Zhan 14:2 - Ɛmɛẅi ankà ankrànkràn 2003

² Ɛyri bobrebe dú Dade bɩ́ lɔ mɛ̀n kɩ mɛ hɔ̀n mɛ̀n hán ɛyri tɔ̀n mɛ̀n hɛ́n nyɛ̀n hán. Ke dú kɛ kè sɩ̀ dù annànwɔrɛ hô, mɛ́n sɩ̀ dɔ́ nyɛ̀n.

Zhan 14:2 Iomraidhean Croise

Lükɛ̀n 14:22

Ɛnvra cá mɛ̀n eci-bɩtan-wrɔn lɔ vru và kɛ dɔ̀ le: ‘Ankà-yé-wrɔn eci léyi ɛ̀ wá tán mɛ̀n nɔn, mɛ̀n hán trɔ, tɛ́n ɛyɛ́-yri vru dù.’

Zhan 13:33

M'ɛẅì hɔ̀n, mɛ̀n dú nyɛ̀n ɛmɛ̀n ɛnvra cá mɛ̀n tɛ̀kɩ. Nyɛ́n le ji mɛ̀n, tɛ́n mɛ dɔ́ nyɛ̀n zɛtɛ̀ lɔ ankà léyi mɛ̀n dɔ́ Zhüifɛ̀n-bɔ̀ nɔn: nyɛ́n sɩ̀ hɔ́n ɛyri léyi mɛ hɔ̀n nɔn rɔ́.

Zhan 13:36

Simɔn Piɛrɛ̀n ke yrɛ Zhezü le: “Ɛẅɛnwrɔn, tɛyri ɛ hɔ̀n hàn?” Zhezü mrɛ́n nɛ̀n ɔmùan le: “E sɩ̀ kɛ́n mɛ̀n ɛsɛ̀n zɛtɛ̀ lɔ ɛyri léyi mɛ hɔ̀n nɔn rɔ́, tɛ́n ke le bɩ́ ɛnvra, yakɛ ɛ lɛ kɛ́n mɛ̀n ɛsɛ̀n.”

Zhan 14:28

Nyɛ́n yá mɛ̀n dɔ́ nyɛ̀n le: mɛ hɔ̀n, tɛ́n me le vru mɛ̀n vá nyɛ̀n ɛmɛ̀n. Ke dú kɛ nyɛ cüɛn mɛ̀n hô, pɔpüɛ̀ kɛ lɛ brá nyɛ̀n, ɔmuhi nyɛ́n nyri ɔmu le, mɛ hɔ́n Dade tɛsɛ̀n, ɔmuhi Dade sevri vrán mɛ̀n nɔn.

Zhan 16:4

Tɛ́n mɛ dɔ́ nyɛ̀n ankà ndɔ lɔ, ô ɛnvra léyi ɛnbì lɔ kɛ lɛ cɔ̀, ô yɔ hán eci ɔmu lɔ nɔn, ke bru nyɛ̀n le mɛ̀n dɔ́ nyɛ̀n ankà lɔ.” “Ɛnkrubɔmɛ̀n lɔ, mɛ̀n sɩ̀ dɔ́ nyɛ̀n ankà ndɔ lɔ, ɔmuhi mɛ̀n dú nyɛ̀n ɛmɛ̀n nɔn.

Zhan 17:24

Dade, ɛ̀ tán mɛ̀n yɔ, kɩ mɛ cüɛ̀n le yɔ dú mɛ̀n ɛtɛsɛ̀n ɛyri léyi me le dù nɔn, ô yɔ kán m'eci-zrɔ lɔ, eci-zrɔ léyi ɛ̀ tán mɛ̀n nɔn, ɔmuhi ɛ̀ cüɛn mɛ̀n yakɛ yɛ hán ɛnhibù nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 9:16

Mɛ́n dùku me le yé nɛ̀n ɛgbàn léyi nɛ lɛ kán m'ɛkruhú nɔn.”

2 Korɛntɛ̀n anmàn-bɔ̀ 5:1

Annanwɔrɛ mɛ̀n, bɔ́ nyri ɔmu le, ke dú kɛ ɛcàsa-wɔn leyi bɔ́ dú ɛmɛ̀n nɔn (n'ɛmɛ̀n kɛ dɔ̀ le bɔ́ ɛnu ɛnhi antà-dùwrú) kɛ jrɛ́ hô, Ɔwɔ hɛ́n bɔ̀ edúyri tɔ̀n anhobɩ́ anmàn, edúyri tɔ̀n léyi anwrɔnẅì kè sɩ̀ hàn hɩ ke le dú ɛnvra lɔ fɛn nɔn.

