Zhan 15:5 - Ɛmɛẅi ankà ankrànkràn 2003

⁵ Mɛ̀n dú ɛtɛ̀, nyɛ́n dú antɛ̀da. Ɔwrɔn léyi kɛ cɔ́ mɛ̀n mɛhi bɔ́ bɔ́sɔ̀, hɩ mɛ̀n mán mɛ̀n dú nɛ̀n ɛmɛ̀n ɔbɔ̀sɔ mɛ̀n nɔn, ne shi ɛẅì bobrebe, ɔmuhi nyɛ́n sɩ̀ hán eci zriɛmɛ́n rɔ́ ke dú kɛ mɛ̀n sɩ̀ dù nyɛ̀n ɛmɛ̀n.

Zhan 15:5 Iomraidhean Croise

Matie 13:21

Tɛ́n yɔ sɩ́ teze nɛ̀n nɛ́n di annyràn y'ɛnbɔrɛ lɔ mɛ̀n, yɔ ẅɛn nɛ̀n yɔ hɛ́n ɛnvra cá mɛ̀n. Kɩ zɛtɛn, ɛnvra léyi ɛgbànkàn mán ejüezì kɛ vá Ɔwɔ-ankà-dɔ̀ kruhú nɔn, yɔ teze ɛnvra zri lɔ y'ankàẅì-bùtan lɔ.

Zhan 12:24

Mɛ dɔ́ nyɛ̀n annanwɔrɛ mɛ̀n le: dùdu ẅì ke le dú dùdu ẅì zri, ke dú kɛ ye sɩ̀ wá nɛ̀n ɛnhibɩ́ nɛ̀n wùɛ. Tɛ́n, ɛnvra léyi ne dì nɔn, ne shi ɛẅì bobrebe.

Zhan 15:16

Nyɛ́n sɩ̀ mrɛ́n mɛ̀n nyɛ́n bɩɛ; tɛ́n mɛ̀n, mɛ̀n mrɛ́n nyɛ̀n mɛ́n bɩ, mɛ̀n wá tán nyɛ̀n nyɛ́n hɔ̀n nyɛ́n shi ɛẅì, ɛẅì léyi kɛ ẅɛn vɔ̀nshɛ́ nɔn. Ɔmu lɔ de Dade kɛ lɛ tán nyɛ̀n eci lɔ fɛn léyi nye ji nɔn m'ebɩ́mɛ̀n.

Zhan 5:19

Zhezü vru bɩ́ ankà-dɔ̀ kɩ kɛ dɔ́ yɔ le: “Hɛ̀ɛ̀ mɛ dɔ́ nyɛ̀n le: Ɛnẅì lɔ ke sɩ́ hán eci zriɛmɛ́n nɛ́n dùku n'ɛkɔrɛ̀levriemɛ̀n; nɛ hán eci léyi nɛ kán nɛ́n zi kɛ hán nɔn. Eci lɔ fɛn léyi Ɛnẅì-nɛ́n-zi kɛ hán nɔn, Ɛnẅì mán kɛ hán eci zri lɔ.

Zhan 9:33

Ke dú kɛ ɔwrɔn ndɔ lɔ kè sɩ̀ dù Ɔwɔ yri kɛ̀ và hô, nɛ́n sɩ̀ hán eci zriɛmɛ́n rɔ́.”

Ɔkɔ̀hɔ̀n-wá-bɔ̀ kɔ̀hɔ̀n hán 4:12

Ɛnkru-kɔrɛ̀ dú ne yri, ɔmuhi ɛyri zriɛmɛ́n ɛnhibù mumù lɔ fɛn wú, Ɔwɔ kè sɩ̀ tàn anwrɔnẅì ɔwrɔn nyantɛn zriɛmɛ́n léyi ke le bɩ́ bɔ̀ ke die nɔn.”

Rɔmɛ̀n-anmàn-bɔ̀ 12:5

Ɔmu zri léyi bɔ̀ cüɛ́n nɔn, bɔ̀ ẅɛn edùwrú zri, bɔ mán Krisì mɛhi b'ɔbɔ̀sɔ̀ lɔ mɛ̀n, kɩ bɔ̀ dú ɔbɔ̀sɔmɛ̀n hán edùwrú ẅia léyi grɔ anmɛ̀ntɛ mɛ̀ntɛ nɔn hɔ́!

