Zhan 14:1 - Ɛmɛẅi ankà ankrànkràn 2003

¹ “Nyɛ́n bɩ́ dú ɛnkrɛ̀ta-kuemɛ̀n, ɔmu lɔ de Zhezü kɛ dɔ́ yɔ nɔn. Nyɛ́n bú Ɔwɔ ankà nyɛ́n tán ankàẅì, ô nyɛ́n bú m'ankà mán nyɛ́n tán ankàẅì.

Zhan 14:1 Iomraidhean Croise

Zhan 11:33

Zhezü kán ɔmu le Mari ke wú-eyú kɩ Zhüifɛ̀n-bɔ̀ léyi kɛ́n nɛ̀n ɛsɛ̀n nvà nɔn mán ke wú-eyú. Ɛnhyɔ̀bɔ̀ cɔ́ nɛ̀n, kɩ nɛ̀n dú gbɔ̀gbɔ̀ mɛ̀n,

Zhan 12:27

“Zɛtɛ̀ lɔ m'ɛnborɛ dú gbɔ̀gbɔ̀ mɛ̀n. Kɩ ankà tán de mɛ lɛ dɔ́ nɛ́n? Mɛ lɛ dɔ̀ le: Dade ɛ̀ mrɛ́n mɛ̀n wacɛ̀n ndɔ lɔ granmɛ̀n gbànkàn lɔ mɛ̀n ɛ̀ sɔhɔ́a? Tɛ́n hɩ le kruhú de mɛ́n và, ô mɛ̀n dú ɛgbànkán mɛ̀n wacɛ̀n ndɔ lɔ granmɛ̀n.

Zhan 12:44

Zhezü sɩ́ ɔmùan ɛwú kɛ dɔ̀ le: “Ɔwrɔn léyi ke bú m'ankà kɛ tán ankaẅì nɔn, annànwɔrɛ mɛ̀n lɔ, kè sɩ̀ dù mɛ́n zri kɩ nɛ́n bú m'ankà nɛ́n tán ankaẅì, tɛ́n ɔwrɔn léyi wá mɛ̀n ɔkɔhɔ̀n nɔn mán.

Zhan 13:19

Mɛ dɔ́ nyɛ̀n zɛtɛ̀ lɔ, ô ɛnvra léyi eci lɔ kɛ lɛ hán nɔn, nyɛ́n cɔ̀ nyɛ́n nyrì le ‘Mɛ̀n dú ɔwrɔn léyi dú mɛ̀n nɔn’.

Zhan 16:24

Hàn kɩ cɔ́ zɛtɛ̀ lɔ nɔn, nyɛ vá sán eci zriɛmɛ́n m'ebɩ́mɛ̀n. Nyɛ́n sán kɩ nyɛ lɛ cɔ̀, kɩ ɔmu lɔ nyɛ́n pɔpüɛ̀-brà lɔ kɛ lɛ sá nmù.”

Zhan 16:3

Yɔ lɛ hán ɔmu lɔ ɔmuhi yɔ sɩ̀ nyrì Dade mán, kɩ yɔ sɩ̀ nyri mɛ̀n mán nɔn.

Zhan 16:6

Tɛ́n ɛnhyɔ̀bɔ̀ cɔ́ ny'ɛnbɔrɛ lɔ, ɔmuhi mɛ̀n dɔ́ nyɛ̀n ɔmu lɔ nɔn.

Zhan 5:23

ô anwrɔn lɔ fɛn kɛ ẅɛn Ɛnẅì wá kɛ hán ɔmu le yɛ wá Ɛnẅì-nɛ́n-zi nɔn hɔ́. Ɔwrɔn léyi ke sɩ́ wá Ɛnẅì lɔ nɔn, nɛ́n sɩ́ wá Ɛnẅì-nɛ́n-zi léyi wá Ɛnẅì ɔkɔ̀hɔ̀n nɔn.”

Zhan 6:40

Hɛ̀ɛ̀, nyàn eci léyi Dade ke ji nɔn: ke ji le anwrɔn hɔ̀n léyi kɛ kán ɔwrɔnẅì Ẅì, kɩ ke bú n'ankà kɛ tán ankaẅì nɔn, kɛ̀ cɔ́ ɛwúvà léyi ke sɩ́ trɔa, ô mɛ̀n bɩ́ yɔ lɔ fɛn owú-bɔ̀ mɛ̀n mɛ́n sɩ́ ɔkɔrɛ-bɔ̀ mɛ̀n ɛmɛẅi trɔ bì lɔ.”

2 Korɛntɛ̀n anmàn-bɔ̀ 2:7

hɩ le kruhú de ke ji le zɛtɛ̀ lɔ, nyɛ́n bɩ́ ɛgbàn nyɛ́n ce nɛ̀n, nyɛ́n yɩ́ nɛ̀n edù, ô nɛ́n bɩ́ dú obòtò vriemɛ̀n, kɛ hán tán n'esɛ́ lɔ fɛn kɛ hɔ́n ɛzrɛ́n mɛ̀n.

Efɛzɛ̀n anmàn-bɔ̀ 1:15

Nyàn eci le kruhú, zɛtɛ̀ léyi mɛ̀n yá yɛ dɔ́ ny'ankaẅì-bùtan-ẅɛn ankà Ɛẅɛnwrɔn Zhezü wú mán ɛcüɛ̀n léyi nyɛ́n ẅɛn ankaẅì-bùtan-bɔ̀ lɔ fɛn wú nɔn,

2 Tesalonikɛ̀n anmàn-bɔ̀ 2:2

nyɛ́n bɩ́ teze ny'edomɛ̀n owule mɛ̀n, yɛ wá ny'ɛnhɛ́n lɔ gbɔ̀gbɔ̀ edù, yɛ wá nyɛ̀n ɛnjansù, ke dú kɛ ɔwrɔn kɛ dɔ̀ le Ɛẅɛnwrɔn bì lɔ ncɔ̀a. Nyɛ́n bɩ́ bú n'ankà lɔ nyɛ́n tán ankaẅì, ke dú kɛ nɛ dɔ̀ le Ɔwɔ-mùanwú-ankà-dɔ̀, kɩ nɛ dɔ̀ le owrú merɛ́n ankà-dɔ̀ de, yɛ tán nyɛ̀n nɔn.

1 Piɛrɛ̀n 1:21

N'ɛmɛ̀n de nye bú Ɔwɔ ankà nyɛ tán ankàẅì, nɛ́n léyi nɛ̀n bɩ́ n'ɛnẅì nɛ̀n sɔhɔ́ owú-bɔ̀ mɛ̀n kɩ nɛ̀n tán yi eci-zrɔ; ɔmu lɔ de nyɛ́n bɩ́ ny'ankaẅìbùtan mán ny'esɛ́ nyɛ́n wá Ɔwɔ mɛ̀n nɔn.