Zhan 15:2 - Ɛmɛẅi ankà ankrànkràn 2003

² Nɛ ẅiɛ antɛ̀da hɔ̀n léyi dú mɛ̀n ɛmɛ̀n hɩ ke sɩ́ shi ɛẅì, kɩ nɛ hán anda hɔ̀n léyi ɛẅì dú ɛwú nɔn ɛci, ô yɔ sàn shi ɛẅì kè vru kɛ̀ cüɛn.

Zhan 15:2 Iomraidhean Croise

Matie 13:12

Ɔmuhi ɔwrɔn léyi ẅɛn eci jan nɔn, nɛ lɛ sàn cɔ́ bobrebe kɩ ne le dú ɛnbɔrɛbruemɛ̀n; tɛ́n ɔwrɔn léyi kè sɩ̀ ẅɛ̀n hàn nɔn, yɛ lɛ bɩ́ ɛẅiɛ léyi nɛ́n ẅɛ̀n nɔn mán yɛ sɔhɔ́.

Matie 13:33

Zhezü kɛ dɔ́ yɔ nyandrɛn nyàntɛn ankà: “Anhobɩ́ nɛ̀ncüì-dúyri dú cá eci-fɔ́-ci léyi ɛnnyɔnwrɔn tɔ̀n ke bɩ ke gbro dùdú-sɔ́n mɛ̀n, ô kɛ̀ hán dùdú-sɔ́n lɔ kɛ̀ cɔ́ ɛyri kɛ̀ fɔ́.”

Matie 15:13

Zhezü mrɛ́n ɔmùan le: “Ɛtɛ̀ totɔtɔ̀n léyi Dade léyi dú anhobɩ́ kè sɩ̀ tɛ̀a nɔn, ye le fú nɛ̀n yɛ sɔhɔ́.

Matie 21:19

Nɛ̀n kán ɛẅì-shi-tɛ̀ tɔ̀n léyi ye bi figie nɔn ɛnlevri mùan kɩ nɛ́n sɔnba yi ɛtɛ̀sɛ̀n, tɛ́n ɛẅi sà kɩ dú nɛ̀n ɛwú. Zɛtɛn Zhezü kɛ dɔ́ ɛẅì-shi-tɛ̀ lɔ le: “E sɩ̀ vru shi ɛẅì mrìmrì!” Ɛnvra zri lɔ ɛẅì-shi-tɛ̀ lɔ wrú.

Matie 25:29

Ɔmuhi ɔwrɔn totɔtɔ̀n léyi ẅɛn eci nɔn, yɛ lɛ sàn kɛ́n nɛ̀n ɛwú kɩ ne le dú ɛci bobrebe ẅɛn-wrɔn; tɛ́n ɔwrɔn léyi kè sɩ̀ ẅɛ̀n hàn nɔn, ye le bɩ́ ɛẅiɛ léyi nɛ́n ẅɛ̀n nɔn mán yɛ sɔhɔ́.

Matie 3:10

Otù krɔn kpehɛ́n, ô kɛ̀ voyan antɛ̀ annyràn mɛ̀n hàn hɛ́n: ɛtɛ̀ totɔtɔ̀n léyi ke sɩ́ shi ɛẅì ankrànkràn nɔn, yɛ lɛ voyan nɛ̀n ku ɛnhyà.

Matie 3:12

Eci-kua-ci dú nɛ̀n antamɛ̀n kɩ nɛ lɛ kua ɛci ankrànkràn mán ɛci gbàngbàn. Ɛci ankrànkràn hɔ̀n lɔ nɛ lɛ sɩ́ yɔ ɛbemɛ̀n, tɛ́n ne le ku ɛci gbàngbàn hɔ̀n lɔ ɛnhyà léyi ke sɩ́ zɛ́n mrìmrì nɔn mɛ̀n.”

Matie 7:19

Ɛtɛ̀ totɔtɔ̀n léyi ke sɩ́ shi ɛẅì ankrànkràn nɔn, yɛ voyan nɛ̀n ku ɛnhyà.

