Zhan 13:8 - Ɛmɛẅi ankà ankrànkràn 2003

⁸ Piɛrɛ̀n kɛ dɔ́ nɛ̀n le: “Mɛ̀n krɔ, e sì jru mɛ̀n annan mrìmrì!” Zhezü mrɛ́n nɛ̀n ɔmùan le: “Ke dú kɛ mɛ̀n sɩ̀ jrù mɛ́n annan, e sɩ̀ vru cɔ́ eci zriɛmɛ́n m'antamɛ̀n.”

Zhan 13:8 Iomraidhean Croise

Matie 16:22

Zɛtɛn Piɛrɛ̀n bi nɛ̀n ɔhɔnán kɩ ke di nɛ̀n ebrè: “Ɔwɔ kɛ ẅɛ̀n sɔhɔ́, kɩ nɛ dɔ́ yi le: Ɛẅɛnwrɔn! Hɔ̂, eci ndɔ lɔ ke sɩ̀ hán mɛ́n!”

Matie 21:29

Ɛnẅì lɔ mrɛ́n nɛ̀n ɔmùan le: ‘Hɔ̂, mɛ́n sɩ̀ hɔ̀n’, tɛ́n ɛnẅì lɔ yɛ́, bɩ́ ɛnvra kɩ hɔ́n ankɛ̀tɛmɛ̀n.

Matie 26:33

Piɛrɛ̀n mrɛ́n ɔmùan, kɩ ke dɔ́ nɛ̀n le: “Ke dú kɛ anwrɔn lɔ fɛn ke teze mɛ́n, mɛ tɛn, mɛ́n sɩ̀ teze mɛ́n mrìmrì.”

Matie 26:35

Piɛrɛ̀n kɛ dɔ̀ le: “Mɛ́n sɩ̀ dɔ́ mrìmrì le, mɛ́n sɩ̀ nyrì mɛ́n, ke dú kɛ owù dú ɛmɛ̀n, mɛ̀n mán vɛ́n mɛhi bɔ́ le wù.” Kɩ ɛsɛ̀nkɛn-bɔ̀ lɔ fɛn kɛ dɔ́ ankà zri lɔ.

Zhan 13:6

Annan-jru kɛ́n Simɔn Piɛrɛ̀n, kɩ Piɛrɛ̀n kɛ dɔ́ nɛ̀n le: “Ɛẅɛmwrɔn, vɛ́n de e le jru mɛ̀n annan nɛ́n?”

Zhan 13:9

Simɔn Piɛrɛ̀n kɛ dɔ́ nɛ̀n le: “Ke dú ɔmu lɔ hô, Ɛẅɛnwrɔn, e bɩ́ jru mɛ̀n annan tɛ̀kɩ, tɛ́n è jru mɛ̀n ankorɛ̀ mán ɛnkru!”

Zhan 3:5

Zhezü mrɛ́n ɔmùan le: “Hɛ̀ɛ̀, mɛ dɔ́ mɛ́n annanwɔrɛ mɛ̀n le: ɔwrɔn zriɛmɛ́n ke sɩ̀ bru Anhobɩ́ Nɛ̀ncüì-dúyri ke dú kɛ ye sɩ̀ sàn bî nɛ̀n ɛnshiemɛ̀n mán Ɛnhɛ́n Prɔnprɔn mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 22:16

Kɩ zɛtɛ̀ lɔ, cɛci kruhú kɛ è vru ɛ vrá? Tɔhú, è bɩ́ n'ebɩ lɔ, ɛ lɛ cɔ́ ɛnshi-kruwá, kɩ v'ɛgbàn hɔ̀n lɔ ke le juru sɔhɔ́ mɛ́n edomɛ̀n.’ ”

1 Korɛntɛ̀n anmàn-bɔ̀ 6:11

Nyàn eci léyi dú anwrɔn janbɔ̀ ny'ɛmɛ̀n lɔ nɔn. Tɛ́n ye fi nyɛ̀n edomɛ̀n, ye bɩ́ nyɛ̀n yɛ srɔ Ɔwɔ tɛn, yɛ srɔ nyɛ̀n ɛnnyrɔnnan-bɔ̀ Ɔwɔ zìwú, Ɛẅɛnwrɔn Zhezü Krisì bɩmɛ̀n mán b'Ɔwɔ Hɛ́n mɛ̀n.

