Zhan 13:1 - Ɛmɛẅi ankà ankrànkràn 2003

¹ Ye dú ɛnyanmán-bì vra bì mɛ̀n, ô yɛ koran abutùkumɛ́n-kɔ́ nyanmán-bì. Zhezü nyri ɔmu le ɛnvra léyi ne le bɩ nɛ̀n hɔ̀n cɔ́ nɛ́n zi Ɔwɔ nɔn ncɔa. Nɛ̀n cüɛn n'anwrɔn hɔ̀n léyi dú ɛnhibù wú nɔn kɩ nɛ̀n cüɛn yɔ ɛnvra lɔ fɛn, kɩ nɛ̀n dú yɔ ɛcƐɛn mɛ̀n hàn kɩ ɔtrɔmɛ̀n.

Zhan 13:1 Iomraidhean Croise

Matie 26:45

Zɛtɛn nɛ̀n vru nɛ̀n vá n'ɛsɛ̀nkɛn-bɔ̀ ɛtɛ̀sɛ̀n kɩ nɛ dɔ́ yɔ le: “Nyɛ́n dú ɛmɛ̀n nyɛ di ɛndà kɩ nyɛ wrɔncüɛ? Zɛtɛ̀ lɔ wacɛ̀n ncɔ̀a kɩ ye le bɩ́ ɔwrɔnẅì Ẅì yɛ wá ɛgbàn-hán-bɔ̀ antamɛ̀n.

Matie 28:20

ô nyɛ́n hán yɔ, yɛ ẅɛn ankà hɔ̀n lɔ fɛn léyi mɛ̀n yé nyɛ̀n nɔn, n'ɛkɔrɛ̀zì yɔ hɛ́n. Kɩ ke ji le nyɛ́n nyrì le: me le dú nyɛ̀n ɛmɛ̀n ɛnvra lɔ fɛn, hàn kɩ kɛ lɛ cɔ́ ɛnhibù trɔ vra.”

Lükɛ̀n 22:53

Ɛnvra lɔ fɛn mɛ̀n mán nyɛ́n mɛhi bɔ́ dú ɛcice-wɔn lɔ mɛ̀n, kɩ nyɛ́n sɩ̀ ji mɛ̀n ɛẅɛn yri. Tɛ́n wacɛ̀n ndɔ lɔ dú nyɛ́n mán ɛyri-yɔwɔ korɛ̀-srɔn tɛ́n.”

Lükɛ̀n 9:51

Ɛnvra léyi ɛnbì kɛ vá ɛcɔ́-yri, ô Zhezü kè dú ɛnu ɛnhi kɛ̀ hɔ́n anhobɩ́ nɔn, nɛ̀n wá kpankpan le, ke ji le nɛ̀n hɔ́n Zherüzalɛmɛ̀n.

Zhan 11:55

Zhüifɛ̀n-bɔ̀ koran bì léyi ye bi abutùkumɛn-kɔ́ nyanmán-bì nɔn, kɛ́n eburi, kɩ anmàn-hi wú anwrɔn bobrebe kɛ hɔ́n Zherüzalɛmɛ̀n ke fi y'edomɛ̀n yakɛ ɔkoran bì kɛ̀ cɔ̀.

Zhan 12:23

Zhezü mrɛ́n yɔ ɔmùan le: “Zɛtɛ̀ lɔ ɛnvra cɔ̀a; ɔwrɔnẅì Ẅì ke le bru n'eci-zrɔ lɔ mɛ̀n.

Zhan 13:29

Ɔmuhi Zhüda kɛ hɛ́n ɔkùa nɔn, anwrɔn bobrebe tro le Zhezü kɛ dɔ́ nɛ̀n, nɛ̀n hɔ̀n nɛ̀n wɔ́ ɔkoran-ci léyi ke ji nɔn kɩ. Ndɔ hɔ̀n tro le nɛ dɔ́ yi kɛ̀ hɔ̀n kɛ̀ tán ɛmian-bɔ̀ ɛci.

Zhan 13:3

Zhezü dùkú mán nyri ɔmu le Ɔwɔ yri de nɛ́n dù nɛ và nɔn, kɩ ne le vru nɛ̀n hɔ́n Ɔwɔ yri, kɩ Ɔwɔ wá ɛci lɔ fɛn n'ɛkɔrɛ̀srɔn wú.

