Zhan 14:3 - Ɛmɛẅi ankà ankrànkràn 2003

³ Kɩ ɛnvra léyi mɛ lɛ hɔ̀n mɛ̀n hán ɛyri lɔ nɔn, me le vru mɛ̀n và kɩ me le bɩ́ nyɛ̀n mɛ̀n sɩ́ ɛtɛ̀sɛ̀n, ô ɛyri léyi mɛ́n dù nɔn, nyɛ́n mán nyɛ́n dú nanvrɛn.

Zhan 14:3 Iomraidhean Croise

Zhan 12:26

Ke dú kɛ ɔwrɔn tɔ̀n ke ji kɛ̀ srɔ m'eci-bɩ̀tan-wrɔn hô, ke ji le nɛ̀n kɛ́n mɛ̀n ɛsɛ̀n; ɔmu lɔ de m'eci-bɩ̀tan-wrɔn ke le dú ɛyri léyi mɛ́n dù nɔn mán. Dade kɛ lɛ cüɛ́n ɔwrɔn léyi dú m'eci-bɩ̀tan-wrɔn nɔn.”

Zhan 14:28

Nyɛ́n yá mɛ̀n dɔ́ nyɛ̀n le: mɛ hɔ̀n, tɛ́n me le vru mɛ̀n vá nyɛ̀n ɛmɛ̀n. Ke dú kɛ nyɛ cüɛn mɛ̀n hô, pɔpüɛ̀ kɛ lɛ brá nyɛ̀n, ɔmuhi nyɛ́n nyri ɔmu le, mɛ hɔ́n Dade tɛsɛ̀n, ɔmuhi Dade sevri vrán mɛ̀n nɔn.

Zhan 14:4

Nyɛ́n nyri ɛnlevri léyi kɛ hɔ́n ɛyri léyi mɛ hɔ̀n nɔn.”

Zhan 17:24

Dade, ɛ̀ tán mɛ̀n yɔ, kɩ mɛ cüɛ̀n le yɔ dú mɛ̀n ɛtɛsɛ̀n ɛyri léyi me le dù nɔn, ô yɔ kán m'eci-zrɔ lɔ, eci-zrɔ léyi ɛ̀ tán mɛ̀n nɔn, ɔmuhi ɛ̀ cüɛn mɛ̀n yakɛ yɛ hán ɛnhibù nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 1:11

kɩ kɛ dɔ́ yɔ le: “Galile-bɔ̀, cɛci kruhú kɛ̂ nyɛ́n nyɔn ɛnu lɔ nyɛ nyán anhobɩ́ɛ? Zhezü ndɔ léyi ye bɩ́ sɔhɔ́ ny'antamɛ̀n kɛ hɔ́n anhobɩ́ nɔn, ke le vru kɛ̀ vá ɔmu zri léyi nyɛ́n kán nɛ̀n nɛ hɔ̀n nɔn.”

Rɔmɛ̀n-anmàn-bɔ̀ 8:17

Bɔ̀ dú n'ɛẅì hɔ̀n, ke dú ɔmu lɔ hô, bɔ́ mán bɔ́ lɛ cɔ́ anvrɛn léyi Ɔwɔ wá nɛ́n fɛcüè ɔmùan, bɔ́ mán Krisì mɛhi bɔ́ le dú n'anvrɛn lɔ mɛ̀n; ɔmuhi ke dú kɛ bɔ́ mán Krisì mɛhi bɔ́ kán ɛgbàn hô, bɔ́ mán nɛ́n mɛhi bɔ́ le dú n'eci-zrɔ lɔ mɛ̀n.

Filipɛ̀n anmàn-bɔ̀ 1:23

Mɛ̀n mán ankà-tro anhyrɛ̀ mɛhi bɔ́ wrɔ́n ecüì: mɛ cüɛn ɔmu le mɛ̀n teze ɛwúvà ndɔ lɔ, ô mɛ̀n mán Krisì mɛhi bɔ̀ dù, hɩ de ke le zeze kɛ̀ zrɔ nɔn;

2 Tesalonikɛ̀n anmàn-bɔ̀ 1:12

Ɔmu lɔ de, bɔ́ Ɛẅɛnwrɔn Zhezü bi lɔ ke le dú ny'ɛmrɛ́n ci, kɩ nɛ́n mán nɛ lɛ mrɛ́n nyɛ̀n. Ndɔ lɔ de ke le dú b'Ɔwɔ mán Ɛẅɛnwrɔn Zhezü Krisì boafɔ̀n-ci-hán nɔn.

Anhyrɛmɛ̀n timote 2:12

ke dú kɛ bɔ́ nyɔn ɛshishiemɛ̀n, bɔ́ mán nɛ́n mɛhi bɔ́ lɛ ẅɛn ɛyri; ke dú kɛ bɔ́ kɔ́n nɛ̀n bɔ́ ze, nɛ́n mán nɛ lɛ kɔ́n bɔ̀ ne le ze;

Ebre-bɔ̀ 9:28

Ɔmu zri lɔ, Krisì mán ye bɩ ye ce eci ɛdɛ̀n zri, ô kɛ̀ mrɛ́n anwrɔn fɛcüè hɔ̀n ɛgbàn mɛ̀n kɛ̀ sɔhɔ́. Nɛ lɛ srɔ andɛ̀n anhyrɛmɛ̀n, kè sɩ̀ dù hɩ le ne le gbú ɛgbàn nɛ̀n sɔhɔ́ nɔn, tɛ́n, nɛ̀n bɩ́ ɛnkrukɔrɛ̀ nɛ̀n tán anwrɔn hɔ̀n léyi kɛ vrá nɛ̀n nɔn.

Ɔwɔ-mɛ̀n-yrikàn 3:21

Anwrɔn hɔ̀n léyi kɛ kɔ́nkà nɔn, mɛ lɛ tán yɔ ɛkɔrɛ̀levri yɔ le bɩ́ ɛyri m'ɛgbú-tòbù lɔ wú, hán ɔmu le ɛnvra léyi mɛ́n kɔ́nkà nɔn, mɛ́n hɔ̀n mɛ̀n yɛ́, mɛ̀n mán Dade mɛhi n'ɛgbú-tòbù lɔ wú.