Biblia Todo Logo
Bìoball air-loidhne

- Sanasan -




Zhan 15:4 - Ɛmɛẅi ankà ankrànkràn 2003

4 Nyɛ́n cɔ́ mɛ̀n mɛhi bɔ̀ bɔ́sɔ̀, hán ɔmu le mɛ́n bɔ́sɔ̀ mɛ̀n dú nyɛ̀n ɛmɛ̀n nɔn. Ɛtɛ̀da zri ke sɩ̀ shi ɛẅì rɔ́, ke dú kɛ nɛ̀n sɩ̀ dù ɛtɛ̀ domɛ̀n; ɔmu zri lɔ, ke dú kɛ nyɛ́n sɩ̀ cɔ̀ mɛ̀n mɛhi bɔ̀ bɔ̀sɔ̀a hô, nyɛ́n sɩ̀ shi ɛẅì rɔ́.

Faic an caibideil Dèan lethbhreac




Zhan 15:4
29 Iomraidhean Croise  

“Ke dú kɛ nye ji nyɛ́n cɔ́ antɛ̀-ẅì ankrànkràn hô, ke ji le nyɛ́n ẅɛn ɛtɛ̀ ankrànkràn; ke dú kɛ nyɛ ẅɛn ɛtɛ̀ gbàngbàn hô, nyɛ lɛ cɔ́ antɛ̀-ẅì gbàngbàn. Ɔmuhi ye nyri ɛtɛ̀, n'ɛẅì léyi ne shì nɔn kruhú.


Antɛ̀-ẅì léyi ke cüe ɛnhi ankrànkràn mɛ̀n nɔn, dú yɔ léyi yɔ die ankà-dɔ̀ lɔ nukùɛ, yɔ ẅɛn nɛ̀n yɔ hɛ́n ɛnbɔrɛ anvrɛnvrɛn mɛ̀n, yɔ di ɔmuan zri, kɩ yɔ shi ɛẅì.”


Ɛnvra léyi ɛnbì ndɔ lɔ kɛ lɛ cɔ̀ nɔn, nye le nyri ɔmu le mɛ̀n dú Dade mɛ̀n, kɩ nyɛ́n dú mɛ̀n ɛmɛ̀n, kɩ mɛ̀n dú nyɛ̀n ɛmɛ̀n.”


Mɛ̀n dú yɔ ɛmɛ̀n kɩ è dú mɛ̀n ɛmɛ̀n; ɔmu lɔ, ô yɔ srɔ eci-zri anvrɛnvrɛn mɛ̀n, ô ɛnhibù ke nyri ɔmu le vɛ́n de ɛ̀ wá mɛ̀n ɔkɔhɔ̀n nɔn, kɩ ɛ cƐɛn yɔ kɛ̀ hán ɔmu le ɛ̀ cüɛn mɛ̀n nɔn hɔ́.


Ɔwrɔn léyi kɛ rá m'anẅia, hɩ ke mi m'ɛnkrɛ̀ nɔn, n'ɛwúvà dú mɛ̀n ɛmɛ̀n, kɩ mɛ̀n dú nɛ̀n ɛmɛ̀n.


Zɛtɛn Zhezü kɛ dɔ́ Zhüifɛ̀n-bɔ̀ léyi ẅɛn ankaẅì-bùtan n'ɛwú nɔn le: “Ke dú kɛ nyɛ ẅɛn m'ankà-yé lɔ ɔmùan zriemɛ̀n nyɛ hɛ́n, nyɛ́n dú m'ɛsɛnkɛn-bɔ̀ annanwɔrɛ hɔ̀n;


Ɛnvra léyi nɛ̀n cɔ́ nanvrɛn, hɩ nɛ̀n kán ɔmu le Ɔwɔ fú ankaẅì-bùtan-ẅɛn-bɔ̀ lɔ ɛnshi nɔn, nɛ̀n dú pɔpüɛ̀ mɛ̀n kɩ ne yɩ́ yɔ lɔ fɛn edù, ô yɔ di ɔmùan zri Ɛẅɛnwrɔn tɛ̀sɛ̀n.


Yɔ tán ankaẅì-bùtan-ẅɛn-bɔ̀ ɛnbɔrɛ sɔ́, yɔ tán yɔ edùyì ankaẅì-bùtan-ẅɛn mɛ̀n. Kɩ yɔ dɔ́ yɔ le: “Ke ji le bɔ̀ kán ɛgbàn bobrebe, ô bɔ̀ bru Anhobɩ́ nɛ̀ncüì-dúyri.”


Nyɛ́n wɔɛn ny'edomɛ̀n nyɛ́n nyan, nyɛ́n nyan nyɛ́n dùku ɔmu le nyɛ́n hán nyɛ́n dù nɔn, ke dú kɛ nyɛ́n ẅɛn ankaẅì-bùtan. Nye nyri ɔmu le Zhezü Krisì dú nyɛ̀n ɛmɛ̀n, kè sɩ̀ dù hɩɛ? Ke dú kɛ ny'edomɛ̀n crɛ́n mɛ̀n lɔ, nyɛ́n le dú ɛzɛ́n mɛ̀n.


hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.