Zhan 13:34

Mɛ tán nyɛ̀n ɛnyanmàn wrù tɔ̀n: nyɛ́n cüɛn ny'edomɛ̀n. Ke ji le nyɛ́n cüɛn ny'edomɛ̀n hán ɔmu le mɛ cüɛn nyɛ̀n nɔn.

Zhan 14:28

Nyɛ́n yá mɛ̀n dɔ́ nyɛ̀n le: mɛ hɔ̀n, tɛ́n me le vru mɛ̀n vá nyɛ̀n ɛmɛ̀n. Ke dú kɛ nyɛ cüɛn mɛ̀n hô, pɔpüɛ̀ kɛ lɛ brá nyɛ̀n, ɔmuhi nyɛ́n nyri ɔmu le, mɛ hɔ́n Dade tɛsɛ̀n, ɔmuhi Dade sevri vrán mɛ̀n nɔn.

Zhan 14:31

tɛ́n ke ji le ɛnhibù ke nyrì le, mɛ cüɛn Dade kɩ mɛ hán n'ɛkɔrɛzì-ci. Nyɛ́n tɔhú, bɔ̀ cɔhɔ́ ɛnu lɔ.”

Zhan 16:28

Mɛ̀n dú Dade yri mɛ́n và kɩ mɛ̀n vá ɛnhibù wú. Zɛtɛ̀ lɔ mɛ cɔhɔ́ ɛnhibù wú kɩ mɛ hɔ́n Dade tɛ̀sɛ̀n.”

Zhan 17:1

Ɛnvra léyi nɛ̀n dɔ́ ankà ɔmu lɔ trɔ nɔn, Zhezü sɩ́ anvɛ̀ ɛwú kɩ kɛ dɔ̀ le: “Dade wacɛ̀n ncɔ́a. È yé v'Ɛnẅì ci-zrɔ lɔ, ô Ɛnẅì mán ke yé v'eci-zrɔ lɔ.

Zhan 17:16

Yɔ sɩ̀ dù ɛnhibù tɛn, hán mɛ̀n léyi mɛ̀n sɩ̀ dù ɛnhibù tɛn nɔn.

Zhan 17:26

Mɛ̀n hán yɔ, yɔ nyri mɛ́n, kɩ me le vru mɛ̀n hán yɔ, yɔ nyri mɛ́n, ô ɛcüɛ̀n léyi ɛ̀ ẅɛn m'ɛwú nɔn, kè dú yɔ ɛmɛ̀n, ô mɛ́n mumù mán mɛ̀n dú yɔ ɛmɛ̀n.”

Zhan 17:5

Zɛtɛ̀n zɛtɛ̀ lɔ, Dade, tán mɛ̀n v'ezìwú eci-zrɔ léyi mɛ̀n ẅɛn v'ɛtɛsɛ̀n ɛnvra léyi ɛnhibù kɛ vá dù nɔn.

Zhan 18:4

Zɛtɛn Zhezü léyi nyri eci léyi kɛ lɛ wɔɛ̀n nɔn, nán esù hɔ́n y'ɛtɛ̀sɛ̀n kɩ ke yrɛ yɔ le: “Antɔn nye jiɛ?”

Zhan 19:28

Ndɔ lɔ mɛẅi lɔ, ɔmuhi Zhezü nyri ɔmu le zɛtɛ̀ lɔ, ɛci lɔ fɛn lɔ trɔa nɔn, nɛ dɔ́ ankà ndɔ lɔ ô Owrú Prɔnprɔn ankà-dɔ̀ lɔ kɛ sá nmù: Nɛ́n dɔ̀ le: “Ɛnshi mùanwù kɛ ẅɛn mɛ̀n.”

Zhan 2:13

Zhüifɛ̀n-bɔ̀ abutùkumɛ́n-kɔ́ nyanmán-bì lɔ, kɛ́n eburi kɩ Zhezü hɔ́n ZherƐzalɛmɛ̀n anmàn.