1 Tesalonikɛ̀n anmàn-bɔ̀ 5:9

Annanwɔrɛ mɛ̀n lɔ, Ɔwɔ kè sɩ̀ hán bɔ̀, ô bɔ̀ dú n'ɛmɛ̀nhyì-bɩ̀ lɔ mɛ̀n, tɛ́n bɔ̀ cɔ́ ɛnkrukɔrɛ̀ bɔ́ Ɛẅɛnwrɔn Zhezü Krisì bɩmɛ̀n.

Titɛ̀n 1:2

ô yɔ cɔ́ ɛwúvà léyi ke sɩ́ trɔa nɔn n'esɛ́. Ɔwɔ léyi ke sɩ́ ẅɛn ɛyɔ̀n nɔn, wá bɔ̀ ɛwúvà ndɔ lɔ n'ɔmùan, yakɛ ɛnhibù bukru;

Ebre-bɔ̀ 11:10

Ɔmuhi Abrahamɛ̀n kɛ vrá anmàn léyi ẅɛn ɛbù-hinan shishi nɔn, anmàn léyi Ɔwɔ dú n'ɔbɔ̀sɔ-wrɔn mán n'oku-wrɔn nɔn.

Ebre-bɔ̀ 13:14

Ɔmuhi ɛnu-hi lɔ bɔ̀ sɩ̀ ẅɛ̀n anmàn cüìcüì léyi ke le dú ɛnvra lɔ fɛn nɔn; bɔ́ ji anmàn cüìcüì léyi dú ezì kɛ lɛ và nɔn.

Ebre-bɔ̀ 6:20

Nanvrɛn de Zhezü hɛ́ bɔ̀ ezì bru, kɩ nɛ̀n bru bɔ́ kruhú, ɔmuhi nɛ̀n srɔ Ɔwɔ cice-wrɔn cüìcüì ɛnvra lɔ fɛn, Mɛlkisedɛkɛ̀n dùci-hán lɔ mɛ̀n.

Ebre-bɔ̀ 9:8

Ɛnhɛ́n Prɔnprɔn ke yé ɔmu lɔ le, ɛyri prɔnprɔn vri levri lɔ kɛ vá srú ze, ke dú kɛ kpàkpà càsa-wɔn lɔ esù kè sɩ̀ srùɛ.

Ɔwɔ-mɛ̀n-yrikàn 1:5

kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,

Ɔwɔ-mɛ̀n-yrikàn 21:2

Kɩ mɛ̀n kán anmàn prɔnprɔn, Zherüzalɛmɛ̀n wrù léyi Ɔwɔ yüre dú anhobɩ́ kakɛ, krɔn kpehɛ́n hán ɛncɔnwrɔn-hi léyi fi n'edomɛ̀n kɛ̀ hɔ́n nɛ́n cüì ɛsù nɔn.

Ɔwɔ-mɛ̀n-yrikàn 3:12

Ɔkɔ̀nká-wrɔn lɔ, mɛ lɛ srɔ nɛ̀n m'Ɔwɔ lɔ n'ecice wɔn hinan-bù, kɩ nɛ́n sɩ̀ vru dú nanvrɛn lɔ nɛ̀n srɔ mrìmrì. N'ɛwú lɔ, me le merɛ́n m'Ɔwɔ bi mán m'Ɔwɔ anmàn bi, Zherüzalɛmɛ̀n wrù léyi dú anhobɩ́ kakɛ hɩ m'Ɔwɔ hán và. N'ɛwú lɔ me le vru mɛ̀n merɛ́n m'ebi wrù lɔ.

Ɔwɔ-mɛ̀n-yrikàn 3:21

Anwrɔn hɔ̀n léyi kɛ kɔ́nkà nɔn, mɛ lɛ tán yɔ ɛkɔrɛ̀levri yɔ le bɩ́ ɛyri m'ɛgbú-tòbù lɔ wú, hán ɔmu le ɛnvra léyi mɛ́n kɔ́nkà nɔn, mɛ́n hɔ̀n mɛ̀n yɛ́, mɛ̀n mán Dade mɛhi n'ɛgbú-tòbù lɔ wú.