Rɔmɛ̀n-anmàn-bɔ̀ 6:22

Tɛ́n zɛtɛ̀ lɔ nyɛ́n dú ɛgbàn mɛ̀n nyɛ́n kàkɛ kɩ nyɛ́n dú Ɔwɔ ci-bɩtan-kɔ̀hɔ̀n-hán mɛ̀n; nyɛ́n vɔ̀nshɛ́ dú ɛnyrɔn léyi ke sɩ́ nyɛ̀n ɛwúvà prɔnprɔn mɛ̀n, kɩ ɔtrɔmɛ̀n lɔ, nyɛ cɔ́ ɛwúvà léyi ke sɩ́ trɔa nɔn.

Rɔmɛ̀n-anmàn-bɔ̀ 7:4

Hɩ zri lɔ de dú tán nyɛ́n mán nɔn, anwrɔn-nɛ́n-muan-ẅì hɔ̀n. Nyɛ́n cɔhɔ́ ɛnyànmàn wú, ɛnvra léyi nyɛ́n mán Krisì dùwrú mɛhi nyɛ́n dú ɔbɔ̀sɔ̀ mɛ̀n nɔn. Ɔmu lɔ, de zɛtɛ̀ lɔ, nyɛ́n dú ɔwrɔn tɔ̀n tɛn, ɔwrɔn léyi dú owú-bɔ̀ mɛ̀n vru vá ɔkɔrɛ-bɔ̀ mɛ̀n, ô bɔ̀ hán eci léyi kɛ cüɛn Ɔwɔ ɛvɛ̀ nɔn.

1 Korɛntɛ̀n anmàn-bɔ̀ 10:16

Ɛci-zî prɔnprɔn grashɛ̀n léyi n'ɛkruhú bɔ́ tán Ɔwɔ ɔkùɛn nɔn, nyɛ́n tro n'ankà: ɛnvra léyi bɔ́ mi nɛ̀n nɔn, nɛ́n sɩ́ bɔsɔ bɔ̀, bɔ́ mán Krisì krɛ̀ mɛhi hɛ? Kɩ abùtùkumɛ́n léyi bɔ́ vɔ̀n: ɛnvra léyi bɔ́ rá nɛ̀n nɔn, nɛ́n sɩ́ bɔsɔ bɔ̀, bɔ́ mán Krisì dùwrú lɔ mɛhi hɛ?

1 Korɛntɛ̀n anmàn-bɔ̀ 12:12

Annànwɔrɛ mɛ̀n lɔ, Krisì dú cá edùwrú tɔ̀n léyi ẅɛn ɛyri bobrebe nɔn. N'ɛyri bobrebe hɔ̀n lɔ, dú edùwrú zri kɩ.

1 Korɛntɛ̀n anmàn-bɔ̀ 12:27

Tɛ́n, nyɛ́n dú Krisì dùwrú, kɩ ɔwrɔnwrɔn ny'ɛmɛ̀n lɔ dú edùwrú ndɔ lɔ n'ɛyri tɔ̀n.

2 Korɛntɛ̀n anmàn-bɔ̀ 13:8

Ɔmuhi bɔ́ sɩ̀ hán eci zriɛmɛ́n kɛ̀ kɛ́n Ɔwɔ ankà annanwɔrɛ lɔ ezì, n'eci de ke ji le bɔ̀ hán nɔn.

2 Korɛntɛ̀n anmàn-bɔ̀ 9:10

Ɔwɔ léyi kɛ tán ɛcitɛ́-wrɔn ɛtɛ̀-ẅì mán n'ɛci-zî nɔn, kɛ lɛ tán nyɛ̀n ɛtɛ̀-ẅì lɔ fɛn léyi nye ji nɔn, kɩ nɛ lɛ hán yi kɛ̀ sɔ́, ô ny'ɛkɔrɛ̀-wá ci-hán lɔ kè shi ɛẅì bobrebe.