Efɛzɛ̀n anmàn-bɔ̀ 5:26

Nɛ̀n ji ɔmu lɔ hán, ô Ɔwɔ-fɛcüè kè dú Ɔwɔ tɛn annanwɔrɛ, ɛnvra léyi nɛ̀n bɩ́ ɛnshi mán ankà-dɔ̀ nɛ̀n fí yi edomɛ̀n nɔn;

Kɔlɔsèn anmàn-bɔ̀ 2:18

Nyɛ́n bɩ́ teze anwrɔn kɛ bɔ́ nyɛ̀n nwù, yɔ léyi yɔ cüɛn ɛntrɛ ci-hán y'edomɛ̀n ɛnhisɩemɛ̀n, kɩ yɔ cüe Ɔwɔ-kùyüre-bɔ̀ ankɔrɛ̀ ezìwúɛ, kɩ yɔ bɩ́ y'ɔwɔ-mɛ̀n-yri-kàn lɔ yɛ srɔ vɔ̀nshɛ́-ci nɔn. Anwrɔn ɔmu hɔ̀n lɔ, tutre woro yɩ́ yɔ ɛmɛ̀n, y'anwrɔnẅì ankà-tro ci-hán mɛ̀n;

Kɔlɔsèn anmàn-bɔ̀ 2:23

Annanwɔrɛ mɛ̀n lɔ, ɛnyànmàn ndɔ hɔ̀n lɔ kɛ cá ankà-nyrì ci-hán, ɔmuhi yɛ dɔ́ ɔwrɔnẅì domɛ̀n sùva-wá, n'edomɛ̀n ɛnhi-sɩ́ mán n'antà-dùwrú ɛshishiemɛ̀n ẅɛ̀n ankà; tɛ́n yɔ sɩ̀ ẅɛ̀n vɔ̀nshɛ́ zriɛmɛ́n hɩ ká ẅɛn bɔ́ eci-gbangbàn hɔ̀n ankà-tro lɔ kɛ̀ sɔhɔ́ nɔn.

Titɛ̀n 3:5

nɛ̀n bɩ́ bɔ̀ nɛ̀n die, kɩ kè sɩ̀ dù bɔ́ ɛnyrɔnnan mán bɔ́ eci-ankrankran-hán mɛ̀n, tɛ́n ɔmuhi nɛ̀n ẅɛn bɔ́ ɛnhyɔ̀bɔ̀-nyrì nɔn. Nɛ̀n bɩ́ bɔ̀ nɛ̀n die ɛnshikru-wá léyi Ɛnhɛ́n Prɔnprɔn cüemɛ̀n tán bɔ̀ ebîemɛ̀n mán ɛwúvà wrù mɛ̀n nɔn.

Ebre-bɔ̀ 10:22

Zɛtɛn bɔ̀ sɔ̀nba Ɔwɔ ɛtɛ̀sɛ̀n ɛnbɔrɛ zriemɛ̀n mán esɛ́ mɛ̀n; bɔ̀ bɩ́ ɛnbɔrɛ fifi léyi ankàtro gbangbàn cɔhɔ́ ɛmɛ̀n, mán edùwru léyi ye bɩ́ ɛnshi fifi ye jru nɔn.

Ɔwɔ-mɛ̀n-yrikàn 1:5

kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,

Ɔwɔ-mɛ̀n-yrikàn 7:14

Mɛ̀n mrɛ́n nɛ̀n ɔmùan le: “Vɛ́n de e nyrì nɔn m'ɛẅɛnwrɔn.” Zɛtɛn nɛ dɔ́ mɛ̀n le: “Yɔ dú anwrɔn hɔ̀n léyi ci ɛgbànkàn vriemɛ̀n. Yɔ jru y'ɛceci she hɔ̀n lɔ kɩ yɔ srɔ yɔ ɛwosu Ɔwɔ Kɔ̀kɔ̀sɛ̀-ẅì krɛ̀ lɔ mɛ̀n.