ô Krisì kɛ̀ sɔ́n ebɩ́ ny'ɛnbɔrɛ hɔ̀n lɔ mɛ̀n ankaẅì-bùtan-ẅɛn mɛ̀n. Me ji le annyràn kɛ̀ ẅɛn nyɛ̀n ɛnhi, ô nyɛ́n dú ɛcüɛ̀n dùsɔ mɛ̀n,


Nye le di ɛnnɛ̀ncüì ny'ɛnyrɔnnan ci-hán mɛ̀n Zhezü Krisì kɔrɛ̀levriemɛ̀n, ke le dú Ɔwɔ ci-zrɔ mán n'ɛmrɛ́n mɛ̀n.


Tɛ́n, ke ji le nyɛ́n dú ankaẅì-bùtan mɛ̀n, nyɛ́n nyɔn edùsɔmɛ̀n ɛbùnan-hiwú, nyɛ́n bɩ́ teze esɛ́ léyi dú nyɛ tɛn nɔn kɛ cɔhɔ́ nyɛ̀n ɛtɛ̀sɛ̀n ɛnvra léyi nyɛ́n gɔ̀ yá Ɛmɛẅi ankà Ankrankran lɔ nɔn. Ɛmɛẅi ankà Ankrankran ndɔ lɔ yɛ dɔ́ tán ɛnhi mumù lɔ fɛn, kɩ Ɛmɛẅi ankà Ankrankran ndɔ lɔ, de mɛ̀n, Pɔlɛ̀n, mɛ̀n srɔ n'eci-bɩ̀tan-wrɔn nɔn.


Ɔmuhi, Ɔwɔ ke ji kɛ̀ hán tán yɔ, ye nyri ankɔ́nda-ci-hán ankà-bán-ankà ndɔ léyi ẅɛn vɔ̀nshɛ́, hɩ sevri, dú eci léyi yɛ hán, ô kè dú fɛcüè hɔ̀n lɔ fɛn ɛnkrukɔrɛ̀ nɔn. Kɩ nyàn ankà-bán-ankà ndɔ lɔ: Krisì dú nyɛ̀n ɛmɛ̀n kɩ nɛ tán nyɛ̀n esɛ́ le, nye le dú Ɔwɔ ci-zrɔ lɔ mɛ̀n.


Ɔmu lɔ, ɔmuhi nyɛ́n shri Zhezü Krisì nyɛ́n bɩ dú ny'Ɛẅɛnwrɔn nɔn, nyɛ́n dú ɔbɔ̀sɔ mɛ̀n nyɛ́n mán nɛ́n mɛhi.


Hɩ le kruhú de, ɔmuhi ɛvrá ndɔ lɔ, mɛ́n sɩ̀ vru cɔ́ n'ɛkɔrɛ̀-levriɛ nɔn, mɛ̀n wá Timote ɔkɔ̀hɔ̀n kɛ̀ hɔ̀n kɛ̀ nyán ny'ankaẅì-bùtan-ẅɛ̀n. Me ku ɛnkrɛ̀ta le Anwa-wrɔn kɛ lɛ hán nyɛ̀n nyɛ́n bru ɛgbàn mɛ̀n, kɛ̀ hán tán b'ɔkɔ̀hɔ̀n gbànkàn lɔ fɛn kɛ̀ srɔ eci woro.


Bɔ́ sɩ̀ dù anwrɔn hɔ̀n léyi ke vru ɛmɛẅi, kɩ kɛ hɔ́n y'ɛzrɛ́n mɛ̀n nɔn. Bɔ̀ dú anwrɔn hɔ̀n léyi ẅɛn ankàẅì-bùtan kɩ dú ɛnkrukɔrɛ̀ levri wú nɔn.


ɔwrɔn léyi kɛ dɔ̀ le, nɛ́n mán Ɔwɔ mɛhi ye dú eci zri nɔn, ke ji le nɛ̀n ẅɛn ɛwúvà kɛ̀ hán Zhezü hɔ́.


Ɔwrɔn totɔtɔ̀n léyi ke sɩ̀ dù Krisì ankà-yé lɔ mɛ̀n, tɛ́n ke wí nɛ̀n ɛwú nɔn, nɛ́n mán Ɔwɔ mɛhi yɔ sɩ̀ dú ɔbɔ̀sɔ mɛ̀n. Ɔwrɔn léyi ke dú ankà-yé ndɔ lɔ mɛ̀n nɔn, nɛ́n mán Ɔwɔ Zi mán Ɔwɔ Ẅì, yɔ dú ɔbɔ̀sɔ mɛ̀n.


Lean sinn:

Sanasan


Sanasan