Galasi anmàn-bɔ̀ 5:22

Tɛ́n eci léyi Ɛnhɛ́n Prɔnprɔn kɛ tán nɔn, dú ɛcüɛ̀n, pɔpüɛ̀, anwɔwɔ, ɛnbɔrɛ-ẅɛ̀n-hɛ́n, anvrɛn-ci-hán, ɛnbɔrɛ-wɔ-ci-hán, ɔmùan-zri-dì,

Efɛzɛ̀n anmàn-bɔ̀ 5:9

ɔmuhi, ɛyri-kàn kɛ shi ɛzrɔ mɛ̀ntɛ mɛ̀ntɛ, esùnan anvrɛnvrɛn mán annanwɔrɛ nɔn.

Filipɛ̀n anmàn-bɔ̀ 1:11

Nye le di ɛnnɛ̀ncüì ny'ɛnyrɔnnan ci-hán mɛ̀n Zhezü Krisì kɔrɛ̀levriemɛ̀n, ke le dú Ɔwɔ ci-zrɔ mán n'ɛmrɛ́n mɛ̀n.

Filipɛ̀n anmàn-bɔ̀ 4:13

Mɛ lɛ kɛ́n ankà-jüedì lɔ fɛn ezì tɛ̀, Krisì léyi kɛ tán mɛ̀n ecüì nɔn, n'ɛkɔrɛ̀levri mɛ̀n.

Filipɛ̀n anmàn-bɔ̀ 4:17

Kè sɩ̀ dù hɩ le me ji mɛ̀n cɔ́ ɛkɔrɛ̀-wá; tɛ́n mɛ cüɛn ɔmu le, vɔ̀nshɛ́ kè dú ny'eci-hán lɔ mɛ̀n.

Kɔlɔsèn anmàn-bɔ̀ 1:10

Ɔmu lɔ de, nyɛ lɛ nyrɔn ny'edomɛ̀n kɛ̀ cüɛn Ɛẅɛnwrɔn ɛvɛ̀, ɛnvra lɔ fɛn eci-hán léyi nɛ cüɛ̀n nɔn mɛ̀n. Nyɛ lɛ hán eci ankrankran mɛ̀ntɛ mɛ̀ntɛ, kɩ nyɛ lɛ hɔ́n ezì Ɔwɔ nyriemɛ̀n.

Kɔlɔsèn anmàn-bɔ̀ 1:6

Ɛmɛẅi ankà Ankrànkràn lɔ ke bonyì kɩ ke shi ɛẅì ɛnhi mumù lɔ fɛn wú, hán ɔmu le nɛ̀n hán ny'ɛmɛ̀n, bukru kpàkpà bì léyi nyɛ́n yá yɛ dɔ́ Ɔwɔ boafɔ̀n ankà, hɩ nyɛ́n cɔ̀ nyɛ́n nyri annanwɔrɛ mɛ̀n eci léyi dú nɛ̀n nɔn.

Zhakɛ̀n 1:17

Ecice anvrɛnvrɛn mán ecitán ankrankran ke dú anhobɩ́ kɛ và, yɔ dú Ɔwɔ yri yɛ và, nɛ́n léyi nɛ̀n dú anhobɩ́-yri-kàn-hán-wrɔn nɔn. Kɩ Ɔwɔ ke sɩ́ crɔn hán, yakɛ nɛ́n sɩ́ hán ɛyri-yɔwɔ n'eci-hán lɔ fɛn mɛ̀n.

1 Piɛrɛ̀n 2:4

Nyɛ́n sɔ̀nba Ɛẅɛnwrɔn ɛtɛ̀sɛ̀n, obù kɔrɛkɔrɛ léyi anwrɔnẅì kɔ́n ze nɔn, tɛ́n Ɔwɔ mrɛ́n nɛ̀n nbɩ, kɩ nyri nɛ́n vɔ̀nshɛ́ ẅɛ̀n.

2 Piɛrɛ̀n 3:18

Tɛ́n nyɛ́n dú ɛnvra lɔ fɛn esùnàn ankrànkràn mɛ̀n bɔ́ Ɛẅɛnwrɔn mán bɔ́ Ebɩdiewrɔn Zhezü Krisì nboafɔ̀n mán n'enyrì lɔ mɛ̀n. Eci-zrɔ kè dú nɛ tɛn, zɛtɛ̀ lɔ mán ɛnvra lɔ fɛn! Kè dú ɔmu lɔ.