Zhan 13:5 - Ɛmɛẅi ankà ankrànkràn 2003

⁵ Zɛtɛn nɛ̀n kú ɛnshi cɛnzɛ̀n mɛ̀n kɩ nɛ̀n bukru ne jru n'ɛsɛ̀nkɛn-bɔ̀ annan, kɩ ne bɩ́ ɛcàsa léyi nɛ̀n mú ɛẅiè nɔn ne wurɛn yɔ annan.

Zhan 13:5 Iomraidhean Croise

Lükɛ̀n 7:38

nɛ́n hɔ̀n nyɔn Zhezü ɛmɛẅi, ɛnan tɛsɛ̀n. Ɛnnyɔnwrɔn lɔ ke wú eyú kɩ kɛ gbɛ́ anvɛshi ku Zhezü annan wú; kɩ ne bɩ́ n'ɛnkruẅie lɔ ne wurɛn yi annan wú, nɛ sɔ́n yi annan ɔmuàn, kɩ ne ku yi ɛnshi bánbán lɔ annan.

Lükɛ̀n 7:44

Zɛtɛn nɛ̀n crɛ ezi nɛ̀n kɛ́n ɛnnyɔnwrɔn lɔ kɩ nɛ dɔ́ Simɔn le: “Ɛ kán ɛnnyɔnwrɔn ndɔ lɔa? Mɛ̀n bru mɛ́n ɛbemɛ̀n è sɩ̀ tán mɛ̀n ɛnshi mɛ̀n juru annan; tɛ́n, nɛ tɛn nɛ̀n bɩ́ anvɛshi nɛ̀n juru mɛ̀n annan, kɩ nɛ̀n bɩ́ n'ɛnkruẅie nɛ̀n wurɛn mɛ̀n annan.

Zhan 13:10

Zhezü kɛ dɔ́ nɛ̀n le: “Ɔwrɔn léyi jrɔ́ ɛnshi nɔn, ke sɩ̀ vru jrɔ́ ɛnshiɛ, tɛ́n annan tɛ̀kɩ, ɔmuhi edomɛ̀n fi nɛ̀n ɛyri lɔ fɛn nɔn. Edomɛ̀n fi nyɛ̀n, tɛ́n ke sɩ̀ dù nyɛ lɛ fɛn.”

Zhan 13:6

Annan-jru kɛ́n Simɔn Piɛrɛ̀n, kɩ Piɛrɛ̀n kɛ dɔ́ nɛ̀n le: “Ɛẅɛmwrɔn, vɛ́n de e le jru mɛ̀n annan nɛ́n?”

Zhan 13:8

Piɛrɛ̀n kɛ dɔ́ nɛ̀n le: “Mɛ̀n krɔ, e sì jru mɛ̀n annan mrìmrì!” Zhezü mrɛ́n nɛ̀n ɔmùan le: “Ke dú kɛ mɛ̀n sɩ̀ jrù mɛ́n annan, e sɩ̀ vru cɔ́ eci zriɛmɛ́n m'antamɛ̀n.”

Zhan 19:34

Tɛ́n Gɔliɛ-wrɔn tɔ̀n bɩ́ ebisɛn sɔ́n nɛ̀n ɛgbroẅiè kɩ ɛnkrɛ̀ mán ɛnshi mɛhi srɔ ɛntrɛ ɛnvra zri lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 22:16

Kɩ zɛtɛ̀ lɔ, cɛci kruhú kɛ è vru ɛ vrá? Tɔhú, è bɩ́ n'ebɩ lɔ, ɛ lɛ cɔ́ ɛnshi-kruwá, kɩ v'ɛgbàn hɔ̀n lɔ ke le juru sɔhɔ́ mɛ́n edomɛ̀n.’ ”

1 Korɛntɛ̀n anmàn-bɔ̀ 6:11

Nyàn eci léyi dú anwrɔn janbɔ̀ ny'ɛmɛ̀n lɔ nɔn. Tɛ́n ye fi nyɛ̀n edomɛ̀n, ye bɩ́ nyɛ̀n yɛ srɔ Ɔwɔ tɛn, yɛ srɔ nyɛ̀n ɛnnyrɔnnan-bɔ̀ Ɔwɔ zìwú, Ɛẅɛnwrɔn Zhezü Krisì bɩmɛ̀n mán b'Ɔwɔ Hɛ́n mɛ̀n.