Zhan 6:4

Abùtùkumɛ́n-kɔ́ nyanmán-bì, léyi dú Zhüifɛ̀n-bɔ̀ koran-bì nɔn, kɛ́n eburi.

Zhan 7:30

Zɛtɛn Zhüifɛ̀n-bɔ̀ ke ji ɛyri ô kɛ̀ ẅɛ̀n nɛ̀n, kɩ ɔwrɔn zriɛmɛ́n ke sɩ̀ cɔ́ nɛ̀n ɛẅɛn yri, ɔmuhi n'ɛnvra kɛ vá cɔ̀ nɔn.

Zhan 7:6

Zhezü kɛ dɔ́ yɔ le: “M'ɛnvra kɛ vá cɔ̀. Nyɛ tɛn, ɛnvra lɔ fɛn zrɔ tán nyɛ̀n.

Zhan 8:20

Zhezü dɔ́ ankà ndɔ hɔ̀n lɔ ɛnvra léyi ne yé ankà Ɔwɔ-cice-wɔn lɔ mɛ̀n, ɛyri léyi ɛcice tɛ̀ wroko hɔ̀n lɔ ndù nɔn. Ɔwrɔn zriɛmɛ́n kè sɩ̀ ẅɛn nɛ̀n, ɔmuhi nɛ́n wacɛ̀n kɛ vá cɔ̀ nɔn.

Rɔmɛ̀n-anmàn-bɔ̀ 8:37

Tɛ́n eci ndɔ lɔ fɛn mɛ̀n, b'ɔkɔ̀nkà lɔ sá nmù, ɔwrɔn léyi cüɛn bɔ̀ nɔn, n'ebɩmɛ̀n.

1 Korɛntɛ̀n anmàn-bɔ̀ 1:8

Nɛ́n de nɛ lɛ ẅɛn nyɛ̀n ɛshishiemɛ̀n hàn kɩ kɛ lɛ cɔ́ ɛnkrutrɔ, ô ye bɩ́ cɔ́ eci-gbàngbàn zriɛmɛ́n ny'ɛwú hàn kɩ kɛ̀ krɔn n'ɛvá vra.

Ebre-bɔ̀ 3:14

Annanwɔrɛ mɛ̀n lɔ, bɔ̀ dú Krisì sɛnkɛn-bɔ̀, ke dú kɛ bɔ́ ẅɛn nɛ̀n eshishiemɛ̀n hàn mán kɛ cɔ́ ɔtrɔ vra, esɛ́ léyi bɔ̀ ẅɛn ɛnkrubɔmɛ̀n nɔn.

Ebre-bɔ̀ 3:6

Tɛ́n Krisì dú ɔmùan-zri-di-wrɔn, nɛ́n léyi nɛ̀n dú ɛnkru, Ɔwɔ wɔn lɔ mɛ̀n nɔn. Kɩ bɔ̀ dú n'ɔwɔn lɔ, ke dú kɛ bɔ́ bɩ́ b'ankàẅì-bùtan mán bɔ́ esɛ́ ke dú b'ɔmùan-gbú-ci.

Ebre-bɔ̀ 6:11

Tɛ́n bɔ́ ji le, ɔwrɔn wrɔn kè yé edùyì n'eci-hán mɛ̀n hàn mán ɔtrɔ mɛ̀n, ô ny'esɛ́ lɔ kɛ̀ sá nmù kokroho.

1 Piɛrɛ̀n 1:13

Hɩ le kruhú de ke ji le nyɛ́n krɔn kpehɛ́n eci-hán mɛ̀n, ny'ɛnhɛ́n lɔ kè dú ɛvɛ̀ kpriemɛ̀n. Nyɛ́n bɩ́ ny'esɛ́ lɔ fɛn nyɛ́n wá ɛkɔrɛ̀wá léyi yɛ lɛ tán nyɛ̀n ɛnvra léyi Krisì kɛ lɛ và nɔn mɛ̀n.

1 Zhan 4:19

Bɔ tɛn, bɔ̀ ẅɛn ɛcüɛ̀n, ɔmuhi Ɔwɔ gɔ́ cüɛn bɔ̀ kpàkpà mɛ̀n nɔn.

Ɔwɔ-mɛ̀n-yrikàn 1:5

kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,