Zhan 15:12 - Ɛmɛẅi ankà ankrànkràn 2003

¹² Nyàn m'ɛnyanmàn lɔ: nyɛ́n cüɛn ny'edomɛ̀n kɛ hán ɔmu le mɛ cüɛn nyɛ̀n nɔn.

Zhan 15:12 Iomraidhean Croise

Zhan 13:34

Mɛ tán nyɛ̀n ɛnyanmàn wrù tɔ̀n: nyɛ́n cüɛn ny'edomɛ̀n. Ke ji le nyɛ́n cüɛn ny'edomɛ̀n hán ɔmu le mɛ cüɛn nyɛ̀n nɔn.

Zhan 15:17

Eci léyi mɛ wá tán nyɛ̀n nɔn, dú hɩ le ke ji le nyɛ́n cüɛn ny'edomɛ̀n.”

Rɔmɛ̀n-anmàn-bɔ̀ 12:10

Nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n léyi kɛ cüɛn y'edomɛ̀n nɔn; nyɛ́n wá ny'edomɛ̀n ecüɛn mɛ̀n.

Efɛzɛ̀n anmàn-bɔ̀ 5:2

Ke ji le ny'ɛwúvà ci-hán lɔ kè dú ny'ɛcüɛ̀n ci-hán, kɛ̀ cá Krisì léyi cüɛ́n bɔ̀, kɩ tán bɔ̀ n'ɛwúvà, ndù hán ecice tɔ̀n mán ɛcɛ̀nbì-ci léyi Ɔwɔ kɛ cüɛ́n n'ɛndɔ̀ nɔn.

1 Tesalonikɛ̀n anmàn-bɔ̀ 3:12

Ke ji le Ɛẅɛnwrɔn kɛ̀ hán tán ɛcüɛ̀n léyi nyɛ́n ẅɛn ny'edomɛ̀n mán anwrɔnẅì lɔ fɛn wú, kɛ̀ sàn sevri kè dù kɛ̀ cá ɛcüɛ̀n sɛnpò léyi bɔ̀ ẅɛn ny'ɛwú nɔn.

1 Tesalonikɛ̀n anmàn-bɔ̀ 4:9

Ɔwrɔn-nɛ́n-muan-ẅì cüɛ̀n ankà lɔ, ke sɩ́ ji le ye merɛ́n nyɛ̀n owrú, ɔmuhi annanwɔrɛ mɛ̀n lɔ, Ɔwɔ yé nyɛ̀n nyɛ́n dùku ny'edomɛ̀n cüɛ̀n.

2 Tesalonikɛ̀n anmàn-bɔ̀ 1:3

Ke ji le ɛnvra lɔ fɛn bɔ̀ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n. Zrɔ tán le bɔ̀ hán ɔmu lɔ, ɔmuhi ny'ankaẅì-bùtan ke shi ɛẅì bobrebe kɩ ɛcüɛ̀n léyi nyɛ lɛ fɛn nyɛ́n ẅɛn ny'edomɛ̀n nɔn, ke sevri ɛnvra lɔ fɛn.

1 Piɛrɛ̀n 1:22

Ankà annanwɔrɛ anhyɛyì de fi nyɛ̀n edòmɛ̀n nɔn, ô nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n hɔ́. Zɛtɛn nyɛ́n cüɛn ny'edomɛ̀n anvrɛnvrɛn mɛ̀n, ɛnbɔrɛ fifiemɛ̀n.

1 Piɛrɛ̀n 3:8

Ɔtrɔ mɛ̀n lɔ, nyɛ lɛ fɛn nyɛ́n ẅɛn eci wrolo-zri-hán mán ankàtro zri; nyɛ́n cüɛn ny'edomɛ̀n kɛ̀ hán anwrɔn nɛ́n muan-ẅì hɔ̀n hɔ́, nyɛ́n dú anvrɛnvrɛn mán sɔ̀hɔ̀ mɛ̀n nyɛ́n nyran hɔ̀n tɛ̀sɛ̀n.

1 Piɛrɛ̀n 4:8

Eci lɔ fɛn mɛ̀n lɔ, nyɛ́n cüɛn ny'edomɛ̀n edùyiemɛ̀n, ɔmuhi ɛcüɛ̀n kɛ cɔ́ ɛgbàn bobrebe gbànbɩce nɔn.

1 Zhan 3:23

Nyàn eci léyi nɛ wá tán bɔ̀ nɔn: ke ji le bɔ̀ ẅɛn ankaẅìbùtan n'Ɛnẅì Zhezü Krisì bɩmɛ̀n, ô bɔ̀ cüɛn bɔ́ edomɛ̀n hán ɔmu le Krisì wá tán bɔ̀ nɔn.

1 Zhan 4:21

Nyàn ɛnyanmàn léyi Krisì tán bɔ̀ nɔn: Ɔwrɔn léyi kɛ cüɛn Ɔwɔ nɔn, ke ji le nɛ̀n cüɛn nɛ́n muanẅì mán.

2 Zhan 1:5

Kɩ zɛtɛ̀ lɔ, nyàn eci léyi mɛ sán mɛ́n nɔn, Ɛnnyɔnwrɔn anvrɛnvrɛn: bɔ̀ cüɛn bɔ́ edomɛ̀n. Kè sɩ̀ dù ɛnyanmàn wrù de mɛ́n merɛ́n tán mɛ́n nɔn; nɛ̀n dú ɛnyanmàn léyi bɔ̀ cɔ́ ɛnkrubɔmɛ̀n nɔn.