Markɛ̀n 4:20

Ɔtrɔmɛ̀n lɔ anwrɔn ndɔ hɔ̀n kɛ cɔ́ ɛci-ẅì lɔ ɛnhi ankrànkràn mɛ̀n: yɔ yá ankà-dɔ̀ lɔ, kɩ yɔ bɩ́ nɛ̀n kɩ ne shi ɛẅì, ndɔ hɔ̀n ɛẅia-ɛvà, ɛnjanbɔ̀ ɛkoẅi-anhɔ̀n, kɩ ɛnyàntɛn hɔ̀n ɛkoẅi-ɛnrì.”

Lükɛ̀n 8:13

Ndɔ hɔ̀n dù cá ɛbù-hiẅia: yɔ yá ankà-dɔ̀ lɔ kɩ yɔ bɩ́ nɛ̀n pɔpüɛ̀ mɛ̀n. Tɛ́n, yɔ sɩ́ teze nɛ̀n nɛ́n di annyràn, yɔ bú tán ankàẅì ɛnvra cá mɛ̀n, kɩ yɔ teze y'ankàẅì-bùtan lɔ ɛnvra léyi ejüezì kɛ srɔ́n yɔ ɛsù nɔn.

Zhan 15:1

“Mɛ̀n dú ɛkɛ̀tɛ̀ annanwɔrɛ kɩ Dade dú ɛkɛ̀tɛ̀ nɛ́n zi.

Zhan 15:16

Nyɛ́n sɩ̀ mrɛ́n mɛ̀n nyɛ́n bɩɛ; tɛ́n mɛ̀n, mɛ̀n mrɛ́n nyɛ̀n mɛ́n bɩ, mɛ̀n wá tán nyɛ̀n nyɛ́n hɔ̀n nyɛ́n shi ɛẅì, ɛẅì léyi kɛ ẅɛn vɔ̀nshɛ́ nɔn. Ɔmu lɔ de Dade kɛ lɛ tán nyɛ̀n eci lɔ fɛn léyi nye ji nɔn m'ebɩ́mɛ̀n.

Zhan 15:3

Ankà hɔ̀n léyi mɛ̀n yé nyɛ̀n nɔn, gɔ́ srɔ nyɛ̀n anwrɔn fifi.

Zhan 15:6

Ɔwrɔn léyi ke sɩ́ yɛ́ m'ɔbɔ̀sɔ̀ lɔ mɛ̀n nɔn, yɛ lɛ kɔ́n nɛ̀n ze ɛntrɛa kɛ hán ɛtɛ̀da hɔ́, kɩ ne wrú; antɛ̀da wrú hɔ̀n lɔ, yɛ yura yɔ, yɛ kɔ́n yɔ ku ɛnhyà kɩ yɔ biɛ.

Zhan 15:8

Nyàn ɔmu le Dade ci-zrɔ lɔ ke yé n'edòmɛ̀n nɔn: ɛnvra léyi nye shi ɛẅì bobrebe kɩ nye yé le nyɛ́n dú m'ɛsɛnkɛn-bɔ̀ nɔn.

Zhan 17:12

Ɛnvra léyi yɔ mɛhi bɔ́ dù nɔn, mɛ nyan yɔ v'ebɩ́ kɔrɛ̀srɔn mɛ̀n, ɛkorɛ̀srɔn léyi ɛ̀ tán mɛ̀n nɔn. Mɛ̀n wá yɔ esùva kɩ nzri mán kè sɩ̀ zrɛ̀n hàn, ke dú kɛ kè sɩ̀ dù nzri léyi dú ɛzrɛ́n tɛn nɔn, ô Ɔwrú Prɔnprɔn ankà-dɔ̀ lɔ kɛ̀ sá nmù nɔn.

