Zhan 13:3 - Ɛmɛẅi ankà ankrànkràn 2003

³ Zhezü dùkú mán nyri ɔmu le Ɔwɔ yri de nɛ́n dù nɛ và nɔn, kɩ ne le vru nɛ̀n hɔ́n Ɔwɔ yri, kɩ Ɔwɔ wá ɛci lɔ fɛn n'ɛkɔrɛ̀srɔn wú.

Zhan 13:3 Iomraidhean Croise

Matie 11:27

Dade wá mɛ̀n eci lɔ fɛn antamɛ̀n. Ɔwrɔn zriɛmɛ́n ke sɩ̀ nyri Ɛnẅì lɔ ke dú kɛ kè sɩ̀ dù Ɛnẅì-nɛ́n-zi, kɩ ɔwrɔn zriɛmɛ́n ke sɩ̀ nyri Ɛnẅì-nɛ́n-zi ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ tán kè nyrì nɔn.

Matie 28:18

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

Lükɛ̀n 10:22

Dade tán mɛ̀n ɛci hɔ̀n lɔ fɛn. Ɔwrɔnẅì zriɛmɛ̀n kè sì nyrì ɔwrɔn léyi dú Ɛnẅì nɔn, ke dú kɛ ke sɩ̀ dù Dade, kɩ ɔwrɔnẅì zriɛmɛ̀n kè sɩ̀ nyrì ɔwrɔn léyi dú Dade nɔn, ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ hán tán kè nyrì nɔn.”

Zhan 1:18

Ɔwrɔnẅì zriɛmɛ́n kɛ vá kán Ɔwɔ mrìmrì. Tɛ́n Ɛnẅì zri kpokpo léyi dú Ɔwɔ, kɩ dú nɛ́n Zi ɛtɛ̀sɛ̀n nɔn, nɛ́n hán ye nyri nɛ́n Zi.

Zhan 13:1

Ye dú ɛnyanmán-bì vra bì mɛ̀n, ô yɛ koran abutùkumɛ́n-kɔ́ nyanmán-bì. Zhezü nyri ɔmu le ɛnvra léyi ne le bɩ nɛ̀n hɔ̀n cɔ́ nɛ́n zi Ɔwɔ nɔn ncɔa. Nɛ̀n cüɛn n'anwrɔn hɔ̀n léyi dú ɛnhibù wú nɔn kɩ nɛ̀n cüɛn yɔ ɛnvra lɔ fɛn, kɩ nɛ̀n dú yɔ ɛcƐɛn mɛ̀n hàn kɩ ɔtrɔmɛ̀n.

Zhan 17:2

Ɔmuhi ɛ̀ tán nɛ̀n ɛkɔrɛ̀srɔn anwrɔnẅì lɔ fɛn wú, ô nɛ̀n hán anwrɔn lɔ fɛn léyi ɛ̀ tán nɛ̀n nɔn, kɛ̀ cɔ́ ɛwúvà léyi ke sɩ́ trɔa nɔn.

Zhan 3:13

Ɔwrɔn zriɛmɛ́n kɛ vá hɔ́n anhobɩ́ mrìmrì, ke dú kɛ kè sì dù ɔwrɔnẅì Ẅì léyi dú anhobɩ kakɛ nɔn!

Zhan 3:35

Ɛnẅì nɛ́n zi kɛ cüɛ́n Ɛnẅì, kɩ tán nɛ̀n ɛkɔrɛ̀srɔn eci lɔ fɛn mɛ̀n.

Zhan 7:29

Mɛ tɛn, mɛ̀n nyri nɛ̀n, ɔmuhi n'ɛtɛ̀sɛ̀n de mɛ́n dù mɛ và nɔn, kɩ nɛ́n de nɛ̀n wá mɛ̀n ɔkɔ̀hɔ̀n nɔn.”

Zhan 7:33

Zhezü kɛ dɔ̀ le: “Mɛ̀n vru mɛ̀n dú nyɛ̀n ɛmɛ̀n ɛnvra cá mɛ̀n, kɩ mɛ lɛ hɔ̀n cɔ́ ɔwrɔn léyi wá mɛ̀n ɔkɔhɔ̀n mɛ́n và nɔn.

Zhan 8:14

Zhezü mrɛ́n yɔ ɔmùan le: “Hɩ mán ke dú kɛ me dí m'edomɛ̀n dalɛfuɛ hô, ankà léyi mɛ dɔ̀ nɔn, dú annanwɔrɛ, ɔmuhi mɛ̀n nyri ɛyri léyi mɛ́n dù mɛ và, mán ɛyri léyi mɛ hɔ̀n nɔn. Tɛ́n, nyɛ́n, nyɛ́n sɩ̀ nyrì ɛyri léyi mɛ́n dù mɛ và mán ɛyri léyi mɛ hɔ̀n nɔn.

Zhan 8:42

Zhezü kɛ dɔ́ yɔ le: “Ke dú kɛ Ɔwɔ kè dú nyɛ́n zi annanwɔrɛ, nyɛ lɛ cüɛn mɛ̀n, ɔmuhi mɛ̀n dú Ɔwɔ yri mɛ́n và kɩ mɛ̀n dú ɛnu lɔ n'ɛkruhú nɔn. Mɛ̀n sì và mɛ́n dùku m'ɛkɔrɛ̀levriemɛ̀n, tɛ́n nɛ́n de nɛ̀n wá mɛ̀n ɔkɔ̀hɔ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:36

Ke ji le Izraɛlɛ̀n fɛcüè lɔ fɛn kè nyri annanwɔrɛ mɛ̀n le: Zhezü ndɔ léyi nyɛ́n gɔ̀n brɛ́ ɛgbàn-hán-tɛ̀ domɛ̀n nɔn, nɛ́n de Ɔwɔ srɔ nɛ̀n Ɛẅɛnwrɔn mán Ebɩ̀die-wrɔn nɔn!”

1 Korɛntɛ̀n anmàn-bɔ̀ 15:27

Annanwɔrɛ mɛ̀n lɔ ye merɛ́n le: “Ɔwɔ cüe nɛ̀n eci lɔ fɛn annantrɛ̀ mɛ̀n.” Tɛ́n nyɛ́n nyrì le, ankà-dɔ̀ ndɔ lɔ “Eci lɔ fɛn” ke sɩ́ wá Ɔwɔ ɛmɛ̀n, nɛ́n léyi nɛ wá eci lɔ fɛn Krisì antamɛ̀n nɔn.

Ebre-bɔ̀ 1:2

tɛ́n zɛtɛ lɔ, ɛnvra trɔ mùan mɛ̀n lɔ, nɛ̀n dɔ́ bɔ̀ ankà n'Ɛnẅì Zhezü mɛ̀n. N'ɛmɛ̀n de Ɔwɔ hán eci lɔ fɛn nɔn, kɩ nɛ́n de Ɔwɔ wá nɛ̀n ɛci hɔ̀n lɔ fɛn, y'ɛẅɛnwrɔn nɔn.