Efɛzɛ̀n anmàn-bɔ̀ 5:26

Nɛ̀n ji ɔmu lɔ hán, ô Ɔwɔ-fɛcüè kè dú Ɔwɔ tɛn annanwɔrɛ, ɛnvra léyi nɛ̀n bɩ́ ɛnshi mán ankà-dɔ̀ nɛ̀n fí yi edomɛ̀n nɔn;

Kpàkpà timote 5:10

ô ye nyri n'ɛci ankrànkràn hɔ̀n léyi nɛ̀n hán nɔn, mán ɔmu le nɛ̀n hán nɛ̀n wɔrɔ n'ɛẅì hɔ̀n, nɛ̀n nyrì ẅɛn nɛ̀nnyàn-bɔ̀, nɛ̀n jru ankaẅì-bùtan-ẅɛn-bɔ̀ annan, nɛ̀n wá ɛmian bɔ̀ ɛkɔrɛ̀, ô nɛ̀n hán ɛci anvrɛnvrɛn mɛ̀ntɛ mɛ̀ntɛ hɔ̀n.

Ebre-bɔ̀ 10:22

Zɛtɛn bɔ̀ sɔ̀nba Ɔwɔ ɛtɛ̀sɛ̀n ɛnbɔrɛ zriemɛ̀n mán esɛ́ mɛ̀n; bɔ̀ bɩ́ ɛnbɔrɛ fifi léyi ankàtro gbangbàn cɔhɔ́ ɛmɛ̀n, mán edùwru léyi ye bɩ́ ɛnshi fifi ye jru nɔn.

1 Zhan 1:7

Tɛ́n ke dú kɛ bɔ̀ dú ɛwúvà-yrikàn mɛ̀n, hán Ɔwɔ mumù léyi dú ɛyrikàn mɛ̀n nɔn, zɛtɛn ɔmu lɔ bó dú ɔbɔ̀sɔ mɛ̀n bɔ́ mán bɔ́ nyran hɔ̀n mɛhi, kɩ n'Ɛnẅì Zhezü krɛ̀ lɔ, ke jru bɔ̀ ɛgbàn lɔ fɛn edomɛ̀n.

1 Zhan 5:6

Zhezü Krisì dú ɔwrɔn léyi nvà nɔn; nɛ́n và nɛ́n mán n'ɛnshi-kruwa shi mán n'owú krɛ̀ mɛhi. Nɛ́n và, nɛ̀n sɩ̀ sɩ̀ ɛnshi zri kɩ, tɛ́n nɛ̀n sɩ́ ɛnshi mán ɛnkrɛ̀ mɛhi. Kɩ Ɛnhɛ́n Prɔnprɔn di dalɛfuɛ le, ndɔ lɔ dú annanwɔrɛ, ɔmuhi Ɛnhɛ́n dú ankà annawɔrɛ nɔn:

Ɔwɔ-mɛ̀n-yrikàn 1:5

kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,

Ɔwɔ-mɛ̀n-yrikàn 7:14

Mɛ̀n mrɛ́n nɛ̀n ɔmùan le: “Vɛ́n de e nyrì nɔn m'ɛẅɛnwrɔn.” Zɛtɛn nɛ dɔ́ mɛ̀n le: “Yɔ dú anwrɔn hɔ̀n léyi ci ɛgbànkàn vriemɛ̀n. Yɔ jru y'ɛceci she hɔ̀n lɔ kɩ yɔ srɔ yɔ ɛwosu Ɔwɔ Kɔ̀kɔ̀sɛ̀-ẅì krɛ̀ lɔ mɛ̀n.