Rɔmɛ̀n-anmàn-bɔ̀ 11:17

Izraɛlɛ̀n dú cá ɛẅì-shi-tɛ̀ tɔ̀n léyi ye bi olivie, hɩ Ɔwɔ voyan n'andá hɔ̀n lɔ jan nɔn; kɩ andá hɔ̀n yri lɔ, nɛ̀n bɩ́ mɛ́n nɛ̀n hɛ́n, vɛ́n léyi è sɩ̀ dù Zhüifɛ̀n-wrɔn, hán ovú-tɛ̀-dá léyi yɛ kora bá ɛtɛ̀ nyantɛn domɛ̀n nɔn: vɛ́n mán zɛtɛ̀ lɔ, ɛ cɔ́ ɛtɛ̀ nyràn shi lɔ ke ci mɛ́n anẅia mɛ̀n.

Rɔmɛ̀n-anmàn-bɔ̀ 11:22

Ɛ̀ nyan ɔmu le Ɔwɔ ke yé n'ɛnbɔrɛ wɔwɔ kɩ ne vru nɛ ẅɛn ɛmɛ̀nhyì shishi: ne bɩ́ ɛmɛ̀nhyì shishi ku anwrɔn hɔ̀n léyi bore nɔn ɛwú, kɩ ɛnbɔrɛ wɔ́ nɛ̀n v'ɛwú. Tɛ́n ke ji le ɛnvra lɔ fɛn, ɛ̀ ẅɛn esɛ́ n'ɛnbɔrɛ-wɔ̀ lɔ ɛwú, kè sɩ̀ dù ɔmu lɔ hô, vɛ́n mán yɛ lɛ vɔ́n mɛ́n kɛ lɛ hán ɛtɛ̀-dá hɔ́.

Rɔmɛ̀n-anmàn-bɔ̀ 8:28

Bɔ́ nyri ɔmu le ɛci hɔ̀n lɔ fɛn dú anvrɛn tán anwrɔn hɔ̀n léyi Ɔwɔ kɛ cüɛ̀n nɔn, mán anwrɔn hɔ̀n léyi nɛ̀n bi kè dú n'ankɔnda kɔ̀hɔ̀n lɔ mɛ̀n nɔn.

1 Korɛntɛ̀n anmàn-bɔ̀ 13:1

Bɔ̀ tro ke dú kɛ mɛ vrá anwrɔnẅì brɛ̀, kɩ mɛ vrá Ɔwɔ-kùyüre-bɔ̀ brɛ̀ mán: ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n, mɛ́n dù mɛ̀n cá pritù-ẅì léyi ke shrì mán yaka léyi ke di nkù nɔn hɔ́.

Titɛ̀n 2:14

Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

Ebre-bɔ̀ 12:15

Nyɛ́n wá esùva hô ɔwrɔn zriɛmɛ́n ke bɩ́ crɛ ejüi kɛ kɛ́n Ɔwɔ nboafɔ̀n. Ɔwrɔn zriɛmɛ́n ke bɩ́ srɔ ɛtɛ̀ gbàngbàn léyi ke dì, kɛ ẅɛn ecrukrɛ̀ kɩ ke wri ɔwrɔn brobebe nɔn.

1 Zhan 2:19

Anwrɔn ndɔ hɔ̀n lɔ, annanwɔrɛ mɛ̀n, yɔ sɩ̀ dú bɔ̀ ɛmɛ̀n, kɩ hɩ le kruhú de yɔ cɔhɔ́ bɔ́ ɛmɛ̀n nɔn; annanwɔrɛ mɛ̀n lɔ, kè dú kɛ yɔ dú bɔ̀ ɛmɛ̀n hô, yɔ lɛ cɔ́ bɔ̀ mɛhi bɔ̀ yɛ́. Tɛ́n yɔ cɔhɔ́ bɔ̀ ɛmɛ̀n, ô ye nyri kpetemɛ̀n le, y'ɛmɛ̀n lɔ, ɔwrɔn zriɛmɛ́n annanwɔrɛ mɛ̀n lɔ, bàda bɔ̀ ɛmɛ̀n.

Ɔwɔ-mɛ̀n-yrikàn 3:19

Anwrɔn hɔ̀n lɔ fɛn léyi mɛ cüɛ̀n nɔn, me di yɔ ebrè kɩ mɛ ẅɛn yɔ nukù. Zɛtɛn, ɛ̀ hán edùyi-ci, ô ɛ̀ crɔn v'eci-hán-ci.