Zhan 15:6 - Ɛmɛẅi ankà ankrànkràn 2003

⁶ Ɔwrɔn léyi ke sɩ́ yɛ́ m'ɔbɔ̀sɔ̀ lɔ mɛ̀n nɔn, yɛ lɛ kɔ́n nɛ̀n ze ɛntrɛa kɛ hán ɛtɛ̀da hɔ́, kɩ ne wrú; antɛ̀da wrú hɔ̀n lɔ, yɛ yura yɔ, yɛ kɔ́n yɔ ku ɛnhyà kɩ yɔ biɛ.

Zhan 15:6 Iomraidhean Croise

Matie 13:41

Ɔwrɔnẅì Ẅì kɛ lɛ wá n'ɛkùyüre-bɔ̀ ɔkɔ̀hɔ̀n, yɔ lɛ mrɛ́n anwrɔn hɔ̀n lɔ fɛn léyi kɛ hán yɔ muan-ẅì hɔ̀n ke bru ɛgbàn mɛ̀n, hɩ kɛ zrɛ́n y'ankàẅì-bùtan lɔ nɔn, kɛ̀ sɔhɔ́ n'edúyri,

Matie 27:5

Zhüda kɔ́n ɔkùa lɔ cüe Ɔwɔ-cice-wɔn lɔ mɛ̀n kɩ hɔ̀n; Zɛtɛn nɛ́n hɔ̀n wá ɛhɛ́ ɔbɔ̀n.

Matie 3:10

Otù krɔn kpehɛ́n, ô kɛ̀ voyan antɛ̀ annyràn mɛ̀n hàn hɛ́n: ɛtɛ̀ totɔtɔ̀n léyi ke sɩ́ shi ɛẅì ankrànkràn nɔn, yɛ lɛ voyan nɛ̀n ku ɛnhyà.

Matie 7:19

Ɛtɛ̀ totɔtɔ̀n léyi ke sɩ́ shi ɛẅì ankrànkràn nɔn, yɛ voyan nɛ̀n ku ɛnhyà.

Zhan 15:2

Nɛ ẅiɛ antɛ̀da hɔ̀n léyi dú mɛ̀n ɛmɛ̀n hɩ ke sɩ́ shi ɛẅì, kɩ nɛ hán anda hɔ̀n léyi ɛẅì dú ɛwú nɔn ɛci, ô yɔ sàn shi ɛẅì kè vru kɛ̀ cüɛn.

Ebre-bɔ̀ 10:27

Wɔrɔ bɔ̀ Ɔwɔ mrɛ̀nci shishi léyi ke ji le bɔ̀ vrá ɛnkrɛ̀ta-kuemɛ̀n, mán ɛnhyà-ẅì léyi kɛ lɛ biɛ n'egbri-bɔ̀ hɔ̀n nɔn.

2 Piɛrɛ̀n 2:20

Annanwɔrɛ mɛ̀n lɔ, yɛ cɔ́ anwrɔn hɔ̀n léyi srɛ́ di ɛnhibù wú ci-hán gbàngbàn lɔ anta, bɔ́ Ɛẅɛnwrɔn mán Ebɩdie-wrɔn Zhezü Krisì nyrì lɔ mɛ̀n; tɛ́n ke dú kɛ yɔ teze y'edomɛ̀n ye vru yɔ ẅɛn yɔ kɩ y'ecüì kɛ ká yɔ hô, ye le dú eci-hán-gbangbàn tɔ̀n mɛ̀n kɛ lɛ vrán kpàkpà tɛ́n lɔ.

1 Zhan 2:19

Anwrɔn ndɔ hɔ̀n lɔ, annanwɔrɛ mɛ̀n, yɔ sɩ̀ dú bɔ̀ ɛmɛ̀n, kɩ hɩ le kruhú de yɔ cɔhɔ́ bɔ́ ɛmɛ̀n nɔn; annanwɔrɛ mɛ̀n lɔ, kè dú kɛ yɔ dú bɔ̀ ɛmɛ̀n hô, yɔ lɛ cɔ́ bɔ̀ mɛhi bɔ̀ yɛ́. Tɛ́n yɔ cɔhɔ́ bɔ̀ ɛmɛ̀n, ô ye nyri kpetemɛ̀n le, y'ɛmɛ̀n lɔ, ɔwrɔn zriɛmɛ́n annanwɔrɛ mɛ̀n lɔ, bàda bɔ̀ ɛmɛ̀n.

Ɔwɔ-mɛ̀n-yrikàn 20:15

Ɔwrɔn totɔtɔ̀n léyi ye sɩ̀ merɛ̀n n'ebi ɔkɔrɛ-wrú lɔ mɛ̀n nɔn, yɛ́ kɔ́n nɛ̀n dí ɛnhyà-ẅì nɛ́nbà lɔ mɛ̀n.

Ɔwɔ-mɛ̀n-yrikàn 21:8

Zɛtɛn, nyɛ́n anbrá-di-bɔ̀, anmùan-anhyrɛ̀-dí-bɔ̀, ɛci-gbàngbàn-hán-bɔ̀, anwrɔn-wri-bɔ̀, ɛci-gbangbàn-kɔ̀hɔ̀n-hán-bɔ̀, seke-kɔ̀hɔ̀n-hán-bɔ̀, antɛ̀buri-sɛ́n-bɔ̀ mán anhyɔ̀n-bɔ̀ lɔ fɛn, ny'ɛyri dú ɛnhyà-ẅì nɛ́nbà lɔ mɛ̀n, nɛ́n de nɛ̀n dú anhyrɛmɛ̀n wù lɔ nɔn.”