bɔ́ sán n'eyri, ɔmuhi bɔ́ hán n'ɛnyanmàn kɔrɛ̀zi-ci, kɩ bɔ́ hán eci léyi nɛ cüɛ̀n nɔn.

1 Zhan 5:14

Nyàn eci le kruhú léyi bɔ̀ ẅɛn esɛ́ vri Ɔwɔ zìwú: bɔ̀ nyri ɔmu le ne le die bɔ̀ nukù, ke dú kɛ bɔ́ sán nɛ̀n eci totɔtɔ̀n léyi dú n'ɛkɔrɛ̀zì-ci nɔn.